| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 5 من 5 الأولىالأولى 1 2 3 4 5
النتائج 41 إلى 49 من 49

  1. #41

    الصورة الرمزية amz2011

    رقم العضوية : 85345

    تاريخ التسجيل : 09Jan2011

    المشاركات : 1,514

    النوع : ذكر

    الاقامة : giza

    السيارة: لانسر2007

    السيارة[2]: فليشيا

    دراجة بخارية: لايوجد

    الحالة : amz2011 غير متواجد حالياً

    افتراضي -

    hasad">

    مينا باشا
    ازيك عامل ايه؟.
    انا بحترم فيك طريقة تفكيرك و اسلوبك المحترم و الفكر المنطقى
    ديما مواضعيك كله افاده للاعضاء
    انت زى ما انت عارف انا عندى عربيه موسو 2008 ديزل
    طبعا طالع عين امى فى حوار الديزل و عايز احولها بنزين فالسؤال اللى محيرنى ايه الموتور اللى ينفع مع العربيه الموسو لان فى ناس كتير مش عارفاها اصلا؟.
    فى ناس كتير بتقولى اصبر بس طوابير السولار لا احد يقدر يتحملها من طول انتظار و خناقات و عطله
    اتمنى انك تفيدنى فى الموضوع داه.


  2. #42

    الصورة الرمزية amz2011

    رقم العضوية : 85345

    تاريخ التسجيل : 09Jan2011

    المشاركات : 1,514

    النوع : ذكر

    الاقامة : giza

    السيارة: لانسر2007

    السيارة[2]: فليشيا

    دراجة بخارية: لايوجد

    الحالة : amz2011 غير متواجد حالياً

    افتراضي -

    بص العربية الرانجلر المعدله ديه شوفت زيها عند كارفور العربيه ديه بنظرتك كده متكلفه كام عشان توصل للشكل داه. الصور فى اللينك داه
    صور جيب رانجلر معدلة | تموز دوت كوم


  3. #43

    الصورة الرمزية M!NA

    رقم العضوية : 1893

    تاريخ التسجيل : 25Aug2007

    المشاركات : 1,873

    النوع : ذكر

    الاقامة : Cairo

    السيارة: Timber Land

    السيارة[2]: Wrangler2.8 TurboDiesel

    دراجة بخارية: Bajaj Boxer 150cc

    الحالة : M!NA غير متواجد حالياً

    افتراضي -

    اقتباس المشاركة الأصلية كتبت بواسطة amz2011 مشاهدة المشاركة
    مينا باشا
    ازيك عامل ايه؟.
    انا بحترم فيك طريقة تفكيرك و اسلوبك المحترم و الفكر المنطقى
    ديما مواضعيك كله افاده للاعضاء
    انت زى ما انت عارف انا عندى عربيه موسو 2008 ديزل
    طبعا طالع عين امى فى حوار الديزل و عايز احولها بنزين فالسؤال اللى محيرنى ايه الموتور اللى ينفع مع العربيه الموسو لان فى ناس كتير مش عارفاها اصلا؟.
    فى ناس كتير بتقولى اصبر بس طوابير السولار لا احد يقدر يتحملها من طول انتظار و خناقات و عطله
    اتمنى انك تفيدنى فى الموضوع داه.
    ده من ذوقك متشكر ليك
    بالنسبة لتغيير الموتور سهل اوي... مفيهوش اي مشاكل...
    بس احتمال نحتاج نعدل شوية حاجات في الضفيرة عشان العدادات تقرأ صح...

