السلام عليكم
اتعرض عليا هوندا سيتي 2006 اتوماتيك الحالة ممتازة بس عاملة 500 الف كيلو (500.000)
صيانة بالتوكيل استخدام مشاوير طويلة السعر 40000
أشتريها ولا لأ يا ريت تردوا عليا بسرعة. شكراً
عرض للطباعة
السلام عليكم
اتعرض عليا هوندا سيتي 2006 اتوماتيك الحالة ممتازة بس عاملة 500 الف كيلو (500.000)
صيانة بالتوكيل استخدام مشاوير طويلة السعر 40000
أشتريها ولا لأ يا ريت تردوا عليا بسرعة. شكراً
500 الف كيلو وب40 الف جنية
شوف ياباشا العربية هتكشف عليها فى التوكيل سعر الكشف كامل 440 جنية
يطلعلك كل مسمار فى العربية دية مش مظبوط واهم حاجة كبس الماتور والفتيس
لو لقيت كل دة كويس يبقى 36 الف جنية الى 38 الف جنية
شكراً يا استاذ سمسم على الرد السريع بس 500 الف كيلو ده عادي مش كتير شوية
مش هيا دى هوندا سيتى ؟
http://images04.olx.com.pk/ui/4/99/1...rawalpindi.jpg
http://images02.olx.com.pk/ui/11/85/...ition-Cars.jpg
http://images01.olx.com.pk/ui/11/85/...n-Pakistan.jpg
عمتا شكلها كويس و أكيد هوندا هتعمل عربيه كويسة جدا
بس عمتا هيا ليه رخيصة شوية بالنسبه لموديل 2005 من باقى السيارات و بالأخص أن هوندا ماركة مشهورة يعنى
هيا لو فعلا ماشية 500 الف كيلو والموتور جاب اخره
ممكن تسقطلها موتور استيراد وكدة كدة هيا ب 40 الف يعني تعتبر لقطة حتى لو زودت 10 بواكي بتوع تسقيط الموتور بردو هتبقى لقطة
صح يارجالة ولا هيا اصلا سعرها كدة؟
500 الف كيلو :waaaht::waaaht:
بيعمل تقريبا 200 كيلو في اليوم ده مفتري
الصورة اللى حضرتك جايبها دية ال facelift ونزل سنة 2007 - اخر 2008 ودية سعرها بيوصل ل 68 الف جنية highline عشان بيبقى ماتورها 1500 سى سى 7 سرعات , paddle shift خلف الطارة لسهولة التحكم وطبعا كل الاوبشن من امان ورفاهية موجود فيها
سعر العربية دية حالة نظيفة ماشية كيلوهات ماتعديش ال 80 الف كيلو , بتعمل 53-55 الف جنية
سعر ماتور العربية دية قليل جداااااااااا ويكاد يكون منعدم وسعرة مش اقل من 15 الف جنية بالفتيس العادى
اما لو بالفتيس ال cvt والمحرك 1500 سى سى بيعمل 25 الف جنية
والعربية اصلا حالة نظيفة سعرها 55 الف جنية max
ملعش بس ياباشا هو انت ممكن تقولى بس العربية دية ال base line 1300 c.c ولا ال 1500 c.c عشان كل حاجة وليها سعر
وطبعا 500 الف كيلو كتييييييييييييير جدا جدااااااااااااااااااااااا ااااااااااااااااااا
بس العربية زى ماقولتلك لازم تدخل التوكيل يتعملها فحص شامل وخصوصا المحرك والفتيس
لان حاجة العربية دية غالية
شكراً يا جماعة على الردود المفيدة جداً
جزاكم الله خيراً
أعتقد 40 الف مش لقطه ولا حاجه على موتور ماشي 500 الف كيلو. تفتكر كام عربياه فى مصر عدت 500 الف كيلو؟ ومعتقدش ان فيه منهم واحده بعد 2006 - ممكن تكون دي الحاله الوحيده. الفكره كمان ان الموضوع مش هيبقى موتور بس. الاستهلاك اكيد هيبق فى كل حته فى العربيه. ممكن تلاقى اللي ماشيه أقل من 200 الف كيلو فى حدود ال 55-60 الف وتبقى أحسن لأن اول 100 الف كيلو غير التانيين غير التالتين etc....
نصيحة بلاش .. هو كدة اخد خيرها و زيادة و بيبعها دلوقتي
العربية دي ممكن تتعبك بعد كدة في تصليحها و تكره الهوندا بسببها و لو فكرت تبيعها هتتعب جامد
لكن لو دي احسن الخيارات اللي قدامك دلوقتي يبقى توكل على الله و اكشف عليها في التوكيل زي ما الاخوة هنا قالوا
فعلا 500,000 كيلو رقم كبيييييييييير جدا بشكل ملفت للنظر واضح ان صاحبها كان هالكها مشاوير طويلة قوى يوميا.. بالنسبة لموديل 2006
هو ذنب الراجل صاحب العربية إنه بيقول الحق و مش ضارب العدادات مفك و ال-500,00 بقدرة قادر + 20 جنيه للواد بتاع العدادات يكون بكتيره 150,000 ! و عمرك ما هتعرف .... و الناس بتزعل من الخم الراجل يقول الحقيقة الناس تقول كيلو كتير.... رأيي ذي ما الاخوة قالو روح التوكيل و إكشف تمام ولا؟ و بعدين لو تمام حاول تهز السعر شوية و بالتوفيق. لو مش تمام بناقص و أهي فلوسك في جيبك.
كتييييير جدا 500 الف كيلو دوول ... انا معايا سيتى 2005 لحد دلوقتى ماشيه 113 الف و حاسس انه كتير على موديلها .. لو مش مستعجل استنى شويه ..
انا عارف انها كتير يا أ. طارق بس انها تعمل 500000 وماشيه معنى كده ان صاحبها محافظ عليها , هو ممكن تكون العربيه بتسافر كتير .
بس اعتقد انه لو كان هامل العربيه مكنتش توصل ل 300000 اصلا .
وعلى العموم هو يطلع بيها على التوكيل ويشوف الدنيا هتمشى ازاى وطبعا ينزل فى سعرها شويه
شوف يا باشا انا هجيبلك الخلاصة لاني لسه من كام شهر شاري مازدا ٣ عامله ٢٠٠ الف وبحاله ممتازه مكملتش اهي معايا ال ٨ شهور وصارف ١٣٠٠٠ الف والاسبوع الجاي هيتم ال ١٦ الف ( كوبلن داخلي كامل استيراد وطنابير وتيل) واللي حصلي انا كاتب نصه لان الناس طلبت مني عدم اكمال الموضوع لاني صعبت عليهم من اللي حصل ليا وده لنك الموضوع
في قسم مازدا
www.nilemotors.net/Nile/309294-3.html
مع كامل احترامي للاعضاء وارائهم
ابعد عن الشر وغنيله الراجل خد كل خيرها هيكون سابلك ايه
حتي لو التوكيل قالك ١٠٠ ١٠٠ ايش عرف ان علبة الدركسيون مقربتش تجيب اجل ولا البطاحات ولا الكبالن ولا كمان كام شهر حاجة تبوظ ؟؟؟