ركنت مكان واحد ورجعت لقيته سايب ذكرى على العربية

**amr.elsayed** · 07-10-2012 04:26 AM

انا بقى ريحت دماغى اصلا من حصون طروادة اللى الناس عملاها فى الشارع وبقيت بركن بعيد .. ومن ساعت ما بعمل كدة استريحت
لان الدائرة اللى بكون عايز اركن فيها كبرت وبقيت بلاقى ركنات كتير وبقيت عارف الركنات الامنة
وفى الاول والاخر لو ليك نصيب فى حاجة حتشوفها حتى لو راكنها فى البلكونة

**amr.elsayed** · 07-10-2012 04:27 AM

المشاركة الأصلية كتبت بواسطة أحمد كمال

طيب لو كل واحد حجز قدام بيته و محله اما هيروح مكان تاني عشان اي حاجة (زيارة اقارب, مشوار, البنك, الطبيب ....... الخ الخ) هيركن فين ؟ ماهو الاماكن اللي هناك برضه ليها اصحاب و مش اقل منك و عايزين يركنوا قريب و انت برضه غريب عليهم .......

حيشوف واحد عنده جراج ويقفل عليه

**S O P H O S** · 07-10-2012 10:32 AM

ده مريض فعلا

**Elawany13** · 07-10-2012 12:17 PM

شكوى على الفيس بوك
كلنا بنشتكى منها

**Ahmed_Adham** · 07-10-2012 04:50 PM

يا جماعه انتو بتتكلمو عن ان حد غريب ييجي يركن قدام العماره وياخد مكان حد من السكان. طب هل أصلا مساحه واجهة العماره تكفي عربيات كل السطان حتى لو راكنين عمودي على الرصيف؟ أبسط مثال العماره فى اكتوبر 4 أدوار + الارضي ولو الدور كامل هيبقى شقه واحده يبقى فيه 5 سكان وفي الغالب هتلاقيهم كلهم معاهم عربيات هل المساحه اللي قدام البيت تكفي 5 عربيات؟ ده غير كمان لو حد جايله ضيف ولا حاجه.

الصح ان كله يتقبل فكره ان مفيش مكان ثابت لأي حد واللي يلاقي مكان فاضي يركن فيه ومفش احتكار.

**michael rafik** · 07-10-2012 05:24 PM

انا لما ركن صف تانى ودى حالات نادره بسيب ورقه عليها رقم تلفونى على الزجاج وضبعاحصلى مواقف كتير بسب انى ركن وانا مش عارف ان ده مكان حد لانه مش يكون حجزه مره مرايا ومره فانوس عادى قى البلد دى فيها مشكله كبير فى الاخلاق
اخر مره كنت راكن جنب الرصيف بشترى طلبات وجه واحد ركن جنبى صف تانى فرحت اساله حضرتك قدامك وقت اد ايه فرد عليا رد سخيف جدا وقال لى ساعه ساعتين ثلاثه وانت مالك
ده الشعب المصرى مبقاش فى اخلاق ولا احترام

**amr_8800** · 07-10-2012 06:50 PM

المشاركة الأصلية كتبت بواسطة michael rafik

اخر مره كنت راكن جنب الرصيف بشترى طلبات وجه واحد ركن جنبى صف تانى فرحت اساله حضرتك قدامك وقت اد ايه فرد عليا رد سخيف جدا وقال لى ساعه ساعتين ثلاثه وانت مالك

كده عادي قالك انت مالك بمنتهى البرود وسابك ومشي
مش قادر اسدأ هو في قله زوق كده ؟

**start_wow** · 08-10-2012 01:00 AM

يا باشا والله العقل زينة فعلا..اقولكم علي موقف غريب..انا في يوم راكن العربية تحت البيت ونزلت اخرج انا والاسرة لقيت بني ادم راكن عربيته ولازق عربيته في عربيتي جنب بعض من عند باب السواق كما لو ان المكان مكانه وان انا تعديت علي مكانه في الركن..مش عارف اعمل ايه عربيته الهاند بريك مشدود ومافيش اي رقم تليفون ولا حتي عربيته فيها انذار علشان اخبط عليها يشتغل يمكن يبص علي عربيته ولا حاجة..اضطريت اسيب العربية انا واسرتي ونروح مشوارنا مواصلات..بني ادمين متخلفة وفعلا العقل زينة..

**ziours** · 08-10-2012 01:54 AM

فعلا الناس اتجننت وبقت عندها كميه حقد وغل غريب وخصوصا الاقارب والجيران يعني واحده قربتي ست كبيره في السن مايحلهاش غير انها ترمي على عربيتي ميه مسح وسخه واكون لسة غاسل العربية ومنظفها وافاجى الصبج هذه العجوز الشمطاء برمي سيل من الميه الوسخه على العربية قلت كفايه كده روحت نازل ومديها الي فيه النصيب من حرقة دمي مع العلم كلمتها بالذوق كذا مره ولكن لاحياه لمن تنادي وده نموذج من الناس الحلوه اللي بنشوفها كل يوم وقال قريبتي مش حد غريب