    فيه حل تاني ممكن يكون انسب شوية
    انك تفصل تنك كبير شوية بحيث بدل ما بتمون كل اسبوع ولا اسبوعين...تمون كل شهر مثلا.... و تعمل نفس مشاويرك
    ده هيعتبر أقل الحلول وقت و أقلهم تكلفة

    في كل الحالات انت تشرفني لو كلمتني و نفكر في انسب حل و نوصل له ان شاء الله :)


    اقتباس المشاركة الأصلية كتبت بواسطة amz2011 مشاهدة المشاركة
    بص العربية الرانجلر المعدله ديه شوفت زيها عند كارفور العربيه ديه بنظرتك كده متكلفه كام عشان توصل للشكل داه. الصور فى اللينك داه
    صور جيب رانجلر معدلة | تموز دوت كوم

    من 40-60 ألف
    حسب هو معدل العفشة ولا لأ
    لأن التعديلات اللي برة من اكصدامات arb لشبكة سقف لأكيد فيه حوامل استبن و كواريك و عدة (في الخلف) كل ده ميقلش عن 35
    والعفشة ممكن 15 ...

    اعذروني عشان مش بقدر افتح المنتدى كتير
    ده الايميل و هيجيلي مباشرة على التليفون لأي استفسار
    mina.nilemotors@gmail.com
    و السكايب
    mina.nilemotors


  4. #44

    الصورة الرمزية ahmed_eng2001

    رقم العضوية : 63828

    تاريخ التسجيل : 02Mar2010

    المشاركات : 2,083

    النوع : ذكر

    الاقامة : القاهرة

    السيارة: لانسر بومة 2008

    السيارة[2]: بليزر k5 1980

    دراجة بخارية: no

    الحالة : ahmed_eng2001 غير متواجد حالياً

    افتراضي -

    اقتباس المشاركة الأصلية كتبت بواسطة jit_service مشاهدة المشاركة
    مع كامل إحترامي وتقديري لكل مشاركتكم وتعليقاتكم إنما والله يا جماعه الكلام ده مالوش وجود بالطريقه دي إلا في مصر بسبب أسعار العربيات العبيطه اللي جماركنا الحلوه وحكومتنا بتعليها بسبب الضرائب والرسوم
    ما فيش أفضل من إن العربيه تكون على ابوها من الألف للياء
    وأكيد مليون في الميه لو اللي صنعها كان يقدر يعدل فيها فيها حاجات كتير لو هيا محتاجه تغير أو تعديل إنما هندسة التصميم ليها متتطلبات وخامات ومقاسات لكا حاجه في العربيه سواءا للإتزان او إستهلاك البنزين حتى لمقاومة الهوا إثناء السير كل دي حاجات يا جماعه مينفعش نتجاهلها
    وطالما المصاريف عاليه جدا زي ما إنتو بتقولو يبقى إيه فايدة التعديل ما نشتري اللي متقفل بفابريكته ونخلص ولا هوا وجع دماغ وخلاص دحنا بيطلع عنا وبنبقى عاصرين على نفسنا طن لمون وإحنا عند الصنايعي لحد ما يتكرم عليك ويبص على عيب عربيتك وإنت وحظك يا يقلبك لانه مش فاضي أو يعكهالك لو هوا مش فاهم وتخش في دايره من أول وجديد مع سلسلة مشاكل مش عارف هتخلص لحد فين
    أسف يمكن راي ما يعجبش القارئ بس بجد ما فيش اوسخ من الذل عند الصنايعيه عشان يطلعولك شغلك مظبوط
    ما بالك بقه وانت بتبني عربيه من اول وجديد
    انا مش متفق مع كلام حضرتك
    فيه متعة خاصة و انت بتضفى تعديلك على حاجة انت بتستمتع بيها .... زى عربيتك
    و كمان ممكن تجد متعة اكتر لما تواجهك مشاكل و صعوبات ... و تتعلم ازاى تتغلب عليها
    فيه ناس فى بلاد برة ..... بيعدلوا عربياتهم .. و اعتقد انهم قادرين على شراء عربيات جاهزة .. و فى الغالب التعديلات الى بيعملوها مش بتكون فى مواصفات الفابريكة ... و بتكون عربيات ناجحة جدا ... جرب حضرتك تتفرج على فيديوهات فى اليو تيوب على تعديلات العربيات ... و خاصة تعديلات عربيات الدفع الرباعى
    و يا سلام ..... لو انت الى بتعدل بنفسك .... متعة مختلفة تماما
    انا نفسى اعمل كل التعديلات الى قالها مينا فى عربيتى ... و بنفسى بدون استعانة بصنايعية ... بس ده شبه مستحيل
    مينا من كتر ما لف على الصنايعية .... عرف مين الكويس و مين الى ينفع يعمل الحاجة دى و تكلف كام .... و كمان نشترى قطع الغيار من فين

