بسم الله ماشاء الله ربنا يبارك
عرض للطباعة
بسم الله ماشاء الله ربنا يبارك
ربنا يباركلك ف العربية ماشاء الله
اخيرا لقيت حد بيجرينى ف العداد بدل ماكنت فاكر نفسي مخلوق فضائى
سؤال بس انتا مجبتش سيرة لتغير زيت الفتيس ليه ؟ معقول مغيرتوش قبل كده
وياريت بس توضيح ايه الفرق بين المساعدين للالنترا والسيراتو
يعنى بخصوص الطول والاحساس وتركيبههل فيه اى تعديل وخصوص الخلفى لان اعتقد ان الالنترا مساعدينها الخلفية خارج السوست ولا متهيألى ؟
زيت الفتيس غيرته مرتين والمرتين زيت فتيس موبيل اول مره فى موبيل جامع الدول والتانيه فى موبيل الشيخ زايد
اما عن الفرق فى المساعدين فمساعد السيراتو ناشف شويه عن الالنترا والاحساس بتاع الالنترا احسن يعنى بياخد ويدى احسن من سيراتو اما عن الخلفى فهو كويس عندى لان نادرا لما بركب حد ورا وقريبا هغيره علشان كفاه عليه كده واقولكم تجريبتى معاه
مساعدين الالنترا الاصلى ب 750 اما عن الجلب 150 جنيه واما عن ارتفاع السياره ارتفعت اما عن المصنعيه فا بتفرق من واحد للتانى اانا عن نفسى غيرت الحاجت دى ب 70 جنيه وطبعا نظرا لانى انا من النوع اللى بيدقق اوى فحسيت بفرق بين المساعدين اللى جايين مع العربيه واللى ركبتهم
معلش بس سؤال مهم اوى
انتا عرفت منين انها عليت
اصل الموضوع ده مش سهل يعنى اعلى العربية اصل كده هيلغى كل الموضوع تقريبا
وبعدين متهيألى المشكلة عندنا ف ورا علشان النطة مش قدام
انتا دلوقتى بقو عندك قدام طرية وطويلة وخفيفة وورا ناشفة وقصيرة ،، مش عارف ليه حاسس بكارثة بس ربنا يستر طريقك
موضوع جميل، انا معايا سيراتو كوبيه و مش عارف اذا كانت اسعار الفلاتر و قطع الغيار نفس السعر ؟