حاجتين كده علي السريع

**hassanin_lada** · 03-10-2012 01:15 AM

اولا :دلوقت انا كنت لاحظت من فتره ان لما ابقي مركب العربيه كلها ولسا بطلع علي الغيار الاول او طالع علي مطلع بلاقي الفتيس بيتهز جامد وبحاول اسايسه لحد ماتمشي العربيه ولما بقي عاطي الخامس علي سرعة 100 كده بردو بتبقي في رجه في الفتيس مع اني لو ماشي علي الرابع نفس السرعه مابيبقاش في اي رجه فهل ده طبيعي ولا ده طقم دبرياج ولا ايه بالظبط

ثانيا : انا عندي استهلاك البنزين زفت يعني وصلت الصفيحه ل 150 كيلو بالعافيه وطبعا ناس كتير قالت ان الاكس والباب عباره عن مسكنات ولا بديل لتغير الكاربرتير وطبعا الكاربرتير غالي جدا فايه تكلفت اني احول العربيه انجكشن (ومنو توفير اكثر لاستهلاك البنزين وسحب افضل وصوت اهدي)

طبعا عربتي لادا 2107 مود 2006 مصري الملقبه بمونيكا مستني الردو

**amr_8800** · 03-10-2012 01:59 AM

اعتقد والله اعلم الهزه اي في الفتيس دي من قاعدة الفتيس
اما بالنسبه للكاربيراتير فلو اتفتح وقبل كده اديك منه والقبر متستناش منو اي حاجه

**hassanin_lada** · 03-10-2012 02:01 AM

الف شكر ليك ياباشا وفي انتظار بقيت الردود للتأكيد :)

**khalid_adel** · 03-10-2012 02:09 AM

بص علي القواعد الاول

**hassanin_lada** · 03-10-2012 03:47 PM

متابع باقي الردود ياجماعه

**MEKAWY2000** · 03-10-2012 08:18 PM

بص يامتابع باقى الردود لو عايز تعرف ان قاعده الفتيس انزل بنفسك تحت السياره وامسك عمود الكردان وحركه يمين وشمال وتحت وفوق وشوف فى هزه كبيره ولا لا لان قاعده الفتيس كاوتش
اما الاكيد فهو عندك دسك واسطوانه لازم يتغيرو
بالنسبه للكاربرتير فصيانته سهله عند المتخصص فى ورش كاربرتير فقط للصيانه وناس عندها زمه انا عانيت فتره من اكل البنزين ولما رحت لورشه الكاربرتير وعملت الصيانه الحمد الله بقى تمام والميكانيكى بردو قال اكس وباب لاكن لما رحت للورشه طلع خلاط هواء وغيره ومن سعتها ماشى تمام وبعمل 250كم فى الصفيحه
لنما لو عايز تغير لانجشكشن فخليك على علم انك هتتكلف اكثر من2500 لان النجشكشن لازم تغير وش السلندر كمان وفى الحاله دى بردو الادا بتسحب بنزين لان الشوط طويل والانضغاط 8

**hassanin_lada** · 03-10-2012 10:37 PM

هههههه حبيبي والله استاذ مكاوي بس زعلتني لما قولتي دسك واسطوانه جوووي مع اني عندي السحب والتجميع 10/10 (طب التكلفه لو حبية اغيره وايه افضل نوع من باب العلم بالشئ) .. بالنسبه للكاربرتير انا فعلا من فتره غيرت منظم الهوا كان بحاولي 30 جنيه علي ماأتذكر ومن ساعتها والريحه اختفت بشكل ملحوظ اللي جت فتره وناس كتير كانت بتعاني منها واستهلاك البنزين علي الطوالي حسبتها علي 20 كيلو اخدت لتر ونص يعني الصفيحه تمشي حوالي 250 /260 يعني مافيش احسن من كده تاني بس المشكله معايا ان استخدامي كله في نص البلد فامش عارف ايه المشكله بالظبط :(

**yoyhmh** · 03-10-2012 11:54 PM

المشاركة الأصلية كتبت بواسطة mekawy2000

بص يامتابع باقى الردود لو عايز تعرف ان قاعده الفتيس انزل بنفسك تحت السياره وامسك عمود الكردان وحركه يمين وشمال وتحت وفوق وشوف فى هزه كبيره ولا لا لان قاعده الفتيس كاوتش
اما الاكيد فهو عندك دسك واسطوانه لازم يتغيرو
بالنسبه للكاربرتير فصيانته سهله عند المتخصص فى ورش كاربرتير فقط للصيانه وناس عندها زمه انا عانيت فتره من اكل البنزين ولما رحت لورشه الكاربرتير وعملت الصيانه الحمد الله بقى تمام والميكانيكى بردو قال اكس وباب لاكن لما رحت للورشه طلع خلاط هواء وغيره ومن سعتها ماشى تمام وبعمل 250كم فى الصفيحه
لنما لو عايز تغير لانجشكشن فخليك على علم انك هتتكلف اكثر من2500 لان النجشكشن لازم تغير وش السلندر كمان وفى الحاله دى بردو الادا بتسحب بنزين لان الشوط طويل والانضغاط 8

الله ينور عليك ا/مكاوى كلامك صحيح----------------

**yoyhmh** · 03-10-2012 11:59 PM

الاستاذ/مكاوى لو سمحت عندى استفسار
انا عربيتى 2002 /1500سى سى/كاربيراتير
غيرت جلب مقصات اكتر من مرة مش عارف اعمل ايه لدرجة انى كرهت اللادا اللى انا مقتنع بيها جدا كسيارة عملية ولكن ازاى تبقى عملية و عفشتها كدة اتمنى الافادة و لو فيه تليفون اكلم حضرتك عليه ابقى متشكر جدا-------------------------------------------------