    انا متفق معاك ان اغلب الصنايعية ... ايديهم تتلف فى حديد و بعدين تتقطع ... بس عليك البحث عن الصنايعية الكويسين


  5. #45

    الصورة الرمزية jit_service

    رقم العضوية : 83522

    تاريخ التسجيل : 14Dec2010

    المشاركات : 60

    النوع : ذكر

    الاقامة : Alexandria

    السيارة: polonez

    السيارة[2]: 128

    دراجة بخارية: صيني تقليد الهارلي

    الحالة : jit_service غير متواجد حالياً

    افتراضي -

    رأيك لازم يحترم دي وجهة نظرك وليك حق فيها إلى حد كبير جدا

    بس معلش برده صنايعية إيه اللي مدن الدلتا اللي يقدروا يعدلو على مصنع ومهندسين ورسومات وتخطيط وتوزيع أحمال وتوزيع نقط إرتكاز ونقط تحميل وهندسة أبعاد الكاوتش وهندسة المسافات بين المحاور في العربيه

    يا صديقي تعرف ان ممكن يكون التنك الكبير اللي انت بدور عليه ده في حد ذاته نقطه ممكن تؤدي لمشكله في العربيه او حتى تتسبب في كارثه على الطريق لا قدر الله
    تنك العربيات عموما بيتم تصميمه عشان يمنع المحروقات اللي جواه انها تصطدم بجسمه من غير ما يكون لها مكان تتوزع عليه يعني بعباره اخرى ميخبطش بقوه في جوانب التنك والتعاريج اللي بتبقى في جسم التنك دي مش بتبقى ديكور دي تقويه لجسم التنك ونفس الوقت ممتص لصدمة المحروقات اللي جواه لما العربيه بتلف او تقف مره واحده
    ومكان التنك في حد ذاته وعرضه وطوله دي حاجه بتتعمل بدراسه مش مجرد حط التنك وإملاه وإمشي

    انا فاهم انك نفسك تعمل اللي على مزاجك بس دي بتبقى حاجه كده لمزاجك الخاص بس معلش يعني مشاكل من كل الأنواع بتفضل تواجهك وما تقوليش اصل لو صنايعي مش عارف ايه هيبقى كل حاجه تمام
    يا باشا كل اللي بتفكر فيه اللي صنع العربيه فكر فيه وأكتر شويتن تلاته اربعه بس لما تم تصميم الشكل وإعتمده المصنع يبقى لازم تعرف ان الشكل ده ما ينفعش يتعدل في اساسه حاجه تاني ممكن تلعب في الشكل الخارجي زي ما انت عايز انما اساسيات اعتقد انسى انك ممكن تضاهي المصنع

    على فكره انا مش بقول الكلام ده وانا ما بظبطش في عربيتي بالعكس دا انا من هواة الإختراعات بس انا ببقى عارف انها كلها مسكنات العربيه لما كل حاجتها بتبقى فيها بتبقى إعتماديه وما يتخفش منها

    تقبل تحياتي

    صمتى لغتي فإعذروني لقلة كلامي
    ولا تحسبوا الصمت ضعف ونسيان
    فالجبل صامت وبداخله بركان


