عرض للطباعة
من فتره و تم تعليه الجراج و بقى دخلته شبه الرصيف و فيها حوالى 3 طلعات و نزلات عاملين زى المطبات الجامدة أوى
يعنى بمعنى أصح لو حد داخل الجراج بيحس أنه داخل حرب
و مرة من المرات و أنا خارجة سمعت صوت طقطقة غير طبيعى
أستمر الوضع على ما هو عليه كل يوم خروج و دخول عدة مرات للجراج
كانت فيه مطبات فى الشارع مش بحس بيها خالص
دلوقتى لما بمشى عليها بحس أننا راكبة فزبة
يا ترى أية إلى محتاج يتغير بالظبط ؟
غيرت جراج مخصوص بس دخلته الغربية
الي بتبوظ العربيات
اما الشارع فده عادي بدل الواحد ما يروح الملاهي ..
المشكلة بقى أننا مينفعش أغير الجراج دة لأنه بتاعنا و من الواضح أنه هيستمر بالمنظر دة فتره طويلةاقتباس:
المشاركة الأصلية كتبت بواسطة s o p h o s
ياجماعة عاملوا المطب على انه بيدى مناعة للعربية عشان لو ركزت مع كل مطب هيجيلنا امراض الدنيا كلها
وعلى راى القرموطى اللى بيقع دلوقتى الصغيرين
تربيط عفشة وان شاء الله مش هيبقى في مشكلة
مانا كنت الأول بتعامل معاه كدة مفيش مشكلة لكن دلوقتى أنا ضهرى أتكسر خلاص كل ما مشى فى الشارع كأنى راكبة مرجيحه المولداقتباس:
المشاركة الأصلية كتبت بواسطة ayman_omer2007
يعنى تربيط العفشة دة الحل الأمثل ولا على ماأظن فيه حاجة أسمها مساعدين و سوست ممكن تتغير لأنى مش فاهمه التكوين بتاع العربيه إلى يخليها بتنط كدةاقتباس:
المشاركة الأصلية كتبت بواسطة eng f3lix
مبدئيا ........ نربيط عفشة .
ثانيا القيادة بسرعة قليلة على المطبات (و كبري لولاد *#$&#^^#$ اللي بيزمرولك و أنت بتأخد بتأخد مطب ) .
المطبات دي نتيجة طبيعية لطبيعة سواقتنا الزفت .
تربيط العفشه ان شاء الله هيقوم بالواجب
بس لو حضرتك بتحسي العربية بتتنطط كتير بعد كل مطب ممكن يكون المساعدين ضربو...
تحياتي
Sent from my LT18i using Forum Runner
اذا الموضوع اتكرر بعد تربيط العفشة يبقى علبة دركسيون فيها مشكلة ... ممكن تربط افزران العلبة ... بس ده مش حل نهائي
بما اننا فى اسكندرية ممكن تكشفى على العفشة و تربطيها فى محطة موبيل سموحة او بريدج ستون فى لوران إلى البحراقتباس:
المشاركة الأصلية كتبت بواسطة manola
طبعا توكيل عز العرب فى اسكندرية الداخل مفقود و الخارج مولود يبقى لو ناوية تودى العربية التوكيل تكشفى عليها و تروحى و مشخصة العيب
ميرسى على ردودكم و فعلا التوكيل إلى هنا الناس كلها بتشتكى منه بس أنا عمرى ما روحته لأن قرايبى بيروحوا هناك
أنا بعتها إنهاردة مع واحد و ظبطها تمام بس بعتلى فاتورة بـ 900 جنيه مش عارفه ليه
و طبعا زى الجزمة دفعتهم :what:
مكتوب ايه فى الفاتورة
ولا حاجة مكتوب أسم العربيه و أسم المستلماقتباس:
المشاركة الأصلية كتبت بواسطة a.saad
و المبلغ 900 جنيه
و طبعا بعد دفع المبلغ قطعت الورقة و دة كان قرار غبى منى أوى :44:
900 جنيه على مفيش؟
ربنا يهدينا
لو الورقة عندك او حتى مش عندك اتصلى بالتوكيل اساليهم لو الشخص ده مش محل ثقة اوى
لان التوكيل هيكتب ايه اللى اتعمل
تغيير مساعد امامى
مصنعية
كدة يعنى
او شوفى قطعة الغيار اللى ركبت جديدة ولا لا
بس اوعى تكون القديمة واتغسلت واتنضفت
ميرسى يا جماعة على الردود و للأسف مش عايزة أفكر أن فيه أشخاص بتعامل معاهم مش كويسين فبحاول أسكت أفضل و للأسف الفاتوره مش من التوكيل ولا حتى تم توضيح أية إلى حصل أساسا
على العموم الحمد لله العربيه بقيت زى الفل
العفو يا فندم
حد يعرف حد بتاع عفشة كويس فى القاهرة و قريب من العباسية