استفسار مهم عن فصل الكونتاكت والعربيه ماشيه

**beshomilan** · 05-10-2012 07:21 PM

اهلا بيكوا يا اخواتى
انهارده كنت راجع صباحا على طريق اسكندريه الصحراوى وكنت نازل اسكندريه صد رد وكنت جعان جدا وكنت شايل مولتو فى درج التابلوه وقلت اطلعه كله لحسن هموت من الجوع..
جاى بفتح التابلوه لقيتنى قافله من امبارح بمفتاح الكونتاكت اللى العربيه دايره بيه!!!
اتصدمت لانى كنت جعان جدا وقلقت جدا انى اقف على الجنب افتح درج التابلوه لان الطريق كان مهوى جدا
فأتجننت وقلت مبدهاش ورحت معلى سرعة العربيه على 120 ورحت فاصل الكونتاكت وطلعت المفتاح وحطيته واحاول افتح درج التابلوه ابدااااا..مصمم على الرخامه
وكل ده وانا ماشى فى الحاره القبل الاخيره يمين عادى جدا والسرعة بتقل بس العربيه بتجرى ومركز فى الطريق وايدى بس هى اللى بتفتح التابلوه لحد مافتحته وطلعت المولتو اخيرا
ورجعت دورت العربيه تانى فوسط منا ماشى على سرعة 90 وكملت طريقى عادى

السؤال هنا..ياترى انى افصل الكونتاكت واشيل المفتاح والعربيه على سرعة عاليه وارجع اركبه تانى وادور العربيه فوسط منا على سرعة عاليه يأثر على شىء فى العربيه؟؟

**dr.hany** · 05-10-2012 07:38 PM

اعتقد عادى

**Dr.Mostafa Anwar** · 05-10-2012 07:41 PM

والله العظيم إحنا ما في زينا في العالم كله :)

الحمد لله على سلامتك ومولتو لذيذة عليك

أنا شخصيا لا أعرف ضرر ما فعلته على محرك السيارة أو الدوائر الكهربائية ولكن أعرف أن ما فعلته خطر ولا يجب فعله مهما كانت المبررات

ومرة تانية حمدا لله على سلامتك

**hatsat** · 05-10-2012 07:45 PM

اولا حمدلله على سلامتك بس معلش متعملهاش تانى لانى مرة عملتها كانت النتيجة كابل الكونتكت كلة ساح وااظطريت لتغيرة بالكامل

**hassanin_lada** · 05-10-2012 07:47 PM

هو مافيش تأثير بس خطر جدا لانك ممكن تطر انك تلف يمين او شمال لاي سبب وساعتها الدركسيون هيسوكر وممكن لقدر الله تحصل حادثه

عموما حمدلله علي السلامه بس انا عندي سؤال .. هو المولتو بالشوكولا ولا فراوله ؟؟

**beshomilan** · 05-10-2012 07:48 PM

اعتقد عادى

والله العظيم إحنا ما في زينا في العالم كله :)
الحمد لله على سلامتك ومولتو لذيذة عليك
أنا شخصيا لا أعرف ضرر ما فعلته على محرك السيارة أو الدوائر الكهربائية ولكن أعرف أن ما فعلته خطر ولا يجب فعله مهما كانت المبررات
ومرة تانية حمدا لله على سلامتك

:)
مرسى لرد حضرتك جدا بس بصراحة انا خفت جدا اقف على جنب وافتح الدرج يطلع حد ولا حاجة وتحصل كارثه وانا معملتش كده غير لما اتأكدت ان الطريق فاضى ومفيش لوح يوترنات قريبه
بس لو فى امان مكنتش هخاف على جنب وهكون مطمن

**beshomilan** · 05-10-2012 07:52 PM

اولا حمدلله على سلامتك بس معلش متعملهاش تانى لانى مرة عملتها كانت النتيجة كابل الكونتكت كلة ساح وااظطريت لتغيرة بالكامل

يانهااااااااار..لالا خلاص مش هعملها تانى وبلاش مولتو بقى وامرى لله :(

هو مافيش تأثير بس خطر جدا لانك ممكن تطر انك تلف يمين او شمال لاي سبب وساعتها الدركسيون هيسوكر وممكن لقدر الله تحصل حادثه
عموما حمدلله علي السلامه بس انا عندي سؤال .. هو المولتو بالشوكولا ولا فراوله ؟؟

ااااااااااه صحيح..حضرتك نبهتنى لموضوع مسوجر الدركسيون ده!!!!!!!! انا مفكرتش فيه خالص..كلامك صح ده كان ممكن عربيه تطلع قدامى فجأه من اى مكان وساعتها تحصل مصيبه!!!
يا الله
اشكرك على التنبيه المهم ده

نستنى اقولك انه بالشوكولاته وكان سخن مطرح هبو الكبوت :) كأنه لسه طالع من مكنه الخبز فى المصنع :)

**magic girl** · 05-10-2012 07:52 PM

اممم.. و الله انا مش هافتي.. بس فيه موقف كنت راكبة ميكروباص على الدائري و السواق كان بيعلي السرعة أوي بعدين يجيب مور و يمشي بالقصور عشان يوفر بنزين.. باحكي لأخويا تقريباً حكالي عن حد كان بيفصل الكونتاكت و هو ماشي علي سرعات و ساعات لما بيبقى الطريق منحدر لتحت..

بس اعتقد ان ده خطر.. بغض النظر عن العربية خطر انك تبقى ماشي و تشيل الكونتاكت عشان الطرق المصرية مش مضمونة و ممكن في لحظة تحتاج تهدي السرعة أوي و تزودها تاني.. فبلاش لسلامتك :)

**hassanin_lada** · 05-10-2012 07:57 PM

المشاركة الأصلية كتبت بواسطة beshomilan

يانهااااااااار..لالا خلاص مش هعملها تانى وبلاش مولتو بقى وامرى لله :(

ااااااااااه صحيح..حضرتك نبهتنى لموضوع مسوجر الدركسيون ده!!!!!!!! انا مفكرتش فيه خالص..كلامك صح ده كان ممكن عربيه تطلع قدامى فجأه من اى مكان وساعتها تحصل مصيبه!!!
يا الله
اشكرك على التنبيه المهم ده

نستنى اقولك انه بالشوكولاته وكان سخن مطرح هبو الكبوت :) كأنه لسه طالع من مكنه الخبز فى المصنع :)

اي خدمه ياباشا والف هنا وشفا علي المولتو ابو شوكولاته