مشكلة فى كاوتش رينو فلوانس 2012

**sam_mashtooly** · 04-10-2012 12:26 AM

يا جماعة عاوز منكم نصيحة لو سمحتم انا عندى فلوانس 2012 ماشية4500 كم و انا ماشى اليوم الكاوتش اللى ورا يمين نام نزلت لقيت الكاوتش متقطع فى 5 اماكن من غير اى سبب و الموضوع شكلة عيب صناعة و الفردة مش نافعة تانى اعمل اية اشتكى فى رينو ولا مش هايعملوا حاجة ولا اعمل ايةانصحونى العربية جديدة و انا مدوستش على اى حاجة تقطع الكاوتش بالشكل دا انا كنت ماشى على سرعة 70 كم

**MohammedAladel** · 04-10-2012 12:42 AM

نوعه إيه ؟؟

ممكن تكلم التوكيل وتسأل على الضمان بس متأكد إن حضرتك مدستش على حاجة بهدلته كدا وإيه نظام القطع دا يعنى من تحت فى المداس ولا من على الجنب وباين عليها إنها مقطوعه زى مشرط كدا ولا لأ

متضمنش حضرتك يكون إيه موجود على الطريق

ال 5 قطع دول ظهروا مرة واحدة ؟

المشكلة دى فى كاوتش واحد ولا أكتر ؟؟

**sam_mashtooly** · 04-10-2012 12:51 AM

المشاركة الأصلية كتبت بواسطة mohammedaladel

نوعه إيه ؟؟

ممكن تكلم التوكيل وتسأل على الضمان بس متأكد إن حضرتك مدستش على حاجة بهدلته كدا وإيه نظام القطع دا يعنى من تحت فى المداس ولا من على الجنب وباين عليها إنها مقطوعه زى مشرط كدا ولا لأ

متضمنش حضرتك يكون إيه موجود على الطريق

ال 5 قطع دول ظهروا مرة واحدة ؟

المشكلة دى فى كاوتش واحد ولا أكتر ؟؟

و الله ما دوست على حاجة تبهدل الفردة كدة انا متاكد و القطع على الجنب و فعلا مقطوعة زى مشرط و المشكلة بس فى كاوتش واحد اليمين ورا و كل الموضوع ظهر مرة واحدة فجاءة لدرجة انى غيرت الاستبن و كنت متوقع ان مسمار ولا حاجة و لما رحت لبتاع الكوتش خدت بالى صعقت من منظر الفردة و حمدت ربنا انها مفرقتش

**Ahmed Selim** · 04-10-2012 09:28 AM

معلش قدر الله و ما شاء فعل...........فداك

هو الكاوتش عموماً مش فى الضمان..........التوكيل مش هيعملك حاجة على الأغلب.

القطع من الجنب حسب ما فهمت منك...........من الجنب الخارجي ولا الداخلي ؟

أصل ممكن لو من الخارجي ممكن يكون حد مفتري قطعهولك بسكينة مثلاً.

يا ريت لو فيه صورة يبقى أحسن.

**sam_mashtooly** · 04-10-2012 09:49 AM

المشاركة الأصلية كتبت بواسطة nadernabil

يا فندم الحاقدين و المرضى النفسيين كتير في الشارع...من حوالي 6 شهور نزلت الصبح لاقيت الفردتين اللي ورا على الأرض كل واحدة فيهم واخدة 3 سكاكين في الجنب...و مش بس كده؛ طلع المريض النفسي ده نزل على الشارع كله عمل نفس الحركة في نفس الليلة...فوق ال 30 عربية تراوحت خسائرهم من كاوتش ل 3 كاوتشات....منهم عربية حمايا و صديقي

هو انا عارف ان التوكيل هايقول الكاوتش مش فى الضمان بس انا شايف ان دا عيب صناعة انا عارف ان شوارعنا مليانة قرف و ناس حاقدة كتيرررررررررررر بس انا خايف البس فى باقى الفرد بسبب الموضوع دا فحبيت اشوف لو حد عنده تجربة مماثلة ينصحنى

**Ahmed Selim** · 04-10-2012 10:05 AM

المشاركة الأصلية كتبت بواسطة nadernabil

يا فندم الحاقدين و المرضى النفسيين كتير في الشارع...من حوالي 6 شهور نزلت الصبح لاقيت الفردتين اللي ورا على الأرض كل واحدة فيهم واخدة 3 سكاكين في الجنب...و مش بس كده؛ طلع المريض النفسي ده نزل على الشارع كله عمل نفس الحركة في نفس الليلة...فوق ال 30 عربية تراوحت خسائرهم من كاوتش ل 3 كاوتشات....منهم عربية حمايا و صديقي

عاش من شافك يا باشا

**MARTINDALE** · 04-10-2012 09:55 PM

بتهيالي الموضوع معمول عن عمد ومش عيب صناعه

ايام ماجبت عربيتي سالت عن الكاوتش اللي راكب قالي لازم تلاقيه اوروبي بس مش ماركه معينه والمهم انه مايكونش مصري . لكن في كل الاحوال هو برا الضمان .