يوم لا يعلم بيه ألا ربنا في العبور

امبارح بليل كان عندي مشوار في العبور عند golf city mall المهم وأنا راجع بليل الطريق طبعاً كحل و كلت مطب --------غبي مكانش باين خالص وكان نفس لون الأسفلت كنت ماشي تقريباً 90 قعدت طبعاً طول الطريق قرفان لحد مروحت البيت ركنت و نزلت جاي أبص على العربية ملقتش النمرة القدام معرفش بقى هي وقعت من امتى الصبح في الشغل ولا من المطب الزبالة اللي كلته المهم قلت أروح القسم أعمل مذكرة فقد وطبعاً طلع عيني و الظابط يقولي لأ مليش دعوة اعملها مكان موقعت أقوله معرفش وقعت فين يقولي طب اعملها يوم تاني أصل أنا مش فاضي واعدنا نفاصل ساعة لحد متكرم و خلى أمين الشرطة يعملهالي وكمان مكنش عندهم ختم ومفروض أروح أكمل يوم السبت
------- من ده كله بقى أني قلت أروح أرفع العربية بعد الصلى عشان اطمن أن محصلش حاجة بس الفني قالي المساعد اليمين قدام ضرب زيت و سألته مش ممكن يكون ضرب من فترة قلي لأ كنت هتلاقيه لامم تراب ده شكله مكملش يوم، الحمدلله أنها جت على قد كدة وربنا ينتقم من البهايم اللي بيحطوا مطبات عشوائية كدة في طرق سريعة من غير أي يفط تحذيرية و من غير ميدهنوا المطبات والشوارع مضلمة، السواقة في البلد دي أصلاً بقت حاجة زبالة وتوجع الاعصاب طبعاً كلها اسبوعين تلاتة وابتدي أحس بخبط وترذيع من المساعد اليمين فعمل حسابي أني أغيره قريب معلش طولت عليكما

يرجى انتقاء الالفاظ للحفاظ على الشكل العام للمنتدى

4.48 pm
5/10/2012

الف سلامه عليك
والحمد لله انها جت فى العربيه مش فيك
ولا والظابط يقولك مش فاضى حلوه امال سيادته بيعمل ايه
قاعد بيلعب نيد فور سبيد
ربنا يطلعنا منها على خير

الحمد لله انها جت على قد كدة ....
سلامتك بالدنيا

اقتباس:

---

المشاركة الأصلية كتبت بواسطة mohammedabdallh

الف سلامه عليك
والحمد لله انها جت فى العربيه مش فيك
ولا والظابط يقولك مش فاضى حلوه امال سيادته بيعمل ايه
قاعد بيلعب نيد فور سبيد
ربنا يطلعنا منها على خير

---

شكراً يا باشا ، و الظابط كتر خيره كمل عليا و الغريبة أنه مرضيش يعملهلي ألا لما أتعصبت جامد تلاقيه طبعاً لما لقاني بزعق خاف أطلع عارف حد حاجة تقرف :crashcomputer3:

اقتباس:

---

المشاركة الأصلية كتبت بواسطة tarek_rcc

الحمد لله انها جت على قد كدة ....
سلامتك بالدنيا

---

الله يسلمك يا باشا ألف شكر على ذوقك بس هو طبعاً المساعد مش بيتصلح لما يبتدي يرشح زيت بيتغير علاطول مش كدة ؟

الف سلامه ياباشا و معلش احنا هنا فى مصر بيحطوا المطب فخ للعربيه مش وسيله لتقليل السرعه بجد انا قرفت من كل حاجه فى البلد

والله البلد بقت تقرف يا هيما في كل حاجة مش بس في الطرق الزبالة والاتمان الخرافية للعربيات و قطع غيارها يا ريت في كدة بس ده في كل مجالات حياتك وشغلك بتحس أنك في طريق مسدود أنا لما أتخرجت من الكلية كنت عمري مفكرت في السفر و كان نفسي أعمل حاجة في بلدي بس دلوقتي زهقت من البلد و من كل حاجة فيها و بقيت عايز أمشي وأسيب البلد

يا باشا الحمد لله اللي يجي في الريش بقشيش

ماندو باشا واحشنى مووووت يا صديقى
يا معلم المهم ان انت بخيروالحمدلله
وتمام انك عملت المحضر بسرعة ... انا كمان عاوز اغير المساعدين بس شكلى هتلسوع فى مبلغ وقدره
انا نفسى الاقى واحد يكون بيفهم فى العفشة يقولى ايه اللى فى العربية بالضبط

نفسى الاقى عفشجى كويس يا ولاد الحلال

حبيبى يا حودة انا هروح اجيب بلدوزر و اسويلك المطب الوحش ده بالارض هكلمك بعد الشغل
طلبك عندى يا غالى

اقتباس:

---

المشاركة الأصلية كتبت بواسطة Frozen_Pain

ماندو باشا واحشنى مووووت يا صديقى
يا معلم المهم ان انت بخيروالحمدلله
وتمام انك عملت المحضر بسرعة ... انا كمان عاوز اغير المساعدين بس شكلى هتلسوع فى مبلغ وقدره
انا نفسى الاقى واحد يكون بيفهم فى العفشة يقولى ايه اللى فى العربية بالضبط

