كنت فى السوق السيارات وده ال شفتو هناااك من اسعار وبنى ادمين
"]السلام عليكم ورحمة الله وبركاته
النهارده كنت فى السووووق عشان اشترى عربيه للحج (ابويا)
نزلت ولفيت واتفرجت شفت حاجات كتير
اولاً السوووق كان فيه بيع وشراء يعنى قدامى فى ناس كتير مخلصه فى عربيات كتير
ثانياً السوووق كان فيه ناس عبيطه كتير الحمدلله العربيه بتاعته اخره 50 يبعها ب 70 ويقولك مش عجبك متشتريش
ثالثاً التجار محتلين السووووق جداً لدرجة انى لئيت تجار بنات وستات :blabla: وتقف وتقولك دى مش راشه يا استاذ ودى مش عارف ايه ؟؟؟ وكان فيه منهم ال بيقوحو عشان بيشترو تقووولو دى مغيره كذا ومش مغيره كذا وتلاقى ضحك و استعفر الله العظيم :B4_039:
رابعاً انا كنت نازل اجيب عربيه فى حدود 50000 ج.م ولئيت عربيات كالتالى
اولاً
نيسان صنى موديلات التسعينات من 40 ل 50 الف حسب الحاله
نيسان صنى بدايات ال 2000 تلائئها بتوصل ل 66 الف
نيسان صنى فما فووووق لحد 2012 من 70 ل 96 الف
ميتسوبيشى معجبنيش غير عربيه لانسر 2001 مرفوعه 4 سنين و 80الف كيلو بس لئيتها ب 56 الف
مسألتش على ميتسوبيشى تانى غير دى
شفت الاسبيرانزا A516 من اول 2007 ل 2011
2007 بتعمل 45
2008 // 47
2009 // 48-49
2010 فى واحد طالب فيها 55 ومش راضى ينزل جنيه وواحد طالب 48 وال طالب 50
2011 من اول 49 ل 55 موجود
شفت كورولا 2002 عامله حادثه ومشدوده بعد الحادثه مبوظه اكصدام وجنب يمين بس اتشدو ب 48 الف جنيه الصراحه كانت مشدوده كويس بس قولتله هلف وارجعلك لئيته مشى
شفت bmw 318 موديل 1989
1800cc فابريكه جوه وطقم سماعات وفرش وجنوط وكلام من ده ب 48الف جينه
شقت مرسيدس 190 موديل 1983 ب 65 الف جينه كنت هضرب الرجل
فى عربيه صينى اشبه التريوس بس اكبر سنه العلامه بتاعتها Z
لئتها 2012 اوتوماتيك بلزقاتها ب 50000 جنيه
شفت فيكترا 2000 ممتازه الحقيقه ب 54000
فى واحد قريبى جاب صنى 2011 ب 78000
وبس مشفتش حاجه تانى
ويا ريت يا جماعه لو فى حد من المنتدى عنده عربيه فى حدود 50000 موجود فى القاهره وبيبيع يعرفنى يا ريت عشان ابئا ضامنه وشكراً