  6. #46

    الصورة الرمزية ahmed_eng2001

    رقم العضوية : 63828

    تاريخ التسجيل : 02Mar2010

    المشاركات : 2,083

    النوع : ذكر

    الاقامة : القاهرة

    السيارة: لانسر بومة 2008

    السيارة[2]: بليزر k5 1980

    دراجة بخارية: no

    الحالة : ahmed_eng2001 غير متواجد حالياً

    افتراضي -

    اقتباس المشاركة الأصلية كتبت بواسطة jit_service مشاهدة المشاركة
    رأيك لازم يحترم دي وجهة نظرك وليك حق فيها إلى حد كبير جدا

    بس معلش برده صنايعية إيه اللي مدن الدلتا اللي يقدروا يعدلو على مصنع ومهندسين ورسومات وتخطيط وتوزيع أحمال وتوزيع نقط إرتكاز ونقط تحميل وهندسة أبعاد الكاوتش وهندسة المسافات بين المحاور في العربيه

    يا صديقي تعرف ان ممكن يكون التنك الكبير اللي انت بدور عليه ده في حد ذاته نقطه ممكن تؤدي لمشكله في العربيه او حتى تتسبب في كارثه على الطريق لا قدر الله
    تنك العربيات عموما بيتم تصميمه عشان يمنع المحروقات اللي جواه انها تصطدم بجسمه من غير ما يكون لها مكان تتوزع عليه يعني بعباره اخرى ميخبطش بقوه في جوانب التنك والتعاريج اللي بتبقى في جسم التنك دي مش بتبقى ديكور دي تقويه لجسم التنك ونفس الوقت ممتص لصدمة المحروقات اللي جواه لما العربيه بتلف او تقف مره واحده
    ومكان التنك في حد ذاته وعرضه وطوله دي حاجه بتتعمل بدراسه مش مجرد حط التنك وإملاه وإمشي

    انا فاهم انك نفسك تعمل اللي على مزاجك بس دي بتبقى حاجه كده لمزاجك الخاص بس معلش يعني مشاكل من كل الأنواع بتفضل تواجهك وما تقوليش اصل لو صنايعي مش عارف ايه هيبقى كل حاجه تمام
    يا باشا كل اللي بتفكر فيه اللي صنع العربيه فكر فيه وأكتر شويتن تلاته اربعه بس لما تم تصميم الشكل وإعتمده المصنع يبقى لازم تعرف ان الشكل ده ما ينفعش يتعدل في اساسه حاجه تاني ممكن تلعب في الشكل الخارجي زي ما انت عايز انما اساسيات اعتقد انسى انك ممكن تضاهي المصنع

    على فكره انا مش بقول الكلام ده وانا ما بظبطش في عربيتي بالعكس دا انا من هواة الإختراعات بس انا ببقى عارف انها كلها مسكنات العربيه لما كل حاجتها بتبقى فيها بتبقى إعتماديه وما يتخفش منها

    تقبل تحياتي

    السلام عليكم

    انا مش بس بحترم رايك و وجهة نظرك .... انا كمان بحترم حسن اسلوبك للحوار و رقيه من حضرتك
    ان شاء الله كدة دائما ربنا يديم المعروف

    اما عن الصنايعية و التعديلات ..... انا اتعاملت مع حداد فى حتة ريفية بسيطة ... عجبنى دماغه جدا ... الراجل مش بيعدل و لا بيقول انا عبقرى و حغيرلك العربية و الكلام ده ... الراجل بسيط جدا فى كلامه و ماهر جدا فى صنعته ... انا اعترضت على حاجات كان بيعملها ... و هو كمان اعترض على حاجات انا قلتله عليها و انا فهمت وجهة نظره

    كنت بتعامل مع ميكانيكى اسمه محمود توفيق فى العمرانية .... معلم .. عبقرى
    وجدت عنده عربية واحد زميلنا .... كان بيرفع جسم العربية عن الارض ( شيفروليه تاهو ) ... و كان جايب واحد بتاع عفشة و بيوريه يعمل ايه ..... انا اتفرجت على العربية بعد كدة ... كنت فاكرها همر .... و فى المشى كويسة جدا ... بس توازنها اصبح اقل

