رحلة العذاب والشقا.....تجديد الرخصة ونقل القيد الى مرور أخر

السلام عليكم

النهاردة الحمد لله خلصت تجديد الرخصة ونقل القيد الى مرور أخر
ودى الأجراءات بالظبط ومصاريف الضرائب والتأمين وخلافه

1- تطلع على المرور القديم عشان تطلع شهادة مخالفات + شهادة بيانات
2- تجيب النماذج من الخزنو وتملاها
3- تروح الشباك تقدم الورق وهيديك وصل لدفع الضريبة ( 224 جنيه لعربية 1600 سى سى )
4- ترجع للشباك عشان تديله نسخة الوصل
5- تقعد عند شباك التسليم عشان تاخد شهادة البيانات
6- تروح المرور الجديد وتجيب نماذج الفحص البيئى و البصمة ونقل القيد و شهادة صلاحية طفاية الحريق ( 25 جنيه )
7- تملاهم وترفع بصمة الموتور والشاسيه وبعديت تروح لمهندس الفحص تفحص
8- بعد الفحص تروح تدفع التأمين ( 74 جنيه )
9- تروح على شباك " الجديد ونقل القيد " تقدم الورق
10- هيديك نموذج طلب نمر تاخده وتروح شباك صرف النمر ( فى حالتى جددولى بنمر المرور القديم عشان مفيش نمر فى المرور الجديد وعشان النمر الجديدة نازلة أول أغسطس )
11- تاخد النمر للتركيب وأزالة النمر القديمة
12- تستنى الرخصة

بالهنا و الشفا

الموضوع ده خد منى 4 ساعات ونص

نصيحة لكل الأعضاء لو العربية مش محتاجة فحص جدد الرخصة من على النت و أنت قاعد فى بيتكو على السرير وهتجيلك الرخصة الجديدة على البيت وتدفع بالفيزا أو عند الأستلام

حمد لله على سلامتك يا احمد باشا ومبروك التجديد والحمد لله انه تم على خير و4 ساعات ونص عشان الحكومه حاجه بسيطه يعني ايه يعني المواطن يضيع يوم حتى كامل عشان يجدد ترخيص عربيته ولا يطلع اذن دفع للخزنه عادي يا راجل ولا يهمك :hat:.

تنويه بس للأمانه ومش عارف انت عملت التجديد سنه ولا ثلاث سنوات امبارح واحنا مع جماعة رينو لفتوا انتباهي ان لو عامل تجديد وترخيص للعربيه 3 سنين لازم تحتفظ بالوصل الاحمر اللي دفعت بيه عشان تستبدل النمر الحاليه بنمر جديده بعد اغسطس زي ما قالوا والا هاتدفع تاني التأمين والمصاريف بتاعت التجديد اللي دفعتها اليوم دي عشان تستبدل اللوحات بالجديده ده اللي فهمته من الكلام مع الناس امبارح.

نصيحه اخويه كمان بالنسبه لطريقة الاحتفاظ بالوصل الاحمر اللي لو تلاحظ هتلاقيه معمول من اجود انواع الورق الحقيقه وكبير كده وحاجه تفرح :fool: المهم النصيحه انك تعمله برواز ولا حاجه وتعلقه في الصالون مثلاً او في الحمام حتى:chris: عشان يفضل برونقه لئن حصل معايا من كام سنه حاجه كده واحتفظت بالوصل في المحفظه وماتعرفش ايه حصل بعد كام شهر طلعت الوصل بايش والكتابه اللي عليه اختفت وده طبعاً خلاني ادفع تاني اللي دفعته المره الاولى :)

حمد لله على السلامه مره اخرى وشكراً على الموضوع والتجربه يا باشا.

اقتباس:

---

المشاركة الأصلية كتبت بواسطة Ahmed A.Maksoud

نصيحة لكل الأعضاء لو العربية مش محتاجة فحص جدد الرخصة من على النت و أنت قاعد فى بيتكو على السرير وهتجيلك الرخصة الجديدة على البيت وتدفع بالفيزا أو عند الأستلام

---

ممكن توضيح أكثر لهذه النقطة لو سمحت
وهل هي في كل أقسام المرور ؟؟

اقتباس:

---

ممكن توضيح أكثر لهذه النقطة لو سمحت
وهل هي في كل أقسام المرور ؟؟

---

أه ياريت توضيح أرجوك ... لأن دي كده تبقى حاجه مبشرة في مصر .

