ماروتى 2005 ولا سويفت 94 ؟؟؟

مساء الفل على عيون اجمد اعضاء فى اجمد وارقى منتدى سيارات
ايه رأيكم يا جماعه عايز اجيب عربيه ومحتار مابين الماروتى 2005 او 2007 ولا سويفت 94
تفرق معايا حاجتين
العفشه لانى عندنا مطبات جبليه صعبه جدا
توافر قطع الغيار ورخصها "عايز عربيه اقتصاديه متكونش بتعشق الميكانيكى" وتكون قويه وبتستحمل :L_bhuhhh[1]:
انا معايا حدود ال 25 الف
انا ميال للسويفت علشان اكبر واريح وبسافر مره فى الشهر مسافه 300 كيلو بس خايف من الموديل وقطع الغيار ومتردد
ياريت اخونه اصحاب الخبرات يشاركونى الرأى
انا كنت عامل الموضوع فى قسم المقارنات بس ما أخدش اهتمام كبير فقولت اجيبه لأصحاب الخبرات العاليه فى السوزوكى

ولكم خالص الشكر والتقدير والتحيه :Bravo:

اقتباس:

---

المشاركة الأصلية كتبت بواسطة pop man

مساء الفل على عيون اجمد اعضاء فى اجمد وارقى منتدى سيارات
ايه رأيكم يا جماعه عايز اجيب عربيه ومحتار مابين الماروتى 2005 او 2007 ولا سويفت 94
تفرق معايا حاجتين
العفشه لانى عندنا مطبات جبليه صعبه جدا
توافر قطع الغيار ورخصها "عايز عربيه اقتصاديه متكونش بتعشق الميكانيكى" وتكون قويه وبتستحمل :L_bhuhhh[1]:
انا معايا حدود ال 25 الف
انا ميال للسويفت علشان اكبر واريح وبسافر مره فى الشهر مسافه 300 كيلو بس خايف من الموديل وقطع الغيار ومتردد
ياريت اخونه اصحاب الخبرات يشاركونى الرأى
انا كنت عامل الموضوع فى قسم المقارنات بس ما أخدش اهتمام كبير فقولت اجيبه لأصحاب الخبرات العاليه فى السوزوكى

ولكم خالص الشكر والتقدير والتحيه :Bravo:

---

اسد عجوز ولا قرد بصحته؟.؟
القرار عندك
وانا طبعا بحب القرد اللي بصحته...
تحياتي

Sent from my LT18i using Forum Runner

ههههههههههههههههههههه تصدق انت موتنى من الضحك بالمثل الجامد اوى ده
وعلفكرا زودت الحيره عندى
لك خالص تحياتى يا جميل

وهوا فيه مكان فى مصر مفهوش مطبات وشوارعه مش متبهدله انا رائى تاخد الموديل الاجدد والمبلغ بتاعك يجبلك حاجه كويسة ومش متهانة للمروتى والناس هنا هتفيدك اكتر

انا كنت فى نفس حيرتك دى من شهر ,, بس انا لسه طالب و مشاويرى كلها جوا البلد ,, الماروتى عربية كويسة جدا جدا جدا ,, مش عائلية اوى ,, اقتصادية جدا فى كل حاجة ,, المهم انك تحافظ و تطبطب و انت سايق ,, و بالمناسبة عفشة السويفت ضعيفة اوى اوى اوى ,, و بتعشق حاجة اسمها كبالن :s ,, بس للامانة السويفت اعفى كتير من الماروتى ,, و الماروتى اقتصادية عنها فى كل حاجة ,, يعنى بالمبلغ دا تركب موديل عالى ,, و متفكرش تصرف عليها ,, بمعنى اصح انها هتكون فيها ريحة الزيرو ,, و استخير ربنا طبعا و ربنا يهديك لى فيه الخير