    انا عاوز اقول لحضرتك ان فيه صنايعية فى الاقاليم ... معلمين فعلا .. و اسعارهم رخيصة و تعاملهم كويس جدا ... بس دول قلة قليلة مندسة :)

    كلام حضرتك عن التانك انا مقتنع بيه تماما ... و فعلا ممكن التانط ده يكون ازمة ...
    اتكلم عن نفسى ..... انا رحت اشتريت تانك تانى زى الى راكب فى عربيتى بالظبط بالعوامة بتاعته .. و كنت حروح للحداد ده اتشاور معاه .. فين انسب مكان ينفع يتركب فيه .... و ان شاء الله حنحافظ على التوازن مع التانك الاصلى

    التعديلات الى انا اقصدها ... مش بتيجى ناحية اداء العربية اوى ( انا اعتقد كدة ) ....حديك امثلة للى نفسى اعمله فى عربيتى من تعديلات على سبيل المثال :-

    عمل قفص حديد خارجى لحماية العربية لو اقلبت لا قدر الله .... يعنى لو العربية اقلبت تحمل وزنها على القفص الحديد ده و متحملش على الصاج ... ده حيزود وزن العربية شوية و يزود حجمها ( الى هو مش ناقص اصلا )

    تغيير الكارونة الامامية و الخلفية و استبدالهم بكوارين لوك ..... الى هى الكوارين الى بتخلى العجلتين يلفوا مع بعض فى بعض الاحيان ( اوتوماتيك ) او عند الحاجة ( مانيوال )

    تركيب تانك بنزين زيادة .. و زى ما قلت لحضرتك حيكون زى التانك الى راكب فى العربية

    لما ربنا يكرمنى بفلوس ان شاء الله ... كنت عاوز اسقط ماتور ديزل 8 سلندر ... عربيتى ليها موتور ديزل بينزل على بعض موديلاتها

    انا عن نفسى بحب العب فى عربيتى ... لما بيكون معايا فلوس و وقت

    انا سعيد بالنقاش مع حضرتك


  7. #47

    الصورة الرمزية M!NA

    رقم العضوية : 1893

    تاريخ التسجيل : 25Aug2007

    المشاركات : 1,873

    النوع : ذكر

    الاقامة : Cairo

    السيارة: Timber Land

    السيارة[2]: Wrangler2.8 TurboDiesel

    دراجة بخارية: Bajaj Boxer 150cc

    الحالة : M!NA غير متواجد حالياً

    افتراضي -

    اقتباس المشاركة الأصلية كتبت بواسطة jit_service مشاهدة المشاركة
    رأيك لازم يحترم دي وجهة نظرك وليك حق فيها إلى حد كبير جدا

    بس معلش برده صنايعية إيه اللي مدن الدلتا اللي يقدروا يعدلو على مصنع ومهندسين ورسومات وتخطيط وتوزيع أحمال وتوزيع نقط إرتكاز ونقط تحميل وهندسة أبعاد الكاوتش وهندسة المسافات بين المحاور في العربيه

    يا صديقي تعرف ان ممكن يكون التنك الكبير اللي انت بدور عليه ده في حد ذاته نقطه ممكن تؤدي لمشكله في العربيه او حتى تتسبب في كارثه على الطريق لا قدر الله
    تنك العربيات عموما بيتم تصميمه عشان يمنع المحروقات اللي جواه انها تصطدم بجسمه من غير ما يكون لها مكان تتوزع عليه يعني بعباره اخرى ميخبطش بقوه في جوانب التنك والتعاريج اللي بتبقى في جسم التنك دي مش بتبقى ديكور دي تقويه لجسم التنك ونفس الوقت ممتص لصدمة المحروقات اللي جواه لما العربيه بتلف او تقف مره واحده
    ومكان التنك في حد ذاته وعرضه وطوله دي حاجه بتتعمل بدراسه مش مجرد حط التنك وإملاه وإمشي

