استفسار مهم عن فصل الكونتاكت والعربيه ماشيه

اهلا بيكوا يا اخواتى
انهارده كنت راجع صباحا على طريق اسكندريه الصحراوى وكنت نازل اسكندريه صد رد وكنت جعان جدا وكنت شايل مولتو فى درج التابلوه وقلت اطلعه كله لحسن هموت من الجوع..:grin54:
جاى بفتح التابلوه لقيتنى قافله من امبارح بمفتاح الكونتاكت اللى العربيه دايره بيه!!!:oops1:
اتصدمت لانى كنت جعان جدا :pffft: وقلقت جدا انى اقف على الجنب افتح درج التابلوه لان الطريق كان مهوى جدا :oops1:
فأتجننت وقلت مبدهاش ورحت معلى سرعة العربيه على 120 ورحت فاصل الكونتاكت وطلعت المفتاح وحطيته واحاول افتح درج التابلوه ابدااااا..مصمم على الرخامه :crashcomputer3:
وكل ده وانا ماشى فى الحاره القبل الاخيره يمين عادى جدا والسرعة بتقل بس العربيه بتجرى ومركز فى الطريق وايدى بس هى اللى بتفتح التابلوه لحد مافتحته وطلعت المولتو اخيرا :44:
ورجعت دورت العربيه تانى فوسط منا ماشى على سرعة 90 وكملت طريقى عادى

السؤال هنا..ياترى انى افصل الكونتاكت واشيل المفتاح والعربيه على سرعة عاليه وارجع اركبه تانى وادور العربيه فوسط منا على سرعة عاليه يأثر على شىء فى العربيه؟؟

اعتقد عادى

والله العظيم إحنا ما في زينا في العالم كله :)

الحمد لله على سلامتك ومولتو لذيذة عليك

أنا شخصيا لا أعرف ضرر ما فعلته على محرك السيارة أو الدوائر الكهربائية ولكن أعرف أن ما فعلته خطر ولا يجب فعله مهما كانت المبررات

ومرة تانية حمدا لله على سلامتك

اولا حمدلله على سلامتك بس معلش متعملهاش تانى لانى مرة عملتها كانت النتيجة كابل الكونتكت كلة ساح وااظطريت لتغيرة بالكامل

هو مافيش تأثير بس خطر جدا لانك ممكن تطر انك تلف يمين او شمال لاي سبب وساعتها الدركسيون هيسوكر وممكن لقدر الله تحصل حادثه

عموما حمدلله علي السلامه بس انا عندي سؤال .. هو المولتو بالشوكولا ولا فراوله ؟؟

اقتباس:

---

اعتقد عادى

---

اقتباس:

---

والله العظيم إحنا ما في زينا في العالم كله :)
الحمد لله على سلامتك ومولتو لذيذة عليك
أنا شخصيا لا أعرف ضرر ما فعلته على محرك السيارة أو الدوائر الكهربائية ولكن أعرف أن ما فعلته خطر ولا يجب فعله مهما كانت المبررات
ومرة تانية حمدا لله على سلامتك

---

:)
مرسى لرد حضرتك جدا بس بصراحة انا خفت جدا اقف على جنب وافتح الدرج يطلع حد ولا حاجة وتحصل كارثه وانا معملتش كده غير لما اتأكدت ان الطريق فاضى ومفيش لوح يوترنات قريبه
بس لو فى امان مكنتش هخاف على جنب وهكون مطمن

اقتباس:

---

اولا حمدلله على سلامتك بس معلش متعملهاش تانى لانى مرة عملتها كانت النتيجة كابل الكونتكت كلة ساح وااظطريت لتغيرة بالكامل

---

يانهااااااااار..لالا خلاص مش هعملها تانى وبلاش مولتو بقى وامرى لله :(

اقتباس:

---

هو مافيش تأثير بس خطر جدا لانك ممكن تطر انك تلف يمين او شمال لاي سبب وساعتها الدركسيون هيسوكر وممكن لقدر الله تحصل حادثه
عموما حمدلله علي السلامه بس انا عندي سؤال .. هو المولتو بالشوكولا ولا فراوله ؟؟

---

ااااااااااه صحيح..حضرتك نبهتنى لموضوع مسوجر الدركسيون ده!!!!!!!! انا مفكرتش فيه خالص..كلامك صح ده كان ممكن عربيه تطلع قدامى فجأه من اى مكان وساعتها تحصل مصيبه!!!
يا الله
اشكرك على التنبيه المهم ده

نستنى اقولك انه بالشوكولاته وكان سخن مطرح هبو الكبوت :) كأنه لسه طالع من مكنه الخبز فى المصنع :)

اممم.. و الله انا مش هافتي.. بس فيه موقف كنت راكبة ميكروباص على الدائري و السواق كان بيعلي السرعة أوي بعدين يجيب مور و يمشي بالقصور عشان يوفر بنزين.. باحكي لأخويا تقريباً حكالي عن حد كان بيفصل الكونتاكت و هو ماشي علي سرعات و ساعات لما بيبقى الطريق منحدر لتحت..