أفضل الماروتي لأنها عربية اقتصادية في كل حاجة حتي في شغلها انت ممكن تشتغل بنفسك فيها عربية ميكانيكية بحتة ههههههههه
لو سويفت لحد موديل 93 كنت هقولك ماشي لأنها ياباني لكن من 94 مصري و للأسف من اكتر العيوب دايما تلاقي فيها بارومة اعتقد نظرا لأن الياباني صاجه به طبقة تحمي من البرومة عكس المصري و في كلا الحالتين قطع الغيار مش كلها متوفرة زي الأول برده

فتوكل ع الله و خليك في الماروتي المبلغ اللي معاك يا تحطه مقدم و تجيب زيرو يا تجيب مستعمل موديل 2006-2007
بس لازم يكون معاك ميكانيكي ثقة و فاهم و ده موضوع تفاريح :)

تعالوا نعرف نعمل ايه لما نيجي نستلم عربية جديدة او مستعملة
http://www.nilemotors.net/Nile/244408-a.html

و زي ما الدكتور قال قرد بصحته و لا اسد عجوز :)

و اي استفسار اتفضل

كلكو كده ضد السويفت

ماشى ياسوزوكية

_________________

منى نصيحه ليك هات إلى أنت مرتاحلة وهات إلى نفسك فيه

فى الاول طبعأ متشكر جدا جدا لكل السوزكيه الجامدين اوى واللى يحبه يخدمه وشاركو بالرئ:S_thum1[1]::S_thum1[1]::S_thum1[1]:


بس ليه شويه استفسارات اولها

اقتباس:

---

المشاركة الأصلية كتبت بواسطة mohamed_mesho3

و بالمناسبة عفشة السويفت ضعيفة اوى اوى اوى ,, و بتعشق حاجة اسمها كبالن :s ,, بس للامانة السويفت اعفى كتير من الماروتى ,, و الماروتى اقتصادية عنها فى كل حاجة ,,

---

بالنسبه لعفشه السويفت تفتكر الماروتى عفشتها اقوى ؟؟؟ والسويفت اعفى فى ايه بالتحديد

تانى استفسار لو مفيهاش تقاله منى :S_thum1[1]:

اقتباس:

---

المشاركة الأصلية كتبت بواسطة Axel

لو سويفت لحد موديل 93 كنت هقولك ماشي لأنها ياباني لكن من 94 مصري و للأسف من اكتر العيوب دايما تلاقي فيها بارومة اعتقد نظرا لأن الياباني صاجه به طبقة تحمي من البرومة عكس المصري و في كلا الحالتين قطع الغيار مش كلها متوفرة زي الأول برده

---

طيب لو قولت سويفت 93 مش 94 ؟؟ لانى معايا المدام واحتمال اسافر كتير وبصراحه مرتحلها اكتر علشان الوسع وعلشان بشوفها تاكسى كتير جدا وبالنسبه لقطع الغيار تفتكر نادره ولا ايه؟؟

وايه رأيكم فى "الانو" برده عجبانى بس لو هنرتبهم هيبقى سويفت ثم ماروتى ثم أونو ده اللى انا بفضله بس طبعأ استفدت كتير من أرائكم ولسه اكيد هستفاد ومستنى نكمل المناقشه

شكر جدا ليكم كلكم :x1[1]::S_thum1[1]::x1[1]::S_thum1[1]::x1[1]::S_thum1[1]:

اقتباس:

---

المشاركة الأصلية كتبت بواسطة pop man

فى الاول طبعأ متشكر جدا جدا لكل السوزكيه الجامدين اوى واللى يحبه يخدمه وشاركو بالرئ:s_thum1[1]::s_thum1[1]::s_thum1[1]:


بس ليه شويه استفسارات اولها





بالنسبه لعفشه السويفت تفتكر الماروتى عفشتها اقوى ؟؟؟ والسويفت اعفى فى ايه بالتحديد
:x1[1]::s_thum1[1]::x1[1]::s_thum1[1]::x1[1]::s_thum1[1]:

---

عفشة الماروتى مش اقوى من السويفت بس على العربية كويسة اوى ,, على عكس السويفت , عندك مثلا الاكسل عفشتها على العربية كويسة ,, السويفت بتغيير كبالن كتير ,, تانى نقطة موتور السويفت انتيمونيا بس بيعيش , لكن لو حصل فيه حاجة بتحتاج تجيب استيراد , تالت حاجة السويفت اعفى من الماروتى فى العزم يا باشا و الشد

اقتباس:

---

المشاركة الأصلية كتبت بواسطة وائل شويخ

منى نصيحه ليك هات إلى أنت مرتاحلة وهات إلى نفسك فيه

---

انا كنت مرتاح جدا جدا للسويفت بالأخص انى بشوفها كتير تاكسى بس بعد الموضوع ده ابتديت ابعد عنها علشان موضوع العفشه والكبالن وموضوع الموتور اللى مش بيتعمر ده :pffft::pffft::pffft:
ابتديت افكر فى الاكسيل والأونو علشان اوسع نسبيأ من الماروتى لانى ركبت الماروتى ومكنتش مرتاح اوى فيها ومستن اراء الباقى

او الاسكودا فليشيا بس خايف من قطع غيارها

يا باشا انا كان معايا 36000 و كان ادامى الخمس عربيات دول
1 ) الاكسل و دا الاختيار الافضل لو 1500 و مكيفة , و دى عربية مفيهاش كلام
2 ) السويفت و دى يابانى لحد قبل 94 و 1300 و عربية ناعمة جدا بس العفشة ضعيفة شوية , بس العربية دى لو فى منها نظيف تمسح الاكسل ال 1300
3 ) الفليشيا و مع خالى و مطلعة عينه سخونية سخونية سخونية و موتورها زبالة اصلا , بس دوشة و بتاعة بهدلة انما سفر و مشاوير كتير فى حر لا
4 ) الاونو و قولت ايه اللى يخلينى ادفع 26 الف مثلا فى عربية موديل 94 و 1000 cc
5 ) الماروتى حجمها ممكن يكون صغير نسبيا بس دى ورا بس , العربية من ادام واسعة و جدا و البنزين بحطه و بنساه و داير بيها طول اليوم فى الشارع ولا سخنت و لا قصرت فى حاجة , عربية كسر زيرو موديل 2009 و عاملة 27000

انا شايف انك لو لاقيت سويفت نظيف اووووووووى يبقى كويس دا فى حالة ان الماروتى ضيقة عليك اوى , غير كده الماروتى عربية جميلة جدا

من وجهة نظري الماروتي افضل لحالتك

اقتباس:

---

المشاركة الأصلية كتبت بواسطة mohamed_mesho3

يا باشا انا كان معايا 36000 و كان ادامى الخمس عربيات دول
1 ) الاكسل و دا الاختيار الافضل لو 1500 و مكيفة , و دى عربية مفيهاش كلام
2 ) السويفت و دى يابانى لحد قبل 94 و 1300 و عربية ناعمة جدا بس العفشة ضعيفة شوية , بس العربية دى لو فى منها نظيف تمسح الاكسل ال 1300
3 ) الفليشيا و مع خالى و مطلعة عينه سخونية سخونية سخونية و موتورها زبالة اصلا , بس دوشة و بتاعة بهدلة انما سفر و مشاوير كتير فى حر لا
4 ) الاونو و قولت ايه اللى يخلينى ادفع 26 الف مثلا فى عربية موديل 94 و 1000 cc
5 ) الماروتى حجمها ممكن يكون صغير نسبيا بس دى ورا بس , العربية من ادام واسعة و جدا و البنزين بحطه و بنساه و داير بيها طول اليوم فى الشارع ولا سخنت و لا قصرت فى حاجة , عربية كسر زيرو موديل 2009 و عاملة 27000