    انا فاهم انك نفسك تعمل اللي على مزاجك بس دي بتبقى حاجه كده لمزاجك الخاص بس معلش يعني مشاكل من كل الأنواع بتفضل تواجهك وما تقوليش اصل لو صنايعي مش عارف ايه هيبقى كل حاجه تمام
    يا باشا كل اللي بتفكر فيه اللي صنع العربيه فكر فيه وأكتر شويتن تلاته اربعه بس لما تم تصميم الشكل وإعتمده المصنع يبقى لازم تعرف ان الشكل ده ما ينفعش يتعدل في اساسه حاجه تاني ممكن تلعب في الشكل الخارجي زي ما انت عايز انما اساسيات اعتقد انسى انك ممكن تضاهي المصنع

    على فكره انا مش بقول الكلام ده وانا ما بظبطش في عربيتي بالعكس دا انا من هواة الإختراعات بس انا ببقى عارف انها كلها مسكنات العربيه لما كل حاجتها بتبقى فيها بتبقى إعتماديه وما يتخفش منها

    تقبل تحياتي

    أولا شكرا لرد حضرتك ووجهة نظرك اللي أكيد صحيحة الي حد كبير

    لكن خليني أوضحلك الصورة أكتر

    العربية اللي بعملها... مش بيفضل من الأصل أو الأساس بتاعها غير الشاسيه
    يعني مثلا...

    الرانجلر اللي معايا
    تم تصفية الشاسيه من كل شيء.... و تركيب موتور و فتيس ايسوزو بالكامل
    بنفس الطريقة اللي بتكون نازلة بيها في شاسيه الإيسوزو بالظبط
    يعني هديلك مثال بسيط

    الموتور ال6 سلندر البنزين اللي نازل في الرانجلر
    قواعده معمولة منفصلة كل قاعدة على فردة شاسيه
    في حين أن موتور الايسوزو النص نقل تحته بيكون فيه قنطرة

    فلما تم تقعيد موتور الايسوزو في الرانجلر..... متقعدش على قاعدتين زي نظامها... لأ... اتقعد على قاعدتين و قنطرة (لامتصاص اهتزازات الموتور الديزل)

    تاني نقطة
    لما مثلا بيتم تركيب اكصدام

    بيتم عمل حساب سُمك حديد الشاسيه.... و بعدين بيتعمل قاعدة أقل سُمكا من الشاسيه و من الاكصدام اللي هيتم عمله....
    بحيث في حالة لا قدر الله لو حادثة كبيرة.... القواعد ديه تمثل نقط انهيار

    أما بالنسبة لنقطة التنك... ووزنه... أو الاكصدامات ووزنها
    و غيرها من الأوزان المضافة للعربية

    فده برضه شيء معمول حسابه.... الموتور اللي اتحط في العربية مُصمم عشان يركب في عربية لتحميل 3 طن
    و عشان الرانجلر وزنها مش تقيل.... فكل الأوزان اللي تم اضافتها مشكلتش أي مشلكة....

    بالنسبة لثنيات التنك.... و دلايله و غيرها
    بيتم فيها عمل حساب الكرونة الخلفية... و القاعدة اللي هيقعد عليها التانك... غير كدا أنت ممكن تستغل أي فراغ أسفل العربية لعمل تنك اضافي



    و في النهاية أحب اوضح لحضرتك أن في اوروبا و امريكا فيه ناس كتير جدا هواة زي حالاتنا... و بيعملوا التعديلات ديه و أكتر و أجرأ منها كمان.... ( و بيكون هاوي off-roading) أو هاوي تعديلات عادي جدا

    أنا مشترك في منتديات جيب امريكية و شفت فيها عجب العجاب :)


    طب عارف الجيب الروسي؟ أو الروماني القديمة ديه؟
    العربية ديه بتشتغل بالنفر في بعض المناطق الريفية
    مبيكونش في منها أي حاجة متبقية صناعتها روسية غير الشاسيه و الكروسليه فقط لا غير

    كرونة - كردان - موتور - فتيس - عفشة - مساعدين - تانك... كل ده بيكون معدل تويوتا أو ايسوزو ...


