الموضوع: تحديث السوفت وير لكيا ريو ٢٠١٢

أنت الأول مانيول ولا أوتو؟
بتعمل كيك داون كتير و رجلك تقيله على البنزين؟
الرقم ده أنت حسبته أزاى؟
انا عندى الأستهلاك لما حسبته حوالى 10 ليتر لكل 100 كيلو و ده فى الزحمه و كنت كتير بعمل كيك داون
و مكتوب فى الشاشه أن المتوسط 8.5 لكل 100 كيلو

حاول تتأكد من أرقامك فى الأول و بعد كده ممكن تعدل السوفت وير

ايوه انا عملته في فرع ابو رواش و سحب العربية بقى احسن بكتييير من الاول
و الاستهلاك على الطريق 7 لتر / 100 كم
و جوه البلد بيكون حوالي 10-11 لتر / 100 كم
كمان انا لما روحت قولتله على موضوع الحرارة اللي بتيجي من عند مكان الفلاشة و ركب عوازل و مبقاش في اي حرارة

الاستاذ lenovo عمله فى المركز ده هو اسمه مركز القاهرة اوتو و المهندس المسئول هو مهندس محمد عز و الناس دى فاهمة كويس اوى عنوانه الكيلو 4.5 طريق مصر السويس اسفل كوبرى الجيش امام بنزينة شل
بالنسبة للإستهلاك 16.5l/100km ده عالى جداااااا مفيش عربية 1600 بتستهلك كده , لازم تروح و تكشف على العربية

المشاركة الأصلية كتبت بواسطة marokhafagy

انا عرفت من الاعضاء هنا ان الفرز الاول من ريو ٢٠١٢ فيه مشكله في استهلاك البنزين و انا عندي المشكله دي متوسط الاستهلاك ١٦.٥ لتر لل ١٠٠ كم

المهم انا عرفت ان التحديث بيتعمل في مركز خدمه في الكيلو ٤.٥

حد جرب الموضوع ده و فرق معاه

١٦ لتر يا نهار ابيض انت التنك عندك مخرووم ... :) بوس حضرتك تحديث الكنترول كان العربيات إنتاج يناير بس بعد كده مفهومش حاجة وفيه حاجة تانيه كل الناس اللي كانت بتشتكي من الحرارة ناحية الكونسول اللي عربيتهم وكيل أما الخليجي فالعزل أحسن كتيير

على فكرة استهلاك البنزيين بيتحسن كتيير جدا جدا عند ٥٠٠٠ كم وعن تجربة ، واداء العربية بيتحسن جدا وصوت الموتور تكاد لاتسمعه

العربيه عملها ١٢٠٠٠ كم. اتوماتيك

انا عرفت ان في عيوب اخري لما بتحدث السوفت وير بتظبط

التكيف و اداءه ،. مثبت السرعه ،. والتجميع للنقلات الاولي