الموضوع: كاوتش جديد!

المشاركة الأصلية كتبت بواسطة Dr_Smart

انا لسه شاري 4 فرد كونتينينتال ContiEco....... 3 فرنسي مقاس 15/65/195 وكان برضو ب 480 للفرده شامل ترصيص ونيتروجين

من عند بركات - مصطفى النحاس وهو موزع معتمد لكونتينينتال ... ولقيت فعلا تفاوت في الاسعار يعني مثلا اشرفكو الفرده هي هي ب 550

ولقيت منها تشيكي هي اطرى بكتير لكن الفرنسي افضل واضمن لان هي اللي بتيجي عن طريق الوكيل مناسبه للشوارع المصريه لكن التشيكي بتيجي عن طريق التجار

بس عموما للبرسونا اعتقد لو لقيت Yokohama c-drive ياباني هتبقى انسب لعربيتك بس اتاكد من تاريخها يكون جديد عشان لقيتها عند بركات برضو ولكن للاسف كانت انتاج 2011 ... وكونتينينتال كانت اسبوع 24 من 2012

لو kumho Ecsta بس يا ريت لو لقيت كوري عشان معظمه فييتنامي

أحنا بنتكلم عن مقاس 195-60-15 مش مقاس 195-65-15 ودى تفرق وبعدين انا كنت سألت عند بركات برضة كان السعر 525 جنية للفردة شامل Conti premium tm2 سلوفكى المنشأ أوروبى

المشاركة الأصلية كتبت بواسطة saint2011

أحنا بنتكلم عن مقاس 195-60-15 مش مقاس 195-65-15 ودى تفرق وبعدين انا كنت سألت عند بركات برضة كان السعر 525 جنية للفردة شامل Conti premium tm2 سلوفكى المنشأ أوروبى

الحمد لله يا أصدقائى .. إشتريت من عند بركات 4 فرد كاوتش بالمواصفات التاليه:CONTINENTAL PREMIUM ....... 2 195/60R15 88H
مصنوعه فى سلوفاكيا .. و سعرها كان 515 جنيه للكاوتش الواحد و إنتاج أخر أسبوع فى شهر 4 لسنة 2012

إنطباعى العام عن الكاوتش .. إنه راااااااااااائع للغايه .. و طرى جداً .. و فعلاً فرق شنيع عن السيلفر ستون الى كان راكب فيها من الفابريكه ... إحساسى مع المطبات مختلف تماماً عن قبل كده .. صوت العربيه مع السرعات أهدى بكثير .. الفرامل تغيرت تماماً .. العفشة إختلفت تماماً .. بإختصار حسيت إنى غيرت العربيه بواحده تانيه جديده ..

المقاس الى مصنوع فى فرنسا هو ال 65 .. لكن ال 60 مصنوع فى سلوفاكيا .. و انا سألت كل المحلات تقريباً عن 60 مصنوع فى فرنسا و مالقتش فى مصر نهائى .. دخلت على النت و دورت على فروقات ما بين السلوفاكى و الفرنسى .. و لم أجد أى حد يبذم فى السلوفاكى .. بالعكس أكثر من شخص كان بيقول أن الجوده ثابته .. و لا فروق بينه و ما بين الكاوتش الفرنسى أو الألمانى لنفس الماركه

ملاحظه أخيره بخصوص بركات لللأطارات .. أصحاب المحل ناس فى قمة الإحترام ... لكن العمال الى بريكبوا الكاوتش أى كلام .. ركبولى فردتين كاوتش بالمشقلب .. الكاوتش له إتجاه inside و أخر Outside .. كانوا راكبين بالعكس .. بالإضافه أن الترصيص كان سىء للغايه .. فوإنت بتركب خلى عينك على الحاجت ديه.

نصيحتى لأى حد بيغير الكاوتش .. يتجد ل كونتننتال .. فعلاً يستاهل كل جنيه إتدفع فيه.. و سعره على النت أغلى من سعر بيعه فى مصر .. بص هنــــــــــا

شكراً لدعمكم و عقبالكم جميعاً تغيروا الكاوتش على خير

محمد الشافعى

ديه صفحة المنتج من موقع كونتننتال سولفاكيا من
http://www.conti-online.com/generato.......-2-sk.html
هنـــــا

شكل اللينكات مع المنتدى بايظه خالص .. كل ما أحط لينك ما يشتغلش .. معلش بقه

ألف مليون شكر يا أحمد باشا .. كلك ذوق و الله .. ربنا يخليك :d :d :d

على فكره ياريت تنظم مقابله و الناس تشوف بعضها .. أنا نفسى أشوف الناس الحلوه الى بتتفاعل و بتفيد بعضها فى المنتدى هنا :) :)