أنا ناوي اركن فوق الرصيف

**Land_Cruiser** · 05-10-2012 02:50 AM

بص يا باشا هى فى كل الدنيا مخالفه بس معرفش مصر قيمتها كام و لا إيه العقوبة بس هى مخالفه. انا كان عندى اقتراح ما تعمل زياره للحى و تستفسر لو عايز تاخد تصريح بكده هل ينفع و لا لأ خاصه لو كان فى مكان ينفع الناس تمشى عليه برضه علشان بكده ما تبقاش ضريت حد و فى نفس الوقت عملت اللى انت عايزه و ممكن مثلا تبقى تبلطه أو تسفلته كويس الحته اللى هتركن فيها بس خللى بالك لو الموضوع مشى هتخرج بالعربيه و ترجع تلاقى ناس ركنت مكانك

**m_adeleid** · 05-10-2012 02:57 AM

المشاركة الأصلية كتبت بواسطة peaceman

انا فعلا نفذت لأن و انا بتناقش معاكم كان فرح شغال تخميس تحت البيت من شوية و بصراحة انا مش حمل اني اروح لسمكري اليومين دول .. هبقي ادور علي جراج و امري لله .. عشان خاطر عيون الناس اللي بتمشي علي الرصيف :))) مع اني مش مقتنع بإن في حد اصلا بيمشي علي الرصيف

والله واعلم لو عملت كده بجد بنيه اماطه الاذي عن الطريق و عن الناس ربنا حيوفرلك فلوس الجراج من عنده واكتر بأذن الله
وفعلا معاك حق الناس قليل منهم قوي اللي بيمشي علي الرصيف و بيمشو في الشارع بدون اي سبب حتي لو الرصيف فاضي بس مش ده الطبيعي ابدا و يستاهلوا اللي يجرالهم و يارب يجرالهم
عمال افكر في حل يخلصك من الناس بتوع التخميس دول بس مش لاقي
بصراحه جه في بالي حل شرير بس مش عاوز اقوله علشان السيئات

**Bishoy.Girgis** · 05-10-2012 03:00 AM

المشاركة الأصلية كتبت بواسطة land_cruiser

بص يا باشا هى فى كل الدنيا مخالفه بس معرفش مصر قيمتها كام و لا إيه العقوبة بس هى مخالفه. انا كان عندى اقتراح ما تعمل زياره للحى و تستفسر لو عايز تاخد تصريح بكده هل ينفع و لا لأ خاصه لو كان فى مكان ينفع الناس تمشى عليه برضه علشان بكده ما تبقاش ضريت حد و فى نفس الوقت عملت اللى انت عايزه و ممكن مثلا تبقى تبلطه أو تسفلته كويس الحته اللى هتركن فيها بس خللى بالك لو الموضوع مشى هتخرج بالعربيه و ترجع تلاقى ناس ركنت مكانك

برده دي فكرة كويسة جدا .. تصور اني هاخد جيراني اللي معاهم عربيات و نروح مجلس المدينة و نشوف حل .. و بعدين الرصيف عريض جدا يعني ياخد عربيتين جنب بعض مستريح .. و للاسف بيبقي موقف سيارات سرفيس لغاية الساعة 7 بالليل ..
و برده في حل تاني رائع لو اقترحنا علي المحافظ اننا مثلا كأهل البرج اللي ساكن فيه نعمل ميدان في الحتة الواسعة ديه بحيث ان العربيات متجيش تخمس تحت البيت بالطريقة ديه .. افكار برده

**Magoda** · 05-10-2012 03:03 AM

لأ طبعاً مفيش مخالفة مدام تحت البيت
أنا من زهراء مدينة نصر اللى هيا منطقة جيش وشرطة عسكرية والأغلبية العظمى من السكان بيركنوا فوق الرصيف ومش كدته وبس حاجزين أماكن بالسلاسل والحديد لدرجة أنك متلاقيش مكان فوق الرصيف من كتر العربيات اللى ركنة
بس انا شفت فى اسكندرية عربيه كانت وقفه على الرصيف على الكورنيش ومتكلبشة

**Magoda** · 05-10-2012 03:12 AM

المشاركة الأصلية كتبت بواسطة peaceman

برده دي فكرة كويسة جدا .. تصور اني هاخد جيراني اللي معاهم عربيات و نروح مجلس المدينة و نشوف حل .. و بعدين الرصيف عريض جدا يعني ياخد عربيتين جنب بعض مستريح .. و للاسف بيبقي موقف سيارات سرفيس لغاية الساعة 7 بالليل ..
و برده في حل تاني رائع لو اقترحنا علي المحافظ اننا مثلا كأهل البرج اللي ساكن فيه نعمل ميدان في الحتة الواسعة ديه بحيث ان العربيات متجيش تخمس تحت البيت بالطريقة ديه .. افكار برده

ومستنى إيه مدام الرصيف ياخد عربيتين جمب بعض اتفق مع صحابك اللى فى البرج وجيبوا حديد وسلاسل وحجزوا مكان قدام البيت ولا أجعص شرطى هيكلمك أنا كنت عامل حوار الحديد ده واتخانقت فى مرة مع ظابط جيش وهددنى وقالى والله لأتصل بالشرطة العسكرية تيجى تشيل الحديد ده ولا الهوا كلام على الفاضى المنطقة كلها عندنا محجزة أماكن بالحديد وده مخالف بس صباااااح الجوافة