    ملحوظة أخيرة...

    فيه مواتير صُممت عشان تركب في عربيات نص نقل و ملاكي و ميكروباص
    زي مثلا التويوتا ال2Y

    و في اللي بيركب في عربيات فور باي فور و في اوتوبيسات... زي مثلا 1HZ
    اللي بيكون نازل في اللاند كروزر و الاوتوبيس الكوستر

    فالحاجة الواحدة بيكون ليها كذا function
    بس المهم في التعديل و عشان يبقا ناجح... أنك تعرف ازاي تُحاكي الenvironment و الظروف اللي نازل فيها الموتور و الفتيس اللي هتركبهم...


    آخر ملحوظة....العربية اللي معايا ( و اللي عاملها على ايدي) هي الوحيدة اللي بضمنها تماما و معنديش مانع اسافر بيها اي مكان one shot مهما كان بعيد
    و سافرت بيها قبل كدا سانت كاترين و دهب و رجعت بدون أدنى مشكلة على الإطلاق
    حتى بعد رجوعي....

    آسف للاطالة و سعيد بالنقاش مع حضرتك :)

    اعذروني عشان مش بقدر افتح المنتدى كتير
    ده الايميل و هيجيلي مباشرة على التليفون لأي استفسار
    mina.nilemotors@gmail.com
    و السكايب
    mina.nilemotors


  8. #48

    الصورة الرمزية SERGIOOO90

    رقم العضوية : 145339

    تاريخ التسجيل : 16Jun2013

    المشاركات : 207

    النوع : ذكر

    الاقامة : cairo

    السيارة: داستر - nubira

    السيارة[2]: سيراتو 2013 SX

    الحالة : SERGIOOO90 غير متواجد حالياً

    افتراضي -

    موضوع جامد جدا


  9. #49

    الصورة الرمزية حابى عنخ

    رقم العضوية : 190445

    تاريخ التسجيل : 27Jul2016

    المشاركات : 15

    النوع : ذكر

    الاقامة : أسوان

    السيارة: لا

    السيارة[2]: نعم

    الحالة : حابى عنخ غير متواجد حالياً

    افتراضي -

    hasad">

    ايه رأى حضرتك فى سيارة الجيب جراند شيروكى عام 2002 او 2003 او 2004
    أنا عايز اشترى واحدة وعايز أعرف لو ليها عيوب
    واشترى 6 سلندر ولا 8 سلندر
    والليميتد افضل ولا لاريدو



 
صفحة 5 من 5 الأولىالأولى 1 2 3 4 5

المواضيع المتشابهه

  1. استعراض لبعض وجهات النظر عن محركات البنزين و الديزل في سيارات الدفع الرباعي
    بواسطة M!NA في المنتدى جميع أنواع و فئات سيارات الديزل
    مشاركات: 84
    آخر مشاركة: 13-01-2015, 01:03 PM
  2. لماذا سيارات الدفع الرباعي؟؟؟
    بواسطة hatemali في المنتدى قسم سيارت الدفع الرباعى وال SUV
    مشاركات: 12
    آخر مشاركة: 07-05-2009, 04:45 PM
  3. الدفع الرباعي ام الدفع الخلفي
    بواسطة hisham343 في المنتدى دايــهاتســو
    مشاركات: 30
    آخر مشاركة: 06-01-2009, 09:23 PM
  4. دايهاتسو تيريوس افضل سيارات الدفع الرباعي المدمجه لعام 2008
    بواسطة م.محمد شافعي في المنتدى دايــهاتســو
    مشاركات: 11
    آخر مشاركة: 02-09-2008, 05:53 AM
  5. قائمة بالسيارات التي تحمل لقب سيارات الخدمة الشاقة....!!
    بواسطة hero في المنتدى المنتــــــدى العـــــــــــام للسيــارات
    مشاركات: 13
    آخر مشاركة: 30-07-2008, 03:20 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2