اقتباس:

---

المشاركة الأصلية كتبت بواسطة Ramy_Tantawi

حمد لله على سلامتك يا احمد باشا ومبروك التجديد والحمد لله انه تم على خير و4 ساعات ونص عشان الحكومه حاجه بسيطه يعني ايه يعني المواطن يضيع يوم حتى كامل عشان يجدد ترخيص عربيته ولا يطلع اذن دفع للخزنه عادي يا راجل ولا يهمك :hat:.

تنويه بس للأمانه ومش عارف انت عملت التجديد سنه ولا ثلاث سنوات امبارح واحنا مع جماعة رينو لفتوا انتباهي ان لو عامل تجديد وترخيص للعربيه 3 سنين لازم تحتفظ بالوصل الاحمر اللي دفعت بيه عشان تستبدل النمر الحاليه بنمر جديده بعد اغسطس زي ما قالوا والا هاتدفع تاني التأمين والمصاريف بتاعت التجديد اللي دفعتها اليوم دي عشان تستبدل اللوحات بالجديده ده اللي فهمته من الكلام مع الناس امبارح.

نصيحه اخويه كمان بالنسبه لطريقة الاحتفاظ بالوصل الاحمر اللي لو تلاحظ هتلاقيه معمول من اجود انواع الورق الحقيقه وكبير كده وحاجه تفرح :fool: المهم النصيحه انك تعمله برواز ولا حاجه وتعلقه في الصالون مثلاً او في الحمام حتى:chris: عشان يفضل برونقه لئن حصل معايا من كام سنه حاجه كده واحتفظت بالوصل في المحفظه وماتعرفش ايه حصل بعد كام شهر طلعت الوصل بايش والكتابه اللي عليه اختفت وده طبعاً خلاني ادفع تاني اللي دفعته المره الاولى :)

حمد لله على السلامه مره اخرى وشكراً على الموضوع والتجربه يا باشا.

---

طب ياجماعة انا اشتريت العربية من واحد بتوكيل لإن الرخصة فيها 3 سنين لسة ومنقلتش ملكية عشان استفيد بالرخصة طبعا ومضطرش ادخل فحص وكده
بس مكتوبلي علي الرخصة تصريح مؤقت لمرور السلام لإن العربية اصلا مرور مدينة نصر وتقريبا ده عشان النمر الجديدة لسة منزلتش ولا إيه معايا استيكر مكتوب فيه تصريح حتي 20 يوليو 2008
المهم دلوقتي لما النمر الجديدة تنزل اتصرف ازاي لو حد يعرف الإجراءت وهل هاضطر ارخص وادفع من اول وجديد ولا هاخليني على الرخصة بتاعة الرجل اللي فيها 3 سنين ولا ايه؟
وكمان هل ينفع اخد النمرة الجديدة بالتوكيل ولا اعمل ايه؟
وموضوع الوصل الأحمر ده اعمل فيه ايه اروح اسأل الراجل صاحب العربيه عليه (يارب بس يطلع معاه) ولا اتصرف ازاي ياريت حد يكون فاهم في الاجراءات دي يقولي

اقتباس:

---

المشاركة الأصلية كتبت بواسطة Ahmed A.Maksoud

السلام عليكم

النهاردة الحمد لله خلصت تجديد الرخصة ونقل القيد الى مرور أخر
ودى الأجراءات بالظبط ومصاريف الضرائب والتأمين وخلافه

