عرض للطباعة
اللى بيحصل ده كتير على فكره . بأختصار العربيه 516 ls
العربيه سواء سخنه أو بارده بتنتش تنتيش غير طبيعى على الاول والثانى ؟
قمت بتغيير البوجيهات وتغيير فلتر البنزين والهواء من حوالى اسبوعين فى صيانة ال 20000
صوت نعره (العربيه بتنعر) عند النقل فوق rpm 3
بالاضافه الى أن العربيه بتكلبش وتعض لما اسيب دواسة البنزين على الاول
كل ده عرضته على المهندس محمد هاشم فرع ابو رواش ولم يلتفت له ساكن
يا ريت اللى عنده اى رد أو عانى من مشكله مماثله يفيدنى بخبرته
وجزاكم الله خيــــــــرا
اظن الموضوع له علاقه بالدبرياج
اسطوانه وديسك
نظف البوابة
وأزاى دى أوصلها للتوكيل علشان يغيروها على الضمان . ؟؟
عروستـــــــــى
متابع ......
الموضوع فعلا شكله اسطوانه دبرياش وديسك لانه حصل مع زميلى
تنتيش برضوا والبهدله دى ؟اقتباس:
المشاركة الأصلية كتبت بواسطة katoba
المشكله ان العربيه لما بتروح التوكيل مبتعملش حاجه
انا مش عارف الحل ايه؟
شوف كهربائي كويس الاول
انا عندي كهربائي شغال في التوكيل وعنده جهاز
لو عايز اديلك عنوانه جرب الاول
وشوف ها يقولك ايه ممكن يكون في حاجه في حساس وعامل المشاكل دي
جربت تبص على حساس الدبرياج (رجلاش الدبرياج)؟
هتلاقيه تحت دواسه الدبرياج علاطول عبارة عن صباع لو دوست عليه يدخل ويرجع تانى زى السوستة كده .. كل المطلوب انك هتنزل تحت عند الدواسة تضغط على دواسة الدبرياج بايدك للاخر وبايدك التانية تشد الصباع لتحت (ناحية الدواسة) وشد متخفش لحد ماتسمع صوت تكه وبعدها تسيب الدواسة لحد ما تلتقى بالصباع ده وكده يبقى الرجلاش اتظبط.
جرب وقولى لان التنتيش حصل معايا من فترة كده وهم عملوا الحكاية دى فى التوكيل واتظبطت الحمد لله (بس مكنش تنتيش شديد زى مابتقول ومفيش كلبشة).
جرب وقولى النتيجة
هجرب كوضوع رجلاش الدبرياج ده الاول وبعديها اشوف موضوع الكهربائى ده يا استاذ هوجناقتباس:
المشاركة الأصلية كتبت بواسطة khaled_saga
مشكوريييييييييين بس يا رب الاقيه اصلى دورت عليه قبل كده ومالقيتوش
الله المستعان هجرب واقوللكم
بص ياباشا عشان محدش يفتى فى العربيه وخلاص انا كان عندى مشكله زى دى بالظبط من اسبوعين وعملتها الحمدلله فى مركز المتحده والعربيه عامله 20 الف كيلو والمشكله اللى عندك دى حاجه من الأتنين :
1- حساس كامه ( وده كان بنتش عندى العربيه جامد وغيرته فى المتحده ورجعت زيرو الحمد لله )
2- مجموعه الدبرياج ديسك واسطوانه
قأحسن واسلم واسرع حل تطلع على المتحده تفهم فى ايه وبعد كده على التوكيل عدل على الأقل تبقى عارف الدنيا ماشيه ازاى وتقدر تقول العيب فى كذا
لقد قمت اليوم بتجربة صباع الرجلاش كان فعلا محتاج التكه دى بس مفيش أى تغيير فى التنتيش مستمر والفتيس احيانا لما بنقا من التانى للتالت بينطر منى (مش بيكمل) النقله
هل فى ميكانيكى كويس وقريب اقدر اروحله يفيدنى افادكم الله ؟
فين الكهربائى ده يا استاذ هوجناقتباس:
المشاركة الأصلية كتبت بواسطة hugan
وكان فى صوت قلتلك عليه زى خبط أو دربكه فى الناحيه الشمال لما بلف شمال
روحت التوكيل وجربت معملتش حاجه لما رجعت تحت البيت ظبطت ظغط الهواء على 30 رجع الصوت تانى يا ترى ده يبقى ايه اللى ليه علاقه بضغط الهواء ؟؟
وماتنسانيش فى عنوان الكهربائى اللى عنده الجهاز
تطلع كوبري الساحل وانت جاي من المظلات شبرااقتباس:
المشاركة الأصلية كتبت بواسطة jant
تنزل نزله الكيت كات شمال
اول ماتنزل تلاقي علي ايدك اليمين معهد السمع والكلام
بعديه بحاجات بسيطه دخله شارع طلعت حرب في امبابه هاتلاقي كل العربيات الميكروباص والتكاتك داخله يمين
تدخل يمين
هاتلاقي محل البرنس بتاع الاكل مشهور قوي
تعديه وتكمل
بعد يه بحوالي 500 متر تسال علي مدرسه مدينه العمال
توصل عند المدرسه تسال علي اسماعيل الكهربائي
لكن لازم تروح له بعد 7 مساء علي مايكون خلص شغل في التوكيل او يوم جمعه
للامانه كهربائي اكتر من ممتاز
والميزه انه حافظ العربيه وكهربتها
ومش بتاع اشتغالات
خير ان شاء الله
وتابع وقولي ايه الاخبار