لمحبي سيارات الخدمة الشاقة و الدفع الرباعي ...

**M!NA** · 29-11-2012 01:13 AM

المشاركة الأصلية كتبت بواسطة moshaks

موضوع جميل جداااا احييك يا استاذ مينا عليه..سؤال يطرح نفسه الكورسليه فاضى بتاع جيب رانجلر التسعينات يعمل كام؟
وهل هيركب على نفس الشاسيه بتاع السبعينات بدون اى تعديل ؟؟؟؟

شكرا جزيلا لذوقك.... :)

الكروسليه الفاضي لمعلوماتك يعني من غير أبواب أو كبوت...
و ده ب3000 جنيه
أما الكامل بكل حاجته فبيكون في حدود 10-11

و بيركب على شاسيه السبعينات مفيش مشاكل.... الشاسيه أسهل حاجة تتوفق...

**M!NA** · 29-11-2012 11:23 AM

المشاركة الأصلية كتبت بواسطة moshaks

اشكرك لسرعة ردك يا استاذ مينا
وممكن بعد اذنك تحطلى صورة لاخر شكل فى التسعينات يركب على شاسيه موديل سبعينات

سيبك من الصور اللي بتشوفها في النت.... قوللي ايه اللي في دماغك و أنا هقولك على أقصر طريق ليه....

أصلك لو متصور أنك هتجيب شاسيه سبعينات و تشتري نصين و تركبهم عليه و بكدا توفر.... فأحب أقولك أن على أرض الواقع الكلام ده مش صح....

الكلام ده ينفع بس لو بتعمل كذا عربية.... 20-30 عربية.... مش حتى 10 عربيات.... و بتكون واخدهم كجزء من اللوطات اللي بتنزل من الجيش.... و لو فيه شاسيه منهم معووج بتستعدله الأول....
و لازم يكون عندك عربيات جامبو شغالة عشان كل نقلة من مكان لمكان بفلوس....
يعني لو بتعمل عربية فرداني.... افضل ليك اشتريها جاهزة...

**M!NA** · 29-11-2012 09:50 PM

المشاركة الأصلية كتبت بواسطة moshaks

لا الموضوع مش كده ..فى عربية رانجلر موديل الثمانينات شوفتها مخبوطة فى الجنب بتاع السواق فوق العجلة اللى ورا وركونة بقالها فترة والعيال بتلعب فيها ومبهدلاها ومكسره الزجاج ففكرت فى انى اشوف صاحبها اشتريها منه واعتقد مش هتعمل كتير واغير الكورسليه واركب واحد جديد مكان اللى مخبوط مع شوية ترويش خفيف.علشان كده سئلتك على الكورسليه يعمل كام..
ده اللى كان فى دماغى ايه رايك؟؟

شوفها بكام...فيها رخصة ولا منتهية؟ كاوتشها حالته ايه؟ فيها بطارية ولا لأ؟ موتورها فوق 2030 سي سي؟

و اعمل حسبتك....

**M!NA** · 29-11-2012 10:42 PM

المشاركة الأصلية كتبت بواسطة moshaks

ان شاء الله ناوى على كده.. انا استخدامى مدنى جوه المدن مش بطلع لا جبال ولا رحلات سفارى. وكان معايا نيفا وهى اللى حببتى فى السيارت العالية ومميزاتها فى الطرق المصرية الحلوة.
هل الموتور اذا كان خفيف ممكن اغير بماركة تانيه يكون اقتصادى عن الجيب لانى عارف انه سفاح حاجة من المواتير اليابانى زى مثلا 3y هل ينفع عليها؟؟ او لو في بديل ايه هو وسعره فى حدود كام؟

كل اللي راكب جيب بيغير بمواتير تويوتا و هي سهل تركيب اي موتور عليها

و مش عارف أسعار...اسأل احسن في بورسعيد... بس هو مش رخيص... ال3y محترم و غالي

**jit_service** · 29-05-2013 04:44 PM

مع كامل إحترامي وتقديري لكل مشاركتكم وتعليقاتكم إنما والله يا جماعه الكلام ده مالوش وجود بالطريقه دي إلا في مصر بسبب أسعار العربيات العبيطه اللي جماركنا الحلوه وحكومتنا بتعليها بسبب الضرائب والرسوم
ما فيش أفضل من إن العربيه تكون على ابوها من الألف للياء
وأكيد مليون في الميه لو اللي صنعها كان يقدر يعدل فيها فيها حاجات كتير لو هيا محتاجه تغير أو تعديل إنما هندسة التصميم ليها متتطلبات وخامات ومقاسات لكا حاجه في العربيه سواءا للإتزان او إستهلاك البنزين حتى لمقاومة الهوا إثناء السير كل دي حاجات يا جماعه مينفعش نتجاهلها
وطالما المصاريف عاليه جدا زي ما إنتو بتقولو يبقى إيه فايدة التعديل ما نشتري اللي متقفل بفابريكته ونخلص ولا هوا وجع دماغ وخلاص دحنا بيطلع عنا وبنبقى عاصرين على نفسنا طن لمون وإحنا عند الصنايعي لحد ما يتكرم عليك ويبص على عيب عربيتك وإنت وحظك يا يقلبك لانه مش فاضي أو يعكهالك لو هوا مش فاهم وتخش في دايره من أول وجديد مع سلسلة مشاكل مش عارف هتخلص لحد فين
أسف يمكن راي ما يعجبش القارئ بس بجد ما فيش اوسخ من الذل عند الصنايعيه عشان يطلعولك شغلك مظبوط
ما بالك بقه وانت بتبني عربيه من اول وجديد

