الموضوع: صيانة عافشة نوبيرا 2

الحمد لله انهارده عملت العفشة و عامل ليكم تقرير صغير كدا بالى اتعمل
اولا دا الى اتغير :

2 بطاحة gm ب 220 جنية

2 جلبة صغيره GM 75

2 جلبة كبيرة فورد المانى 100 " سعرهم 90 بس مرضيش يبيعهم لوحدهم وكنت مزنوق فى الوقت قديتة فلوس زياده عشان يطلعهملى من طقم"

2 صدادة مساعد 30

2 تيش ميزان 80 CTR

2 كاوتش ميزانGM 30 جنية

2 بيض طرف CTR 70

1 شداد امامى كورى 60

قطع الغيار جبتها من عند كذا محل " ابو الحسن - المنير - محل كمان مش فاكر اسمه فى التوفيقيه - الصدادات من الزقازيقى فى التوفيقية "

دى الحجات الى اتغيرت سعر التيش والبيض مش متاكد منه عشان الاسعار دى من الذاكره

رحت انهارده للعفشجى الساعه 11 وابتدى شغل فى العربيه وخلصنا على 3


تعليقاتى على الشغل الى تم
فيه حاجة انا مش مقتنع بيها
انى حاسس ان البطحات مكانش ليها اى لازمه تتغير !:(
لان بطاحة طالع خارجيا سليمة تماما وواحده فيه شوية كاوتش متشال منها
فهل البطاحه فيها جزء داخلى بيبوظ ولا بواظنها ظاهرى فقط
ودى صور البطاحات








ثانيا موضوع تعديل الجلب دا انا متفائل بيه
لان شكل الجلبة الفورد متين وحاسس انها متصنعه بنضافة وبإذن الله تعمر
ودى صور الجلب القديمة والجديدة الفورد وصور العلبة بتاعتها








الجلب القديمة








البيض الطرف كان طالع من العربيه شبة منتهى وكان خشن
وتيش الميزان كان قريب الشحم ينشف منه خالص وكان البيض الى فيه ناشف شوية




كاوتش الميزان كان مقطوع حته منه

الشداد الامامى كان بايظ برده على الاخر

دى صور صدادات ركبها "هى كانت 4 عقل بس قطع منها اخر عقلة " انا مش عارف هو ليه مركبهم بس هو قالى عشان المساعد ميتكبسش على الاخر





تعليقاتى على العفشه بعد ما اتغيرت
طبعا بقت انعم بكتير و كان فيه صوت تخبيط اختفى والحمد لله وكان بيظهر فى اى نقر و صوت صوصوه مع اى طريق فيه على وواطى
العربيه الدركسيون بقى انعم وحركتة سلسة اكتر


رحت بعد كدا على سمير بيومى والحمد لله بعد طول عناء وبحث وإنتظار ركبت طقم Kumho Ecsta SPT R14/65/185
الاربع فرد عملوا 1480 جنية شامل التركيب والترصيص وبلوف جديده
الاربع فرد كانو منتهين وولا فرده نفعت تتعمل حتى إستبن :((


ركبت الكاوتش وطلعت على fit&fix فى الجيزه لاقيت بتاع الزوايا اجازه الجمعة رحت رايح على الفرع الى فى بنزينة Total فى اول الهرم
عملت الزوايا ودفعت 60 جنية
وإن كنت غير مقتنع وحاسس ان فيه حدفه " ازى اتاكد انها اتزبطت "
وغالبا هروح ليهم تانى اراجع عليها


انا عاوز اعرف تكلفة تغيير الحاجات دى كام " مصنعية العفشجى والخراط "

هو اخر بوست دا invisible

انا حاطط صور العلبة بتاعة جلب الفورد عشان تحيب زيهم
الجلب الصغيره جيبها gm
البطاحات انا جبتهم من ابو الحسن ب 110 الواحده وممكن تجيبها من عزيز سليمان فى التوفيقية
وهى لو مشققة يبقى ابتدت خلاص تبوظ

انا والله مش فاكر انا دفت ليه كام بس كان تقريبا 200 جنية

اتكل على الله الحمد لله زى الفل لحد دلوقتى