نفسى الاقى عفشجى كويس يا ولاد الحلال

---

محمود بيه واحشني والله طب أنت إيه رأيك نجيب الاصلي بتوعها و لا بتوع الفورد ولا نجيب ال-monroe ولا koni بس هو مش أنت كنت شديت العفشة قريب تقريباً لما كنا قاعدين في سيلنترو من كام شهر كنت بتقولي حاجة زي كدة و لا كان هيما

اقتباس:

---

المشاركة الأصلية كتبت بواسطة Thebutcherr

حبيبى يا حودة انا هروح اجيب بلدوزر و اسويلك المطب الوحش ده بالارض هكلمك بعد الشغل
طلبك عندى يا غالى

---

حبيبي يا شادي تسلم يا كبير

اقتباس:

---

المشاركة الأصلية كتبت بواسطة medokassem

يا باشا الحمد لله اللي يجي في الريش بقشيش

---

شكراً يا باشا والحمدلله على كل شئ الريش مقدور عليه لكن العالم الزبالة اللي شغالين في الأقسام دول اللي يحرقوا الدم طبعاً مش كلهم بس أنا اللي حظي وحش وبقبل الوحش منهم ده حتى انهرض لما جت استلم المحضر كان الظابط اللي هناك مستفز وقليل الادب ده أنا أول مروحت باقوله كنت عمل محضر و عايز استلم صورة منه من غير ميبصلي أصلاً بيقولي بكرة و بيشوحلي ولتاني مرة أتخنقت معه وكالعادة بعد الخناقة قالي رقم المحضر كام هو قال يموت الحوار بدل معمله مشكلة بس أنا قلتلو لأ أنا هاجي بكرة عشان أشتكيك للمأمور الصبح و المحضر مش عايزه، هخدلو اجازة من الشغل وهفوقله إبن ال...... وكان سنو حوالي 45 سنة ومعلق نجمة واحدة شكله صف ظابط، ربنا يصلح حل البلد دي لحسن الواحد زهق

معلش ياباشا و الحمد لله انها جت على اد كده

اقتباس:

---

المشاركة الأصلية كتبت بواسطة mando_07

شكراً يا باشا والحمدلله على كل شئ الريش مقدور عليه لكن العالم الزبالة اللي شغالين في الأقسام دول اللي يحرقوا الدم طبعاً مش كلهم بس أنا اللي حظي وحش وبقبل الوحش منهم ده حتى انهرض لما جت استلم المحضر كان الظابط اللي هناك مستفز وقليل الادب ده أنا أول مروحت باقوله كنت عمل محضر و عايز استلم صورة منه من غير ميبصلي أصلاً بيقولي بكرة و بيشوحلي ولتاني مرة أتخنقت معه وكالعادة بعد الخناقة قالي رقم المحضر كام هو قال يموت الحوار بدل معمله مشكلة بس أنا قلتلو لأ أنا هاجي بكرة عشان أشتكيك للمأمور الصبح و المحضر مش عايزه، هخدلو اجازة من الشغل وهفوقله إبن ال...... وكان سنو حوالي 45 سنة ومعلق نجمة واحدة شكله صف ظابط، ربنا يصلح حل البلد دي لحسن الواحد زهق

---

لا ياباشا متسكتلهوش ولازم تعمل معاه الصح ولو عايز تعمل عليه نمرة حلوة هات واحد صاحبك كلمه يجي معاك بس يكون ظابط شرطة او جيش وهو هيهزقهولك صح وهيديه التمام عند المأمور بتاعه وخش فيه شمال ميهمكش احنا بعد الثورة دلوقتي اللي بنحمي اقسام الشرطة ^_^

[QUOTE=mando_07;3874561645]محمود بيه واحشني والله طب أنت إيه رأيك نجيب الاصلي بتوعها و لا بتوع الفورد ولا نجيب ال-monroe ولا koni بس هو مش أنت كنت شديت العفشة قريب تقريباً لما كنا قاعدين في سيلنترو من كام شهر كنت بتقولي حاجة زي كدة و لا كان هيما

والله يا ماندو انا لو معايا فلوس هشترى Monroe او Koni
موضوع شد العفشة ده فاكس ... العربيات دى لما تبوظ فيها حاجة مش بتتصلح شيله وركب جديد على طول
انا احتمال اروح الحرفيين يوم الجمعة لو حد عاوز يروح ممكن نتقابل ونروح مع بعض

اقتباس:

---

المشاركة الأصلية كتبت بواسطة medokassem

لا ياباشا متسكتلهوش ولازم تعمل معاه الصح ولو عايز تعمل عليه نمرة حلوة هات واحد صاحبك كلمه يجي معاك بس يكون ظابط شرطة او جيش وهو هيهزقهولك صح وهيديه التمام عند المأمور بتاعه وخش فيه شمال ميهمكش احنا بعد الثورة دلوقتي اللي بنحمي اقسام الشرطة ^_^

---

صح اديله على دماغه ... هو شكله لسه فاكر نفسه فى سنة 2010 وما قبلها

نازل الحرفيين تعمل ايه و حوكة؟

اقتباس:

---

المشاركة الأصلية كتبت بواسطة thebutcherr

نازل الحرفيين تعمل ايه و حوكة؟

---

رايح ورشة العقيد خالد علشان اشوف موضوع الاكصدام اللى كل شوية يتفك ده
عاوز اخلص من اهله لان بئا شكله رخم جدا وشوية خرابيش كده اروح المع العربية هناك ونشوف الدنيا فيها ايه
وبالمرة اخليه يقولى على حد بتاع عفشة يقولى العفشة فيها ايه