المشاركة الأصلية كتبت بواسطة thegoodhacker
ممكن كذا سبب ممكن فلتر بنزين عاوز يتغير ممكن بيك الكاربيراتير عاوز يتنضف ممكن طقم كهربا تعبان ممكن كاربيراتير عاوز يتنضف أو يتعمله صيانة او استبدال .......
اولا شوف فلتر البنزين نضيف ولا لا .... لو مسود يبقي غيره ده ب5 جنيه
ثانيا لو ما غيرتش طقم الكهرباء بقالك 6 شهور روح غير طقم الكهربا من بوجيهات و ابلاتين وكوندنسر وبالمرة خلي الميكانيكي يسلكلك بك الكاربيراتير
ثالثا لو ما نفعش يبقي روح نضف كاربيراتير و لو محتاج يتعمله صيانة بسيطة اعملها بالمرة
بالنسبة للجيربوكس النصر 127 موديل 83 المفروض مافيهاش خامس ده الفابريقة بتاعها بس ممكن صاحبها اللي قبلك غير الجيربوكس بواحد بتاع سوبر فيورا ...... انا مش عارف انت بتقول حاولت تعشقه والعربية واقفة ازاي ؟ انت جبت رابع وبعد كده حاولت في الخامس ولا عملت ايه ؟ لانك لو حاولت تجيب الخامس من وضع المور ممكن والله أعلم تكون جبت التالت وانت مش واخد بالك !!