مطلوب كاوتش 16\55\215 لكورولا

**hosdfifwodoim** · 04-10-2012 11:46 AM

الرجاء الافادة بدور علي كاوتش مقاس 16\55\215 لكورولا فما هي الانواع المناسبة و يا ريت السعر و المكان داخل القاهرة

**wwaeel** · 04-10-2012 02:46 PM

انصحك تجيب هانكوك كوري سعر الفرده v 520 جنيه تقريبا وطريه وحلوه هتريحلك العفشه عن الميشلان

**S O P H O S** · 04-10-2012 04:15 PM

المشاركة الأصلية كتبت بواسطة wwaeel

انصحك تجيب هانكوك كوري سعر الفرده v 520 جنيه تقريبا وطريه وحلوه هتريحلك العفشه عن الميشلان

بس مش علشان الكاوتش طري يا باشا
يكون افضل ..
مجرد راي

**Unendlich** · 05-10-2012 06:57 PM

أول مرة في حياتي اشوف حد يرشح الهانكوك على الميشلان
و عامة المقاس المكتوب غلط, يستحسن تخليك في الفبريكة 205/55/16 اللي هو already عريض بما فيه الكفاية

**S O P H O S** · 05-10-2012 07:33 PM

المشاركة الأصلية كتبت بواسطة unendlich

أول مرة في حياتي اشوف حد يرشح الهانكوك على الميشلان

و عامة المقاس المكتوب غلط, يستحسن تخليك في الفبريكة 205/55/16 اللي هو already عريض بما فيه الكفاية

+11111111
ما انا بقول كده برده ازاي الكوري يكون افضل

**wwaeel** · 07-10-2012 12:39 PM

يا باشا عن تجربه انا مش بتكلم كده وخلاص انا العربيه معايا كانت بميشلان الماني وهو تحفه مش وحش بس الميشلان بس الفرده ناشفه شويه وهو معمول للبلاد البرد فا هنا في الحر بتلاقي بعد فتره طويل مش قصير بينمل من الجنب كده ويشقق شقوق سطحيه ممكن ميكنش ليها تاثير بس انا جبت الهانكوك لانه اطري بكتير وبيسحمل وغير كده ريحيني في العربيه من الهبد والدبدبه لان التويوتا الجنوب افريقي عفشتها رياضيه شويه وناشفه وده الي بيدي العربيه ثبات عن الخليجي لان عفشه الخليجي طريه وناعمه فانا عربيتي جنوب افريقي والكوتش الهانكوك ريحلي العفشه حدا وصوتالكوتش علي الاسفلت اوطي من الميشلان وعاوز اقولكم ان فيه فردتين من الهانكون بتوعي ماشي عليهم لحد دلوقت 110 الف كم انا عارف انه غلط وهغيرهم ان شاء الله اليومين دول بس بجد الفردتين مش باين عليهم اي تاثيراو انهم اتهلكو

**S O P H O S** · 07-10-2012 12:48 PM

المشاركة الأصلية كتبت بواسطة wwaeel

يا باشا عن تجربه انا مش بتكلم كده وخلاص انا العربيه معايا كانت بميشلان الماني وهو تحفه مش وحش بس الميشلان بس الفرده ناشفه شويه وهو معمول للبلاد البرد فا هنا في الحر بتلاقي بعد فتره طويل مش قصير بينمل من الجنب كده ويشقق شقوق سطحيه ممكن ميكنش ليها تاثير بس انا جبت الهانكوك لانه اطري بكتير وبيسحمل وغير كده ريحيني في العربيه من الهبد والدبدبه لان التويوتا الجنوب افريقي عفشتها رياضيه شويه وناشفه وده الي بيدي العربيه ثبات عن الخليجي لان عفشه الخليجي طريه وناعمه فانا عربيتي جنوب افريقي والكوتش الهانكوك ريحلي العفشه حدا وصوتالكوتش علي الاسفلت اوطي من الميشلان وعاوز اقولكم ان فيه فردتين من الهانكون بتوعي ماشي عليهم لحد دلوقت 110 الف كم انا عارف انه غلط وهغيرهم ان شاء الله اليومين دول بس بجد الفردتين مش باين عليهم اي تاثيراو انهم اتهلكو

يا باشا انا مقولتش حاجة لاني علطول بجيب هانكوك بس فالفيات
وهو حلو وكله حاجة بالنسبة انه كوري فيما عدا حاجة واحدة الفرامل
عندي بعد فترة بلاقي الكاوتش بيسحف مع الفرامل ده كان راي بس
تحياتي ..

**Ahmod** · 08-10-2012 03:28 AM

المشاركة الأصلية كتبت بواسطة Unendlich

أول مرة في حياتي اشوف حد يرشح الهانكوك على الميشلان

و عامة المقاس المكتوب غلط, يستحسن تخليك في الفبريكة 205/55/16 اللي هو already عريض بما فيه الكفاية

+111111111111

مشلان او بيرجيسدون حاول انك ماتطلعش برة النوعين دول

الفردة ال 205/55/16 في بيرجسيدون هتلاقيها في حدود 950 جنيه بوتينزا ادرينالين " هو ناقص حاليا في بعض الفروع بس لو دورت هتلاقيه "

ممكن كمان تورانزا Run Flat الفردة ب 1200 جنيه

بصراحة اسعار غالية اوي بس تستاهل