**ali_333** · 05-10-2012 03:13 AM

هو طبعا غلط تركن فوق الرصيف .......ولكن

تخيل كل العربيات بقت تركن فوق الرصيف حيحصل ايه؟؟؟؟؟؟؟؟؟

المسؤل عن المنطقة او جهاز المدينة وقتها حيتحرك ويحل المشكلة ده وحياخد باله وميخليش حد يخمس في الفرح

طالما انك عملت اللي عليك واشتكيت الجهة المسؤلة كده اخليت مسؤليتك

واي ضرر يوقع حيشيل ذنبه المسؤلين

**Land_Cruiser** · 05-10-2012 03:16 AM

المشاركة الأصلية كتبت بواسطة peaceman

برده دي فكرة كويسة جدا .. تصور اني هاخد جيراني اللي معاهم عربيات و نروح مجلس المدينة و نشوف حل .. و بعدين الرصيف عريض جدا يعني ياخد عربيتين جنب بعض مستريح .. و للاسف بيبقي موقف سيارات سرفيس لغاية الساعة 7 بالليل ..
و برده في حل تاني رائع لو اقترحنا علي المحافظ اننا مثلا كأهل البرج اللي ساكن فيه نعمل ميدان في الحتة الواسعة ديه بحيث ان العربيات متجيش تخمس تحت البيت بالطريقة ديه .. افكار برده

هما يا باشا ممكن يوافقوا على أنكم تركنوا فوق الرصيف طالما فى مكان للناس تمشى عليه برضه و خاصه لو عملتوه بلاط شكله كويس إنما الميدان دى صعبه شويه لأن ليها تصاريح و هتبقى حكايه طويله عريضه و ما ينفعش تركب سلاسل نهائيا و عامه زياره سريعه توضح الامور كلها

**m_adeleid** · 05-10-2012 03:18 AM

المشاركة الأصلية كتبت بواسطة magoda

ومستنى إيه مدام الرصيف ياخد عربيتين جمب بعض اتفق مع صحابك اللى فى البرج وجيبوا حديد وسلاسل وحجزوا مكان قدام البيت ولا أجعص شرطى هيكلمك أنا كنت عامل حوار الحديد ده واتخانقت فى مرة مع ظابط جيش وهددنى وقالى والله لأتصل بالشرطة العسكرية تيجى تشيل الحديد ده ولا الهوا كلام على الفاضى المنطقة كلها عندنا محجزة أماكن بالحديد وده مخالف بس صباااااح الجوافة

يعني حضرتك اتخانقت معاه مع انك انت اللي غلط
نفسي اعرف اعملها دي اكيد حتخلص من مواقف كتير
موضوع الحديد ده والدي عمله من كام سنه كده قدام البيت وواحده من جيرانه اشتكته للحي لا شرطه عسكريه و لامدنيه و جه مهندس من الحي و معاه قوه وشالوه لانه مخالف طبعا

**Land_Cruiser** · 05-10-2012 03:33 AM

المشاركة الأصلية كتبت بواسطة m_adeleid

يعني حضرتك اتخانقت معاه مع انك انت اللي غلط
نفسي اعرف اعملها دي اكيد حتخلص من مواقف كتير
موضوع الحديد ده والدي عمله من كام سنه كده قدام البيت وواحده من جيرانه اشتكته للحي لا شرطه عسكريه و لامدنيه و جه مهندس من الحي و معاه قوه وشالوه لانه مخالف طبعا

ما هو peaceman لو كان عايز يخالف كان ركن العربيه فوق الرصيف و ركب سلاسل و لا عمل موضوع أساسا لكن دى مش اخلاقه طبعا و علشان كده بيفكر فى حل قانونى يرضى جميع الاطراف و ما يأذيش حد . أسهل حاجه هو الصوت العالى و البلطجه لكن يا ترى الحاجات دى هتودينا على فين تانى ؟ مفيش ورا اكتر من اللى بقينا فيه

**Magoda** · 05-10-2012 03:33 AM

المشاركة الأصلية كتبت بواسطة m_adeleid

يعني حضرتك اتخانقت معاه مع انك انت اللي غلط
نفسي اعرف اعملها دي اكيد حتخلص من مواقف كتير
موضوع الحديد ده والدي عمله من كام سنه كده قدام البيت وواحده من جيرانه اشتكته للحي لا شرطه عسكريه و لامدنيه و جه مهندس من الحي و معاه قوه وشالوه لانه مخالف طبعا

الفكرة مش فكرة حديد الفكرة كلها إنى لو ركنت فوق الرصييف هو مش معارض هو عارض على الحديد إنما راكن فوق الرصيف عادى بالنسباله والمنطقة عندى كلها ركنة فوق الرصيف هو مشكلة الحديد حاجه واحده انك بتحجز مكان يعنى جارك مش هيعرف يركن فبتحصل مشاكل اشمعنى انت ففكرة انك تركن فوق الرصيييف مش ممنوعه ولا مرفوض ولا حد من الشرطة ولا حى هيكلمك اللى هيكلم معااااك السكااااان