الموضوع: أنا ناوي اركن فوق الرصيف

يا باشا كل رصيف وانت طيب. طب هيخالفو عربيات الفول اللي محتله الرصيف فى أميز حتت فى البلد ولا المحلات اللى بتعتبر الرصيف امتداد للمحل وتملاه فاترينات ولا الناس اللي بتعمل فيه حديد عشان محدش يركن قدامه. الوحيد اللى ممكن يكلمك هوه واحد يكون حاجزه قبلك فالحق بقى قبل ما المكان يتحجز ههههههههه

لو انت من الناس اللي مش بيفرق معاها ولا بتضايق من الناس اللي بتمشي في نص الشارع خلاص اركن علي الرصيف
يا فندم الرصيف للماره والشارع للعربيات و اي انسان ده بديهي عنده الا المواطن المصري اللي بيدور علي الف حجه وحجه علشان يعمل الغلط لكن عمره محيحاول يبدأ ابدا بنفسه و يعمل الصح

المشاركة الأصلية كتبت بواسطة ahmed_adham

يا باشا كل رصيف وانت طيب. طب هيخالفو عربيات الفول اللي محتله الرصيف فى أميز حتت فى البلد ولا المحلات اللى بتعتبر الرصيف امتداد للمحل وتملاه فاترينات ولا الناس اللي بتعمل فيه حديد عشان محدش يركن قدامه. الوحيد اللى ممكن يكلمك هوه واحد يكون حاجزه قبلك فالحق بقى قبل ما المكان يتحجز ههههههههه

هوا ده اللي اقصده بالضبط

معلش مش لما انت هتركن فوق الرصيف في بني أدم هيمشي مش على الرصيف فبدل ما عربيتك اللي حتة حديد تتخبط الراجل ده اللي هو لحم ودم هيتخبط؟
معلش الصح مالهوش إستثناءات، تصور لو كل واحد ركن فوق الرصيف والناس مشيت في بحر الطريق ده في مصلحة مين؟

المشاركة الأصلية كتبت بواسطة peaceman

انا شايف ان اي حد ممكن يمشي في اي مكان دلوقتي .. دا يا راجل الناس بتتمشي وسط الطريق السريع .. ولا هاممهم حاجه .. و بعدين هي الشرطة بتسأل في حد ..
و علي العموم خلي بالك قبل ما تقول الكلام اللي قولته بدون تحسب اني بسأل سؤال و بعدين هو مين اللي يبدأ بنفسه بالظبط ؟؟؟؟؟؟
و انت عربيتك لما تتخبط في الشارع و انت نايم في بيتك .. هتبقي مبسوط لما الدنيا و حالك يقف عشان عربيتك عند السمكري و لا الكهربائي ولا ولا حتي جابت توتال لوز

اللي بيمشي في وسط الطريق السريع ملوش حجه ولا ديه لو اداس
لكن اللي حيمشي في الشارع علشان حضرتك راكن علي الرصيف حجته معاه والغلط عندك
واللي يبدأ بنفسه ده يا باشا مش حد معين ده مبدأ لكن واضح انه منزلش لسا هنا
و عربيتي و عربيه اخويا و عربيه والدي اتخبطو اكتر من 20مره في الشارع(انا مش ببالغ في الرقم) و برضو مركناش علي الرصيف

المشاركة الأصلية كتبت بواسطة peaceman

كلامك صح يا سما 100% .. اخجلتيني .. علي العموم انا فعلا نزلت و طلعت العربية علي الرصيف و سيبت نص الرصيف فاضي عشان الناس اللي اصلا مش بتطلعه

نيجي بقي هل في مخالفة ؟؟؟

هوا مش حضرتك لسا قايل في مشاركتك معايا
هيا الشرطه بتسأل في حد؟
خايف ليه يكون فيها مخالفه؟
مش حيسألو برضو
و حضرتك مكنتش بتسأل بس لا انت نفذت