1- تطلع على المرور القديم عشان تطلع شهادة مخالفات + شهادة بيانات
2- تجيب النماذج من الخزنو وتملاها
3- تروح الشباك تقدم الورق وهيديك وصل لدفع الضريبة ( 224 جنيه لعربية 1600 سى سى )
4- ترجع للشباك عشان تديله نسخة الوصل
5- تقعد عند شباك التسليم عشان تاخد شهادة البيانات
6- تروح المرور الجديد وتجيب نماذج الفحص البيئى و البصمة ونقل القيد و شهادة صلاحية طفاية الحريق ( 25 جنيه )
7- تملاهم وترفع بصمة الموتور والشاسيه وبعديت تروح لمهندس الفحص تفحص
8- بعد الفحص تروح تدفع التأمين ( 74 جنيه )
9- تروح على شباك " الجديد ونقل القيد " تقدم الورق
10- هيديك نموذج طلب نمر تاخده وتروح شباك صرف النمر ( فى حالتى جددولى بنمر المرور القديم عشان مفيش نمر فى المرور الجديد وعشان النمر الجديدة نازلة أول أغسطس )
11- تاخد النمر للتركيب وأزالة النمر القديمة
12- تستنى الرخصة

بالهنا و الشفا

الموضوع ده خد منى 4 ساعات ونص

نصيحة لكل الأعضاء لو العربية مش محتاجة فحص جدد الرخصة من على النت و أنت قاعد فى بيتكو على السرير وهتجيلك الرخصة الجديدة على البيت وتدفع بالفيزا أو عند الأستلام

---

هل سبب نقلك من مرور ل مرور ان العربية مرور ورخصتك الخاصة مرور؟؟,,, وهل كنت عامل نقل ملكية قبل كدة؟؟؟

اقتباس:

---

المشاركة الأصلية كتبت بواسطة Ramy_Tantawi

تنويه بس للأمانه ومش عارف انت عملت التجديد سنه ولا ثلاث سنوات امبارح واحنا مع جماعة رينو لفتوا انتباهي ان لو عامل تجديد وترخيص للعربيه 3 سنين لازم تحتفظ بالوصل الاحمر اللي دفعت بيه عشان تستبدل النمر الحاليه بنمر جديده بعد اغسطس زي ما قالوا والا هاتدفع تاني التأمين والمصاريف بتاعت التجديد اللي دفعتها اليوم دي عشان تستبدل اللوحات بالجديده ده اللي فهمته من الكلام مع الناس امبارح.
حمد لله على السلامه مره اخرى وشكراً على الموضوع والتجربه يا باشا.

---

زعلتنى منك يا رامى :)

لو كنت قريت الوصف التفصيلى كنت هتعرف أنهم جددولى الرخصة على المرور الجديد بس بنفس نمر المرور القديم وبالتالى مدفعتش تأمين على النمر
وغالباً كل اللى هياخدو النمر الجديدة هيلبسوهم تأمين تانى أو فرق تأمين......ما هى نمر جديدة بأه :)

اقتباس:

---

المشاركة الأصلية كتبت بواسطة ahmed1981

ممكن توضيح أكثر لهذه النقطة لو سمحت
وهل هي في كل أقسام المرور ؟؟

---

اقتباس:

---

المشاركة الأصلية كتبت بواسطة mohamed_88sk

أه ياريت توضيح أرجوك ... لأن دي كده تبقى حاجه مبشرة في مصر .

---

ممكن تدخل على www.egypt.gov.eg عشان تجدد الرخص ومعلوماتى أن الخدمة دى متوفرة لجميع وحدات مرور القاهرة والجيزة

اقتباس:

---

المشاركة الأصلية كتبت بواسطة elrasy

هل سبب نقلك من مرور ل مرور ان العربية مرور ورخصتك الخاصة مرور؟؟,,, وهل كنت عامل نقل ملكية قبل كدة؟؟؟

---

سبب نقل القيد أن رخصة العربية خلصت ولازم العربية تتفحص ومحل أقامتى فى البطاقة تم تغييره
العربية أصلاً بأسمى بس حتة نقل الملكية دى حسب معلوماتى السابقة بتتعمل فى المرور الجديد بس لازم يكون معاك عقد بيع موثق فى الشهر العقارى

اقتباس:

---

المشاركة الأصلية كتبت بواسطة Ahmed A.Maksoud

زعلتنى منك يا رامى :)

