بفكر اشتري اللوجان او السنديرو بس حابب اعرف ايه نظام الصيانة في و الوكيل و اسعار قطع الغيار
ياريت لو حد معاه العربية يكتب مثلا صيانة ال كذا كيلو دفع كام و عملو ايه في الصيانة دي
و يا جماعة لو مقارنة بين اللوجان و الساجا و الافيو مين يكسب ؟؟؟
عرض للطباعة
بفكر اشتري اللوجان او السنديرو بس حابب اعرف ايه نظام الصيانة في و الوكيل و اسعار قطع الغيار
ياريت لو حد معاه العربية يكتب مثلا صيانة ال كذا كيلو دفع كام و عملو ايه في الصيانة دي
و يا جماعة لو مقارنة بين اللوجان و الساجا و الافيو مين يكسب ؟؟؟
اولا بالنسبة لسؤال المقارنة بين اللوجان و الساجا و الافيو فطلع الافيو من المقارنة تماما
الصيانات كل 5000 كيلو بتبقى صيانات مجانية بيتم فيها الكشف على العربية و تربيط العفشة
الصيانات ال10000 بتختلف فمثلا:
صيانة ال10000 في المانيوال بتكلف حوالي 480 جنيه و الاوتو 550 جنيه
بيتم فيها تغير زيت توتال 10000 و فلتر زيت و كشف على السيارة و تربيط عفشة
صيانة ال20000 في المانيوال بتكلف حوالي 780 جنيه و الاوتو 855 جنيه
بيتم فيها تغير زيت توتال 10000 و فلتر زيت و فلتر هواء و بوجيهات و كشف على السيارة و تربيط عفشة
و هكذا تتكرر صيانة ال30 تبقى بنفس ثمن ال10000 و ال40 بنفس ثمن ال20
اولا متشكر جدا على ردك و معلش اتقل عليب ببعض الاسئلة
دلوقتي حضرتك بتقول شيل الافيو من حساباتك ده علشان ايه بالظبط ؟ انا دخلت المنتدى بتاعها و شايف ان في ناس بتشتكي فعلا بس مش قادر احدد اذا كانت دي شكاوى جماعية و لا حالات فردية
بالنسبة لقطع الغيار بتاعة اللوجان الناس بتقول انها غالية هل الموضوع ده اتحل و الدنيا ظبطط و لا لسة
كمان سعر اعادة البيع بتاعها ايه نظامو
و اخيرا لو هاجيب لوجان مانيوال اجيبها منين ؟ و هل هى موجودة و لا ها احجز و استنى كتير و هل في فرق بين اللوجان و السانديرو غير الشكل ؟؟
اسف على الاطالة و لك جزيل الشكر
يا باشا كلنا هنا تحت امرك
الافيو انت و حظك في ناس مبتقابلهاش مشكلة معاها خالص و بتبقى مستريحة معاها (و دول للاسف مش كثير) و ناس كثيييييييييييير بيكرهوا اليوم اللي فكروا فيها من الاصل ناهيك بقى عن ان منصور باشا طول مانت رايحلو في صيانات دورية بدون مشاكل الدنيا هتبقى معاك زي الفل لكن لو في مشكلة متحطش امل كبير انو هيحلها بدون قلق و ممكن علشان تطمن اكثر ادخل اسأل عنها في منتدى شيفروليه
قطع الغيار بتاعة اللوجان بقت موجودة برة جديد و استيراد و اصلي و تقليد و الدنيا زي الفل و حتى في التوكيل متعتبرش غالية يعني مثلا الفانوس الخلفي اصلي ب 200 جنيه و الديبو التايواني ب 180 جنيه و الامامي بحوالي 480 او 500 جنيه
فانوس الالتو الخلفي ب450 جنيه
الاكصدام الخلفي ب660 جنيه
المساعدين بقى موجود منها مونرو امامي الجوز ب660 جنيه و الخلفي ب 600
و الاصلي هسألك عليهم و ارد عليك
تيل الفرامل بالضريبة و التركيب ب 330 جنيه و هو هو بتاع الكليو 2 يعني هتلاقيه بره
و قيس على كدة بقى
سعر اعادة البيع بتاعها بقى ممتاز لأنو بقى زي الفيرنا و الانوس دلوقتي
العربية المانيوال مش هتتعب علشان تجيبها زي الاوتو دور في محمد زكي و السبع و ابعد تماما عن المصرية
و اللوجان و السانديرو هما هما اختلاف شاسيه فقط مش اكثر