الرخصة إتسحبت بمنتهى الإحترام

**semi** · 05-10-2012 08:54 AM

اولا الكمين ده طول عمره كده والتفتيش بيتم فعلا بضمير
وبيدور في كل حاجه بالعربية
لكن ده غالبا للشباب اعتقد انك شاب برضه
لكن لما يكون في عائلات بيعدوا بسلام
تاني حاجه موضوع شهر سماح دي اكبر كذبة عرفها المصريين من ايام رمسيس الاول
مفيش حاجه اسمها شهر سماح الظابط هو اللي بيسيبلك الرخصة استذواقا لاعطاءك فرصة
فيمكن من هنا طلع مصطلح شهر سماح لكن قانونا مفيش حاجه اسمها كده

الشئ الجديد بقى هي الابتسامة اللي حضرتك بتتكلم عنها والاسلوب الحلو
وده شئ جميل فعلا وياريت الناس تتكلم باحترام برضه لما تلاقي المعاملة كده
وان ده مش يشجعها انها تقل ادبها

الشئ الاخير موضوع التفتيش اتلغى خلاص لان حالة الطوارئ اتعطلت
فالظابط اللي يقولك تفتيش قوله مينفعش حضرتك الا باذن نيابة
ومحدش يسبق سوء النية لان في ظباط فعلا مش يعرفه الموضوع ده

**Dr.Mostafa Anwar** · 05-10-2012 10:27 AM

المشاركة الأصلية كتبت بواسطة kingrab

ونصيحة للى هيسافر شرم الشيخ بالعربية .. إبقى إرمى الحشيش أو إشربة قبل ماتخش على النفق
التفتيش بقى زى الزفت

معلش أنا منذهل من الجملة دي ومش قادر أصدق عيني إني قريتها فعلا ...

هوا للدرجة دي الحديث عن "الحشيش" بقى بسهولة كده وكمان ممكن حد ينصح واحد "حشاش" بحاجة عشان ما يتمش القبض عليه مثلا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟ظ

أنا فعلا منذهل

**waleedrahmy** · 05-10-2012 10:30 AM

الكمائن الثابتة
عند المداخل الرئيسية
معها اذن تفتيش دائما

**ayman_omer2007** · 05-10-2012 11:04 AM

ههههه سرد الموضوع جميل والله ياباشا انت راجل محترم بمنتهى الاحترام

**AhmedBahgat** · 05-10-2012 11:33 AM

للتوضيح فقط
لا يملك كائن من كان بتفتيش سعادتك أو سيارتك أو منزلك إلا وكيل نيابة الدائرة أو بإذن منه أو من المحكمة موجة لتفتيش شخص بعينه وبمعرفة شخص بعينه
ولا يملك أي شخص خلاف ذلك تفتيشك سوء في كمين ثابت أو متحرك أو غيره

ولكن .............
إذا طلب أحد الضباط في إحدي الكمائن تفتيشك فدعه يفتشك وتلك نصيحتي وإنسي كل إللي أنا كتبته فوق ده
:)

**AhmedBahgat** · 05-10-2012 11:36 AM

أه وعلي فكره لتصحيح معلومة مغلوطة عند ٩٠٪ من الشعب إن إلغاء قانون الطوارئ ألغي سلطة الضابط في التفتيش
أحب أقول لحضراتكم أن الضابط لا يملك تفتيشك قانوناً حتي حال سريان قانون الطوارئ

**aboomar22** · 05-10-2012 12:05 PM

طيب يا جماعة حتى التفتيش لو مش قانونى لكن فى الصالح العام ايه المشكلة طالما بيتم بادب واحترام اكيد التفتيش ده بيقلل كتير من دخول السلاح والمخدرات والسيارات المسروقة دا وانا داخل جراج كارفور موظف الامن قالى افتح شنطة العربية لو سمحت وفتحتها مش عرف ليه ومش انا بس كل اللى داخل كده

**MARTINDALE** · 05-10-2012 12:54 PM

على حد علمي ان الكمائن بتكون واخده اذن نيابه قبل ما تتنصب .... بالنسبه للشهر السماح فالضابط كلامه خطاء الشهر اتلغى قبل الثوره بسنه لاني اتعرضت لنفس الموقف وجوز اختي ضابط اداني كلمتين بسبب كده .

**sanhory** · 05-10-2012 01:48 PM

بالظبط كده زي ما الاخوة قالو انا مره اتوقفت في لجنة قبل الثورة و كانت الرخصة انتهت بقالها بومين و انا معرفش قولت للظابط مش في شهر سماح قالي الشهر السماح ده جوه المرور عشان متدفعش غرامة لكن في الشارع مفيش حاجة اسمها شهر سماح بالنسبة للجان الرخصة منتهية

**OMAR61995** · 05-10-2012 02:41 PM

هى ايه المشكلة لما العربية تتفتش
طالما كل واحد ماشى سليم و معيهوش حاجة ممنوعة يبقى عادى جداً
انما اللى هيقول للضابط لازم إذن هيشك فيه أكتر و ممكن يوقفك جنبه لحد ما يجيب إذن النيابة