**M!NA** · 30-05-2013 12:04 AM

المشاركة الأصلية كتبت بواسطة jit_service

مع كامل إحترامي وتقديري لكل مشاركتكم وتعليقاتكم إنما والله يا جماعه الكلام ده مالوش وجود بالطريقه دي إلا في مصر بسبب أسعار العربيات العبيطه اللي جماركنا الحلوه وحكومتنا بتعليها بسبب الضرائب والرسوم
ما فيش أفضل من إن العربيه تكون على ابوها من الألف للياء
وأكيد مليون في الميه لو اللي صنعها كان يقدر يعدل فيها فيها حاجات كتير لو هيا محتاجه تغير أو تعديل إنما هندسة التصميم ليها متتطلبات وخامات ومقاسات لكا حاجه في العربيه سواءا للإتزان او إستهلاك البنزين حتى لمقاومة الهوا إثناء السير كل دي حاجات يا جماعه مينفعش نتجاهلها
وطالما المصاريف عاليه جدا زي ما إنتو بتقولو يبقى إيه فايدة التعديل ما نشتري اللي متقفل بفابريكته ونخلص ولا هوا وجع دماغ وخلاص دحنا بيطلع عنا وبنبقى عاصرين على نفسنا طن لمون وإحنا عند الصنايعي لحد ما يتكرم عليك ويبص على عيب عربيتك وإنت وحظك يا يقلبك لانه مش فاضي أو يعكهالك لو هوا مش فاهم وتخش في دايره من أول وجديد مع سلسلة مشاكل مش عارف هتخلص لحد فين
أسف يمكن راي ما يعجبش القارئ بس بجد ما فيش اوسخ من الذل عند الصنايعيه عشان يطلعولك شغلك مظبوط
ما بالك بقه وانت بتبني عربيه من اول وجديد

بالعكس
انا متفق معاك و بشدة في كلامك
الصنايعية كتير جدا منهم مقرفين
و العربيات اللي على ابوها اريح للدماغ من العربيات المعمولة

بس فيه نقطتين

فيه صنايعية مش مقرفين و مش كسالى و متخصصين في التعديلات اللي زي ديه و اسعارهم مش غالية :)
بس مش بيكونوا في المدن الكبيرة زي القاهرة و اسكندرية
بيكونوا في أرياف المدن و خصوصا مدن الدلتا اللي زي - كفر الشيخ - بحيرة - منصورة - قليوبية - شرقية... الخ

تاني حاجة انك لو عارف دية كل حاجة ايه و كام يوم و مين يعملها...تقدر بكل بساطة تخلص عربيتك في اسرع وقت
باختصار...لو عارف بتعمل ايه و عند مين
اكيد موضوع تعديل السيارات مش بالأمر اللي اي حد يقدر يعمله لأنه محتاج خبرة و معارف و تكون عارف ترتيب اللي هتعمله

اخيرا....
العربية التفصيل ديه حاجة بتعملها لمزاجك.... على سببيل المثال ....نفسك تركب حاجة ديزل و فور باي فور و بتانك كبير... عشان توفرلك فلوس و متعطلش بيك و متضايقكش وقت أزمات السولار.....
مفيش حاجة على ابوها بنفس المواصفات غير اللاند كروزر... و ديه لو قارننا سعرها بسعر العربية العمولة... مش هيكون فيه أي وجه مقارنة :) - العربية العمولة ارخص بمراحل أكيد

-

-

-

-

الموضوع: لمحبي سيارات الخدمة الشاقة و الدفع الرباعي ...

LinkBack

أدوات الموضوع

عرض

-

-

-

-

-

-

المواضيع المتشابهه

استعراض لبعض وجهات النظر عن محركات البنزين و الديزل في سيارات الدفع الرباعي

لماذا سيارات الدفع الرباعي؟؟؟

الدفع الرباعي ام الدفع الخلفي

دايهاتسو تيريوس افضل سيارات الدفع الرباعي المدمجه لعام 2008

قائمة بالسيارات التي تحمل لقب سيارات الخدمة الشاقة....!!

الكلمات الدلالية لهذا الموضوع

المفضلات

المفضلات

ضوابط المشاركة