انا شايف انك لو لاقيت سويفت نظيف اووووووووى يبقى كويس دا فى حالة ان الماروتى ضيقة عليك اوى , غير كده الماروتى عربية جميلة جدا

---

بجد انت جبت من الاخر وانا خلاص ابتديت اقتنع بالماروتى تانى بس هى فعلا مرتاحه من قدام وياترى لو مسافر وماشى على 110 مثلا هتكون ثابته الى حدا ما ولا "ريشه فى هوا" ؟؟ وفى ناس كانت بتقول ان فيه ناس بترمى عليك على الطريق وبتستقل بالعربيه وحاجات كده انت ايه رايك فى الكلام ده ؟؟
وبجد شكرا جدا جدا جدا ليك لسانى عاجز عن الشكر بجد لحضرتك

وشكرا جدا ليك أ.طارق وانا ابتديت اعيد نظر فى الموضوع وشكلى هجرب الماروتى

شكرأ جدا ليك أ طارق وانا فعلا ابتديت اعيد نظر فى الموضوع

اقتباس:

---

المشاركة الأصلية كتبت بواسطة pop man

بجد انت جبت من الاخر وانا خلاص ابتديت اقتنع بالماروتى تانى بس هى فعلا مرتاحه من قدام وياترى لو مسافر وماشى على 110 مثلا هتكون ثابته الى حدا ما ولا "ريشه فى هوا" ؟؟ وفى ناس كانت بتقول ان فيه ناس بترمى عليك على الطريق وبتستقل بالعربيه وحاجات كده انت ايه رايك فى الكلام ده ؟؟
وبجد شكرا جدا جدا جدا ليك لسانى عاجز عن الشكر بجد لحضرتك

---

يا معالى الباشا العفو ,, العربية من ادام مرتاحة و اوى و الله كمان هتبسطك هى من ورا بس اللى ضيقة شوية ,, لحد ال 100 العربية لذيذة معاك بعدها بلاش ,, و موضوع الناس و بستقل دا انا راكب العربية دى بقالى 3 اسابيع ,, فى اول اسبوع كنت بفكر ابيعها و اركب حاجة تانية عشان موضوع الاستخفاف دا , بس حجم العربية بقى فى الركنة تحفة فى اى مكان انت عايزه هتركن ,, حجم العربية فى الزحمة تحفة و فى الغرز تحفة تحفة تحفة ف صلى الاول استخارة و ان شاء الله مش هتزعلك , و جرب اركب ماروتى شوية المبلغ اللى مع حضرتك ممكن يجيب ماروتى كسر زيرو حالتها نظيفة لو ما ارتاحتش بيع يا باشا و العربية سوقها ممتاااااااااااااااااااااا ز بتتباع و هى واقفة و بشهادة الجميع ف متقلقش ان شاء الله هتتبسط

فىالاول احب اشكر حضرتك كمان مره لمتابعتك المضوع وللأهتمام

اقتباس:

---

المشاركة الأصلية كتبت بواسطة mohamed_mesho3

و موضوع الناس و بستقل دا انا راكب العربية دى بقالى 3 اسابيع ,, فى اول اسبوع كنت بفكر ابيعها و اركب حاجة تانية عشان موضوع الاستخفاف دا

---

بس معلش ليه سؤال بالنسبه لموضوع استخفاف الناس بالعربيه "افهم من كلامك ان الموضوع ده حقيقى وملحوظ ؟؟؟؟؟
وكمان جربت تسافر بيها اكتر من 300 كيلو مثلا ؟؟؟

اقتباس:

---

المشاركة الأصلية كتبت بواسطة pop man

فىالاول احب اشكر حضرتك كمان مره لمتابعتك المضوع وللأهتمام




بس معلش ليه سؤال بالنسبه لموضوع استخفاف الناس بالعربيه "افهم من كلامك ان الموضوع ده حقيقى وملحوظ ؟؟؟؟؟
وكمان جربت تسافر بيها اكتر من 300 كيلو مثلا ؟؟؟

