-
انا اتهزقت قوى يا رجاله
النهارده من حوالى ساعه
التليفون جاتلى رساله عليه عشان كان مقفول ان فيه رقم اتصل بيا
اتصل عليه
يقوللى هذا الرقم غير موجود بالخدمه
مرة تانى مشغول
المرة التالته رساله كأن التليفون شغال جوال فى بلد عربى ان الجوال مش عارف ايه كده
كبرت دماغى و خلاص
و قلت اللى عايزنى يكلمنى
شوية لقيت نمرة دولى
بس كود غريب اكتشفت انه فرنسا
و برضوا قبل ما احكى اللى حصل
دخلت على النت لقيت ان ده موقع بيحول مكالمات صعب تتبعها و بسعر رخيص و بيستخدم كتير فى دول الخليج
مش دى المشكله
رديت لقيت واحد من لهجته مصرى
مهندس محمد طنانى
ايوه
انا زميل معاكم فى نايل موتورز
اهلاً و سهلاً
تحت امرك
بس كده
و ادانى مخلاش
شوية شتايم عجب
و قلة ادب و سفاله
و انا نصاب
و حمار
و ابن و ابن و ابن
و ربنا ينتقم منى و انا مش هاسيبك و هاسلط عليمك اللى يضربك و يكسرك و يخليك مش راجل
و من النوعية دى كتير قوى
و انا فى المكتب و معايا ناس
لا عارف ارد
و من عصبيتى مش عارف اقفل الخط
و بعد ما الناس مشتيهم لأنى مش عارف اشتغل
باحاول اتصل بالنمرة لغاية ما اكتشفت الطريقة دى
يعنى لا يمكن تتبعه او معرفته
بجد انا محروق دمى قوى
قوى
قوى
مين ده
و ليه
و انا عملتله ايه او لأى حد تانى
حتى لو غلطت فى رأي او مشورة او نصيحه لحد
مش هيكون جزائى كده
انا ..............
-
ما يلفظ من قول إلا لدية رقيب عتيد
قول
حسبى الله ونعم الوكيل وهدى نفسك
-
ارمى ورا ظهرك
لو كان راجل كان طلعلك من تليفونه
-
لو كل كلب عوى القمته حجر لصار للحجر مثفال دينار .
كبر دماغك وياما هتشوف سفاله في حياتك , انت مسئول عن تربيتك واخلاقك ومش مسئول عن تصرفات الناس .
-
معلش يا أستاذ محمد دا حاجه من الأتنين مالهاش تالت يا حد منفسن (الغالب) أو حد حصل بين حضرتك و بينه سوء تفاهم
لكن هي علي الوجهين هي حاجه تضايق لأنك من الأشخاص اللي بتبقي عايزه تفيد و ده أنا حاسه في كلامك علي المنتدي و كمان أتشرفت قبل كده بمكالمتك و سألت علي صنايعي التكييف و حضرتك شخص ودود و بتحب تخدم فعلا
و إنت محبوب من المعظم فلازم تلاقي حد مش مبسوط من ده
بالتوفيق بعون الله
-
هدي نفسك بس..ايه اللي حصل عشان يشتم !!!؟؟؟
في ايه
اكيد في سبب
-
لو مسكت فى كلام واحد زى ده يبقى العيب فينا إحنا مش فيهم .. والرجاله الصح .. بتعمل على طول مابتقولش أنا عايز أعمل ... فوكك منه يا ريس دى عالم مريضه أنا إتعاملت مع الأشكال دى كتير و ماحدش بيعمل حاجه فى الأخر :)
-
يا باشا كبر دماغك
انا و الله لما بيجيلى مكالمات معاكسات او واحد يكلمنى يقولى انت مين مثلا اقوله حضرتك اللى طالب و بتسألنى انت مين الاقيه ابتدى يهبل فى الكلام بقوم سايب الموبايل مفتوح و حاطه جمبى و هو بقى يهاتى مع نفسه و كل ما يقفل و يكلمنى تانى افتحه و احطه جمبى و اسيبه يكلم نفسه برضه لحد ما يحس ان مفيش امل انى اسمعه اصلا ..
حضرتك بتحاول تخدم الناس و حتى لو غلطت فى معلومة مش مشكلة يعنى كلنا بنغلط و بعدين حضرتك مش مسئول ان كل كلمة بتقولها تبقى صح .. يعنى حضرتك مش فى محاضرة مثلا و لا بتشرح لحد فيجى يقولك انت قولتلى كلام غلط .. الناس بتحاول تفيد على قد ما تقدر و اكيد محدش هيكون فى نيته انه يتسبب فى اذية لشخص تانى
كبر دماغك يا باشا و مفيش حاجة ان شاء الله و طالما حضرتك مغلطتش فـ ان شاء الله الكلام ده كله هتاخده من حسناته يوم القيامة
-
سيبك منه
ولا تحرق دمك ولا حاجة
فعلا تكلم حتي اراك وهو اتكلم
واظن انت عرفت هو ايه ..
-
ولا تشغل بالك يا استاذ طنانى انت بتقول نصيحتك او مشورتك لله
Content Relevant URLs by
vBSEO 3.6.0 PL2