لو كنت قريت الوصف التفصيلى كنت هتعرف أنهم جددولى الرخصة على المرور الجديد بس بنفس نمر المرور القديم وبالتالى مدفعتش تأمين على النمر
وغالباً كل اللى هياخدو النمر الجديدة هيلبسوهم تأمين تانى أو فرق تأمين......ما هى نمر جديدة بأه :)
---------------------------------------------------------
10- هيديك نموذج طلب نمر تاخده وتروح شباك صرف النمر ( فى حالتى جددولى بنمر المرور القديم عشان مفيش نمر فى المرور الجديد وعشان النمر الجديدة نازلة أول أغسطس )

---

يا باشا انا ماقدرش على زعلك والله ؟ انا فهمت ان النمر اللي معاك دلوقتي هي النمره القديمه ومفروض هايغيروها بعد اغسطس ولا هاتفضل بيها لغاية التجديد الجاي ان شاء الله ؟

اقتباس:

---

المشاركة الأصلية كتبت بواسطة Ramy_Tantawi

يا باشا انا ماقدرش على زعلك والله ؟ انا فهمت ان النمر اللي معاك دلوقتي هي النمره القديمه ومفروض هايغيروها بعد اغسطس ولا هاتفضل بيها لغاية التجديد الجاي ان شاء الله ؟

---

الله يخليك يا باشا

أنا كنت بهزر معاك بس

أن شاء الله هفضل بالنمر دى لغاية السنة الجاية يديك ويدينا طولة العمر :)

الف مبروك
4 ساعات و نص وقت قياسي :)

اقتباس:

---

المشاركة الأصلية كتبت بواسطة birdybirdy

طب ياجماعة انا اشتريت العربية من واحد بتوكيل لإن الرخصة فيها 3 سنين لسة ومنقلتش ملكية عشان استفيد بالرخصة طبعا ومضطرش ادخل فحص وكده
بس مكتوبلي علي الرخصة تصريح مؤقت لمرور السلام لإن العربية اصلا مرور مدينة نصر وتقريبا ده عشان النمر الجديدة لسة منزلتش ولا إيه معايا استيكر مكتوب فيه تصريح حتي 20 يوليو 2008
المهم دلوقتي لما النمر الجديدة تنزل اتصرف ازاي لو حد يعرف الإجراءت وهل هاضطر ارخص وادفع من اول وجديد ولا هاخليني على الرخصة بتاعة الرجل اللي فيها 3 سنين ولا ايه؟
وكمان هل ينفع اخد النمرة الجديدة بالتوكيل ولا اعمل ايه؟
وموضوع الوصل الأحمر ده اعمل فيه ايه اروح اسأل الراجل صاحب العربيه عليه (يارب بس يطلع معاه) ولا اتصرف ازاي ياريت حد يكون فاهم في الاجراءات دي يقولي

---

الاحسن انقل الملكيه باسمك و المده الباقيه في الرخصه حتنضاف لرخصتك الجديده ما تقلقش
و بالنسبه للنمر او تجديد الترخيص ما ينفعش تعملها بالتوكيل لازم صاحب العربيه الاصلي يجي معاك

اقتباس:

---

المشاركة الأصلية كتبت بواسطة hazem_khidr

4الاحسن انقل الملكيه باسمك و المده الباقيه في الرخصه حتنضاف لرخصتك الجديده ما تقلقش
و بالنسبه للنمر او تجديد الترخيص ما ينفعش تعملها بالتوكيل لازم صاحب العربيه الاصلي يجي معاك

---

في حالة نقل الملكية بيتعمل ترخيص جديد باسم المالك الجديد و على حسب طلبه (سنة او 2 او 3) و المدة اللي باقية في الرخصة القديمة بتروح
التوكيل بيتكتب فيه البيع و الشراء للنفس و للغير و ممكن يتكتب فيه
(و التعامل مع المرور) و لو الكلمة دي مكتوبة يبقى ممكن تفضل العربية طول عمرها باسم صاحبها الاولاني و المشتري يجددها باسمه عادي