---

موضوع الاستخفاف دا فى الاول بس و هتاخد عليه و طبعا مش ملحوظ اوى زى ما انت متصور
سافرت بالعربية دى من 4 سنين كانت بتاعت عمى و كانت لسه زيرو المهم طلعت الساحل و ريحت هناك شوية و منه على مارينا و من مارينا مباشر على القاهرة ,, الخلاصة طول ما العربية مظبوطة و انت مش كاسر ال 100 اى عربية مش هتقول معاك لا فى السفر نهائى ( اهم حاجة ان العربية تكون مظبوطة ) ,, مع العلم انى موقفتش ريحت من هنا لحد الساحل و كنت ماشى على 120 اغلب الطريق كمان بس الثبات كان تعبان للامانة

بالنسبة لموضوع الاستخفاف انا عندى رأئى
يعنى من امتى الناس بيعجبها العجب؟ و من الاخر الواحد لو عمل حساب للناس هيتعب طول عمره
يعنى من الاخر انا محدش من الناس بيدينى جنيه علشان يحاسبنى انا راكب عربية ايه

انا الموضوع دا كان تاعبنى من اول ما جبت العربية
لكن دلوقتى خلاااااااص و لا بيهمنى بل على العكس بقى بيضحكنى علشان الناس عمرها ما حاجة هتعجبها

من اسبوعين كنت واقف بالعربية فى بنزينه و بمون و واقف ورا العربية سواق تاكسى فيرنا المهم بيقوللى التوك توك دا بياخد كام لتر؟ 5 لتر؟ المهم انا ضحكت قولتله اطلعلى على الطريق و انا اوريك :) :)
قام قالى لا يعم دى اى حبة هوا يطيروها المهم ضحكت و لا همنى علشان هو مش بيدينى جنيه علشان يكلمنى انا راكب ايه بس نسيت اقوله كلمه "احسن ما اركب تاكسى و حد يستغلنى"

مع الاسف نسبة كبيرة من الشعب بقت بتحب التناكة و التنطيط و الطبقية و انا راكب ايه و انا راكب ايه مع ان فى الاخر ربنا يكفينا الشر الحادثة لما بتيجى مش بتسأل الاول انتا راكب ماروتى و لا لأ يعنى ياما عربيات زى السيفيك و بما تتمتع به من وسائل امان و من حكايات هنا فى المنتدى عملت حوادث ربنا يحفظنا

من الاخر محدش هيجبرنى اعمل حاجة و لا اشترى حاجة
اللى انا مقتنع بيه هعمله غصب عن اى حد

لو كان الاستخفاف بالكلام مش مشكلة!!
الاسخفاف المقصود هو عالطريق
الكل يحدف عليك ويكسر عليك وكانه مش شايفك اصلا ولا ليك وجود
واما تكون من النوع الطبيعي وتخاف على عربيتك يا اما تكون من عينة مايكل شوماخر واللي يرمي عليك تعلمه الادب ومتفتحش لحد سكه.... الخ
عن نفسي شفت اداستخفاف في مصر وبره مصر
بس الحقيقة وانا ةنت سايق جيب كبير في السعودية كنت فعلا بحس إحساس غريب تجاه اي عربية أصغر مني وكان عندي إحساس اني ممكن ادوسه كمان
ههههههههههههههههه
وده تقريبا نفس الإحساس اللي بيحس بيه اي واحد راكب عربية أكبر من الماروتي....
ههههههههههههههه
تحياتي

Sent from my LT18i using Forum Runner

لا يا جميل
انا اللى بيرمى عليا ساعات بعديها بمزاجى و ساعات بندمه انه مجرد فكر انه يرمى عليا
الا لو رمى عليا و معرفتش اجيبه "عربية بى ام فى التجمع امبارح"
:) :)

هههههههههههههههههه أهو ده اللى بتكلم عليه وخايف منه :wound13: :T_thum1[1]: