كابل شحن البطارية
انا عاوز اشتري الكابل بتاع شحن البطارية اللي بتوصل بين بطاريتك النايمة وبطارية ف عربية ثانية
كنت عاوز اعرف هل فيه انواع منه والاختيار بيتم ع اساس ايه انا شوفته ف هايبر كان بيبدا من 65 الى 110 والفرق لاحظته ف الامبير
عرض للطباعة
كابل شحن البطارية
انا عاوز اشتري الكابل بتاع شحن البطارية اللي بتوصل بين بطاريتك النايمة وبطارية ف عربية ثانية
كنت عاوز اعرف هل فيه انواع منه والاختيار بيتم ع اساس ايه انا شوفته ف هايبر كان بيبدا من 65 الى 110 والفرق لاحظته ف الامبير
انزل التوفيقيه فيه منه جاهز وفيه الكابلات وتشترى لها الكلابات وتتركب عند اى كهربائى وتحياتى
انا مشترى كابل من التوفيقية بمبلغ 45 جنيه هو كويس
الفكرة ان يجب ان يكون الكبلات محمله يعنى تخينه وليست رفيعه وده تقدر تقيمه بنفس ومقابض الطرفين تكون مغلفه ومكسيه حتى لا يتلامس مقبض بمقبض
كنت جايبه من حوالى سنتين من بنزينه. شل ب ٥٠ جنيه
شاكر جداااااااااااا لتجاوبكم الكريم
انا نزلت التوفيقية وجيبت واحد من هناك بصراحه لقيته يبدو عليه احسن نوع متوفر 400امبير ومكسية المقابض بتاعته وبصيت شكل الكابلات متين وكويس اخدته ب80بعد الفصال
طيب بمناسبه الكابل ...ممكن اعرف بيتوصل ازاى ....بمعنى اوصل الطرف الموجب بالموجب فى البطاريه التانيه و لا العكس
موجب مع موجب و سالب مع سالب
ايام ما كانت البطارية بايظة عندي فكنت دايما في حاجه الي الكابل ده علشان كده رحت اشتريه ومش عجبتني الخامه السلوك امسكها احس انها مايعه في ايدي (زي سلوك مشتركات الكهرباء الصيني ) مفيش سلك ناشف ماسك نفسه
علشان كده رحت جبت 4 متر كابل نحاس تخين ايامها كان المتر ب 25 فعملوا 100 جنيه
و اشتريت كلابات ب 10 او 20 مش فاكر
و ركبت الكلابات مع السلك بعد عذاب في تقشير الكابل و تظبيط شعر النحاس اللي فى الكابل والحمد لله بينفع كتير معايا
وبعدها غيرت البطارية ولسه شايله لحد دلوقت معايا و كتير الاقي حد عاوز وصله فافتكر اني كنت محتاج فاقف اعرض عليه اني اديله وصله من غير ما يقول
هايل وربنا مايخلينا نحتاجه خاصه فى السفر .