الموضوع: كل اللى معاه سيراتو ياريت يدخل ؟؟؟

بسم الله ماشاء الله حاجة جميلة انة ينضم لينا واحد فاهم زى حضرتك

ممكن حضرتك تقولى الجنط الفيرانى بتاع الكوبية جبتة بكام ومقاس الكاوتش كام على شان ناوى اغير ان شاء الله بس خايف اندم لأنى حاليا جنط 15 اية رأى حضرتك؟

وربنا يسترها معاك فى السفر ان شاء الله

المشاركة الأصلية كتبت بواسطة romeldes

بص هقول لحضرتك حاجه هو غالبا لو كاوتشك كويس وهتبدل وهتدفع فرق فى كاوتش كويس بيقى فى رنج من 1500 الى 2000 جنيه حسب حاله الجنط والكاوتش اللى هتشتريه لانك بتدخل مستعمل فى مستعمل اما عن مقاس الكاوتش فأوعى تسمع كلام اى يقولك غير مقاس الكاوتش حتى لو بتاع الكاوتش نفسه عن تجربه جبت كاوتش اعرض بهدلى العفشه فالمقاس الطبيعى هو 215 على 45 واى حاجه غير كده لا يفضل انك لما تدخل الجنط فى الجنط التانى انك تدخل جنط وكاوتش فى جنط وكاوتش اما عن الجنط الكوبيه اللى معايا مشكلته انه قليل بس لو عايز سيراتو عادى او سيراتو كوبيه الاسود فى فضى ممكن اسألك عليه لانه موجود بكثره وهحاول اشوف حد يخدمك فيه اما عن جبطك ال 15 فهو مش حلو خالص خصوصا لو كان عليه الكاوتش النيكسون اللى بينزل مع العربيه كاوتش زباله بمعنى الكلمه لو عايز تغير جنط يبقى يا 16 ياما 17 تفرق فى ايه
ال 16 مريح جدا للعفشه لو كان معاه كاوتش كويس طبعا عن تجربه وال 17 شكل ومنظر وثبات نظرا لانه اعرض من ال 16وحاسس انه العربيه بتسحب كويس بيه عن ال 16 وال 15 لانى كنت 15 فركبت كل الجنوط وطبعا الاصلى اما عن موضوع البلالين والكالو اللى بتطلع فى الكاوتش فلو انت من النوع اللى بيجرى ومش فارق معاه بقى بلاعه فنقره فى مطب صغير بلاش لو هتكون حريص شويه عليك بال 17 عن تجربه ولو حابب تجرب عربيتى انا فى الخدمه
واسف للاطاله ولو فى اى حاجه او استفسار انا فى الخدمه

بص حضرتك انا حالة غريبة شوية انا معايا سيراتو 2010 ولما استلمتها جيت بعد فترة كنت مستغرب شكل الجنط بس ماجاش فى بالى خالص ان ممكن يكون لعب فى الجنط المهم اكتشفت ان الجنوط الى فى العربية جنوط تيوتا والله زى مابقولك كدة وكان عليها لازقة كيا (شوفت قلة الضمير عند الناس) بس الغلطة غلطتى انا ماشيكتش كويس وانا بستلم المهم الحمد لله الجنط طلع اصلى والى حد ما مريح العفشة عندى بس لما بكون معايا ناس على الكنبة ورا العربية بتكون واطية جدا
وغير كدة العربية شكلها ملفت للنظر شوية نظرا للجنط التيوتا أللى عليها المهم قررت اغير بجنط 16 كيا وان شاء الله هادخل جنط وكاوتش فى جنط وكاوتش .
بس على فكرة فى اجماع هنا على ان انسب مقاس للجنط ال 16 هوة 205-55
اخيرا انا محتار جدا بين شكل وثبات الجنط ال17
ونعومة الجنط ال 16 مع العفشة
فتنصحنى اعمل اية بالظبط