الحمد لله اشتريت لوجان أتو وكنت عايز أعرف أول صيانة إمتى ؟ انا اتصلت بالتوكيل قالي ان أول صيانة 5000 والزيت كمان بيتغير على ال 10000 انا عايز اتأكد بس من الكلام ده من وحوش المنتدى وشكرا
عرض للطباعة
الحمد لله اشتريت لوجان أتو وكنت عايز أعرف أول صيانة إمتى ؟ انا اتصلت بالتوكيل قالي ان أول صيانة 5000 والزيت كمان بيتغير على ال 10000 انا عايز اتأكد بس من الكلام ده من وحوش المنتدى وشكرا
معقولة مفيش إجابة .
عموما أنا معلوماتي إن أي عربية ليها صيانة الـ 1000 مجانية
بتغيير فيها زيت المصنع اللي هو خاص بفترة تليين العربية .
لإن بيكون فيه شوائب بتاعة الموتور والأجزاء الحديدية لما بتطبع علي بعض .
بصراحة يبقي غريب اوي لو مفيش صيانة عند الـ 1000 الأولي .
اول صيانة بتبقى صيانة ال5000 و هي مجانية و الزيت فعلا بيتغير على ال10000
و الف مبروك يا كبير على العربية =)
الف الف مبروك علي العربية وربنا يباركلك فيها
فعلا اول صيانة زي ما قال الاستاذ جبريل عند 5000 كيلو وبعد كده الصيانات كل 5000 كيلو .. صيانات ال 5 - 15 -25 وهكذا بتكون مجانية وصيانات ال 10-20-30 وهكذا بتكون بفلوس وبيتم فيها تغيير الزيت .. ومعاك يا باشا ضمان علي العربية لحد 3 سنين او 100 الف كيلو .. الف مبروك مرة تانية :)
معلش يا جماعة .
أنا كنت فاكر الصيانة بعد الـ 1000 كيلو .
والكلام عن الزيت بتاع المصنع إنه لازم يتغير بعد الـ 1000 كيلو الأولي . لأن فيه رايش حديد تطبيع حديد الموتور ... الخ .
فسؤالي ليكم . يعني الزيت بتاع اللوجان زيت موبيل/ شيل/ أو أو . صالح لـ 10.000 كيلو . ؟؟؟
يعني المصنع في المغرب ملين العربية ومغير زيت المصنع الأصلي الأولاني ؟؟؟؟؟
شكرا لاهتمامكم قوي ربنا يجازيكم خير