ارجو المساعده من اهل الخبرة .. خلاص تعبت .. انا باطلب مساعدتكم في اني اشتري كروز ٢٠١١ ولا لانسر شارك ٢٠١١ مع العلم بأني مفطوم ولا مؤاخذة علي الأوروبي يعني انا سوقت ٢٢ عربية طول حياتي .. ١٨ منهم كانوا أوروبي .. يعني تهمني الركوبة من الأخر والثبات وكمان الجودة والفخامة .. ارجوكم ساعدوني في المقارنة الصعبة دي
الكروز كورى مش اوروبى :)
لو شارك فيها زينون و كل حاجة يبقى شارك
مبدئيا معرفش عن الكروز غير شكلها وإنها دايو لاسيتى هى عربية كويسة شكلا ومحركها بيطلع 107 حصان تقريبا
الشارك بالنسبة لى شكلها أفضل بكتير ومحركها مايفيك بيطلع 117 حصان وعليها خصم أول فئة أوتو 124900
فيه ناس قالوا إن الكروز كنبتها ضيقة بس كلام مش أكيد لأنى مركبتهاش
عشان كدا أنا برشح الشارك
يا باشا مفيش مقارنه بنهم اصلا
الكروز كوري الشارك ياباني
كده انت بتظلم الشارك اوي
بس لو هتجيب الشارك هتها كامله سدأني ركوبه ركوبه ركوبه
وكفايه المكنه الميفك الي فيها
عليك و علي الشارك عربية ياباني و واسعة و شكلها شيك و ماتورها 1600 الجديد ده جامد كان واحد كاتب تقرير عنها و مقارنها باللانسر بومة اقراه هيعجبك
شارك 2011 مش فاكر اذا كانت نزلت مايفك ولا الموتور القديم
عموما لو واخد على الاوروبي ف ال 2 هيكونو بالنسبالك زي بعض
وان كانت (يمكن) الشارك افضل بنسبه طفيفه جدا
الشارك اكيد....بس لو سمحت خد بالك من قطع غيارها و اسأل على الموضوع ده كويس لاني اعرف انها غالية حبتين
الموضوع أبسط من إن حضرتك تحتار أوي كده ...!!
الموتور ( سحب - عزم - اعتمادية ) ... الشارك تكتسح
الثبات .. متقاربين جدا .. لكني ميال أكتر للشارك بحكم إن عفشتها متطورة أكتر من الكروز
التوكيل .. الاتنين فيه شكاوى منهم .. لكن الأكيد إن منصور أسوأ من أغلب توكيلات مصر
قطع الغيار .. متقاربين في أسعار الصيانة في التوكيل .. خارج التوكيل قطع غيار شارك منتشرة أكتر استعمال خارج و استثماري علشان شكلها قديم عن الكروز
الكماليات .. الشارك هاي لاين أفضل من الكروز هاي لاين
الراحة الداخلية .. الاتنين ناعمين لركاب الكنبة الخلفية .. لكن في السواقة أذواق لإن الشارك قعدتها عالية شوية ، الكروز قعدتها واطية شوية عن الشارك
الاتساع الداخلي .. الشارك أوسع من الداخلي خصوصا لطوال القامة
التكييف .. الاتنين متقاربين .. لكن مع الحمولة و السفر الشارك أقوى
* سألت في التوكيل لإن واحد صاحبي طلمبة الباور في الكروز باظت عنده مرتين في سنتين .. و اكتشفت إن ده عيب صناعة الكل بيشتكي منه في الكروز .. بس برضه الكلام ده مش أكيد و لازم تتأكد من التوكيل أفضل لإن ممكن يكون العيب ده اتعالج في الإصدار الأخير ...
* خلاصة الكلام .. لو بتحب عربية قوية .. ماتفكرش في الكروز و خليك في الشارك .. لو عاحبك شكل الكروز بس هتضحي بقوة الشارك يبقى توكل على الله في الكروز ... لكن مقارنة عربية بعربية حتى الآن الشارك تكسب في رأيي ...
شارك كراي
والله اعلم ..