بس اعتقد ان ده خطر.. بغض النظر عن العربية خطر انك تبقى ماشي و تشيل الكونتاكت عشان الطرق المصرية مش مضمونة و ممكن في لحظة تحتاج تهدي السرعة أوي و تزودها تاني.. فبلاش لسلامتك :)

اقتباس:

---

المشاركة الأصلية كتبت بواسطة beshomilan

يانهااااااااار..لالا خلاص مش هعملها تانى وبلاش مولتو بقى وامرى لله :(



ااااااااااه صحيح..حضرتك نبهتنى لموضوع مسوجر الدركسيون ده!!!!!!!! انا مفكرتش فيه خالص..كلامك صح ده كان ممكن عربيه تطلع قدامى فجأه من اى مكان وساعتها تحصل مصيبه!!!
يا الله
اشكرك على التنبيه المهم ده

نستنى اقولك انه بالشوكولاته وكان سخن مطرح هبو الكبوت :) كأنه لسه طالع من مكنه الخبز فى المصنع :)

---

اي خدمه ياباشا والف هنا وشفا علي المولتو ابو شوكولاته :beat4:

اعتقد كمان دواسة الفرامل ممكن تحجر

اكبر غلط وياريت ماحدش يجربها لييييييييييه لأن حضرتك لو فصلت الكونتاك والعربيه ماشيه دا عادى اما لو فصلت الكونتاك وطلعت المفتاح هنا مكمن الخطور ليييييييييه لأن حضرتك لو قفلت الكونتاك وطلعت المفتاح بكده حضرتك بتسوجر الدريكسيون وممكن تلبس فى اى حاجه لقدر الله ومش حتعرف تروح منها لا يمين ولا شمال....*

مجرب الموضوع ده كتير والله وخصوصا درج الاكسيل ماقولكش على سهولة قفله وفتحه هههههههههههه المهم تنجز الموضوع بسرعه لان الفرامل هتحجر معاك والمسوجر بتاع الدركسيون هيقفل من اققل حركة يمين وشمال

بعض الناس نسى حاجه مهمه جداً واللى هى تحجيرة الفرامل ^^

الفرامل بتحجر لما بتبطل العربيه ولا قدر الله ممكن تعمل مصيبه :(

والف هنا للمولتو يا لذيذ يا رايق :d

فية عربيات ممكن تشيل المفتاح من الكونتاكت والعربية تفضل شغالة

انا كنت بشغل العربية واخد المفتاح واطلع ههههههه الناس تيجي جمب العربية وتستغرب !

الي بيحصل
1- لو حودت الدريكسيون وقفل منك وفيه ملف
2-لو دوست علي الفرامل 3-4 مرات ورا بعض هتلاقيها حجرت وحصلت معايا قبل كده بطلت وانا مش واخد بالي اتزنقت في الفرامل قيتها خلاص هتحجر قمت دايسها وشادد الهند والحمد لله لحقت نفسي

اقتباس:

---

اعتقد كمان دواسة الفرامل ممكن تحجر

---

فعلا انا كنت عارف انها هتحجر بس كنت مطمئت الى حدا ما لان الطريق كان فاضى جدا

دي كارثة .

أولا أنت بتسوجر الدريسكيون .
ثانيا أنت بتفصل الفرامل .

اقتباس:

---

اكبر غلط وياريت ماحدش يجربها لييييييييييه لأن حضرتك لو فصلت الكونتاك والعربيه ماشيه دا عادى اما لو فصلت الكونتاك وطلعت المفتاح هنا مكمن الخطور ليييييييييه لأن حضرتك لو قفلت الكونتاك وطلعت المفتاح بكده حضرتك بتسوجر الدريكسيون وممكن تلبس فى اى حاجه لقدر الله ومش حتعرف تروح منها لا يمين ولا شمال....*

---

كلام حضرتك صح جدا وانا فاتت عليا دى للاسف والحمد لله انى افتكرتها لما حكيتلكوا الموضوع

اقتباس:

---

مجرب الموضوع ده كتير والله وخصوصا درج الاكسيل ماقولكش على سهولة قفله وفتحه هههههههههههه المهم تنجز الموضوع بسرعه لان الفرامل هتحجر معاك والمسوجر بتاع الدركسيون هيقفل من اققل حركة يمين وشمال

---

ااااااااااه وانا جعان اووووووووووى ومش قادر استنى ساعتين لما اوصل وعايز الهط علطول :)
كنت هضحى بحياتى فى سبيل الطفاسه

اقتباس:

---

بعض الناس نسى حاجه مهمه جداً واللى هى تحجيرة الفرامل ^^

الفرامل بتحجر لما بتبطل العربيه ولا قدر الله ممكن تعمل مصيبه :(

والف هنا للمولتو يا لذيذ يا رايق :

---

فعلا..يارب يخليك وربنا يرزقك بصندوق مولتو بس للاسف شاحح من السوق زى مايكون مخدرات :)

اقتباس:

---

فية عربيات ممكن تشيل المفتاح من الكونتاكت والعربية تفضل شغالة

انا كنت بشغل العربية واخد المفتاح واطلع ههههههه الناس تيجي جمب العربية وتستغرب !

---

لا ياعم انا استخسر البنزين ده كله :d

اقتباس:

---

الي بيحصل
1- لو حودت الدريكسيون وقفل منك وفيه ملف
2-لو دوست علي الفرامل 3-4 مرات ورا بعض هتلاقيها حجرت وحصلت معايا قبل كده بطلت وانا مش واخد بالي اتزنقت في الفرامل قيتها خلاص هتحجر قمت دايسها وشادد الهند والحمد لله لحقت نفسي

---

انا عارف بس رغبه الاكل ساعتها كانت اقوى من عقلى الصغير فعشان كده اتهورت :)

اقتباس:

---

دي كارثة .

أولا أنت بتسوجر الدريسكيون .
ثانيا أنت بتفصل الفرامل .

---

منا خلاص اتعلمت انى هحط المولتو جنبى بعد كده :d

الحمد لله على سلامتك

!!!!!!!!:unhappy:
اللى انت عملته ده أخطر حاجة على حياتك : أولا الدركسيون هيسوجر و مش هتعرف تلف شمال و لا يمين حتى و لو 1 سم , و تانى حاجة فرامل العربية مش هتشتغل معاك زى الطبيعى لان ماستر الفرامل مبيكونش شغال . أحمد ربنا انها عدت على خير , و اياك تعمل كده تانى : ده ممكن يؤدى الى ما لا يحمد عقباه لو طلعتلك قطة حتى مش عربية امامك.

يا راجل حرام عليك الحمد لله جت سليمة انت ناسي ان ممكن لاقدر الله الدركسيون يسوجر او الفرامل تقفش و العربية مبطلة يعني الاتنين اخطر من بعض .. استحمل الجوع لان غباء الاخرين ما بيستحملش حد ممكن حد يقف قدامك او يكسر عليك ساعتها لا هتفرمل و لا هتنقل لحارة تانية

اقتباس:

---

!!!!!!!!:unhappy:
اللى انت عملته ده أخطر حاجة على حياتك : أولا الدركسيون هيسوجر و مش هتعرف تلف شمال و لا يمين حتى و لو 1 سم , و تانى حاجة فرامل العربية مش هتشتغل معاك زى الطبيعى لان ماستر الفرامل مبيكونش شغال . أحمد ربنا انها عدت على خير , و اياك تعمل كده تانى : ده ممكن يؤدى الى ما لا يحمد عقباه لو طلعتلك قطة حتى مش عربية امامك.

---

اقتباس:

---

يا راجل حرام عليك الحمد لله جت سليمة انت ناسي ان ممكن لاقدر الله الدركسيون يسوجر او الفرامل تقفش و العربية مبطلة يعني الاتنين اخطر من بعض .. استحمل الجوع لان غباء الاخرين ما بيستحملش حد ممكن حد يقف قدامك او يكسر عليك ساعتها لا هتفرمل و لا هتنقل لحارة تانية

---

كلامكم صح واوعدكم هبطل طفاسه بعد كده لانها السبب فى اللى انا عملته :(