الموضوع: الوزن ده معناه إيه في نيو أكسنت

السلام عليكم ورحمة الله وبركاته

قرأت في أحد المقارنات بين نيو أكسينت ولوجان أن الوزن الصافى لنيو أكسنت ((1155كج))

أنا شايف إن العربية حجمها قله شويه يعني الوزن ده يفيد بإن الصاج محمل وكويس مش زي فيرنا ولانوس والحاجات دي ؟؟
ولا أقوى بس مش أوي ولا يقارب من الياباني زي ما البعض بيقول ؟؟؟

مشكورين مقدما ...

المشاركة الأصلية كتبت بواسطة amrelsaqqa

انزل الشارع وشوف العربيات هتعرف مين اللى صاجها حلو ومين اللى صاجها تعبان

من واقع نظرتى للعربيات اليابانى والكورى في الشارع ( لان اغلب الاوروبى فوق المنافسة ) اقولك على سبيل المثال بعض العربيات من الاسوأ للاحسن

اكسيل (ضايعة وخصوصا الكبوت وده اللى خلاها تتصدر القايمة )
كيا سيفيا ( مع انها ممتازة في كل حاجة بس صاجها ضعيف جدا فعلا وعمرها ما بترجع زي الاول بعد السمكرة )
نوبيرا ( صفايح سمنة :d )
شوما
اكسينت القديمة
لانوس ( مش سيء اوى على فئتها بس مع السوك البومبيه بيبان اوى اي تأثير على الصاج ، بس كفاية انه احسن من النوبيرا !)
فيرنا ( مش الجامد اوى بس الخطوط الحادة اللى في العربية مخلياها ماسكة نفسها شوية ومش بيبان عليها البهدلة )
(النترا الجديدة متوقع مكانها هنا ! ومن غير ضرب :d )
افيو
اوبترا ( الكبوت والسقف اضعف حاجة فيها !)
ياريس
النترا شكل 2006
لوجان
رينو فلوانس
سيراتو
النترا شكل 2007
كورولا شكل 2001-2007 ( بس الرفارف ضعيفة )
لانسر ( ساعات احس انها ضعيفة وساعات احس انها قوية ( مش عارف ) )
نيو اكسنت ( بجد من احسن العربيات في قوة الصاج ونادرا ما تلاقي الصاج منبعج بالطريقة المبالغ فيها بتاعت العربيات الكوري ، ودى حاجة حيرتنى كتير فعلا )
نيسان صنى ( صاج ودهان محترم بجد )

طبعا القايمة تقريبية نتيجة الملاحظة المستمرة وملاحظة ورش السمكرة يعنى مش مبنية على اساس علمي ، يعنى الترتيب مش دقيق 100% واجتهاد شخصى ولكن الى حد ما فيه شيء من الحقيقة وخصوصا في اول القايمة يعنى يمكن بعد العربيات اللى باين اوى انها ضعيفة بيبقى صعب الترتيب شوية

أنا بشكرك بشده وفعلا والله ماكنت أتوقع الإجابة الوافية دي
وللعلم بالنسبة لملاحظتك على نيو أكسينت أنا فعلا بلاقي دايما الخبطه بس هي اللي مأثره مش مجرد ماتتلمس الصاج كله يروح معاك
وشكرا جزيلا على الإجابة الوافية مره ثانية