ساعدونى عاوز اشترى بريليانس v5 و متردد

**robien_hood** · 06-10-2012 03:11 AM

ساعدونى عاوز اشترى بريليانس v5 و متردد هل حد اشتراها أو جربها أو عارف اسعار قطع الغيار

**said.d.y** · 06-10-2012 09:30 AM

الحقيقة وانا كمان زيك ومتردد، رغم انى رحت شفتها لغاية دلوقتى 3 مرات وبقالى اسبوع عايش على النت معاها؟
وسعرها هو مشكلتها الكبيرة، علشان بيدخلك فى شريحة عالية تخليك تفكر فى بدايل كتيييييييييير
136 الف جم هتتطر تقارن مع الالنترا والنيسان والهوندا واللانسر والكيا،،،،،،،الخ
الحقيقة انا لما فكرت قبل كدة فى التيجو محترتش قوى ، لان مكنش في عربية فى سعرها وقريبه من مواصفاتها (لانوس، فيرنا، افيو)، وعلشان كدة قبلت المغامرة شوية، يعنى قبلت اركب صينى مقابل فرق السعر، والحمد لله موش ندمان!
وكمان الاسبيرنزا وكيلها قوى رغم السلبيات الموجودة، ومراكز الخدمة وحتى المعارض كتيييييييير، وكل خلق الله بقت بتشتغل فى قطع غيارها وتصليحها، واعادة بيعها معقولة جداً.
لاكن معلوماتى عن البريليانس ان مفيش غير مركز صيانة واحد فى القطامية، وحتى المعارض بتاعة الوكيل معرض واحد بطريق المطار(بخلاف موزعين محدودين).
علشان كدة محتار فى التغيير؟؟؟
واستقرت على انى استنى 3-4 شهور لغاية ما حد يجربها حتى لو اتحملت زيادة فى السعر بعد كدة، بس اكون مطمن(136الف جم موش قليل).

**wkhater** · 09-10-2012 09:14 PM

انا اقترح على اللى عايز يشترى v5

اولا بالنسبة اللى ركب صينى وبأخص التيجو يمكن يجرب قيادة السيارة ويقارن هل فى فرق كيبـــــــــر بنها وبين التيجو وساعنها يقرر الشراء ام لا.

ثانيا اللى مبركبش تيجو او جريت وول وعنده عربية غالية اى فوق ال120 الف انصحوا يصرف نظر .

ثالثا اللى نفسه يركب سيارة نوع SUV مثل كيا سبورتاج افضل انه يشترى v5 لماذا عشان أرخص وفيها كل الكماليات وفعلا شكلها تحفه ويفضل انه يجربها ثم يستخير الله ويتوكل على الله.

**hugan** · 09-10-2012 09:22 PM

المشاركة الأصلية كتبت بواسطة tiggosaid

الحقيقة وانا كمان زيك ومتردد، رغم انى رحت شفتها لغاية دلوقتى 3 مرات وبقالى اسبوع عايش على النت معاها؟
وسعرها هو مشكلتها الكبيرة، علشان بيدخلك فى شريحة عالية تخليك تفكر فى بدايل كتيييييييييير
136 الف جم هتتطر تقارن مع الالنترا والنيسان والهوندا واللانسر والكيا،،،،،،،الخ
الحقيقة انا لما فكرت قبل كدة فى التيجو محترتش قوى ، لان مكنش في عربية فى سعرها وقريبه من مواصفاتها (لانوس، فيرنا، افيو)، وعلشان كدة قبلت المغامرة شوية، يعنى قبلت اركب صينى مقابل فرق السعر، والحمد لله موش ندمان!
وكمان الاسبيرنزا وكيلها قوى رغم السلبيات الموجودة، ومراكز الخدمة وحتى المعارض كتيييييييير، وكل خلق الله بقت بتشتغل فى قطع غيارها وتصليحها، واعادة بيعها معقولة جداً.
لاكن معلوماتى عن البريليانس ان مفيش غير مركز صيانة واحد فى القطامية، وحتى المعارض بتاعة الوكيل معرض واحد بطريق المطار(بخلاف موزعين محدودين).
علشان كدة محتار فى التغيير؟؟؟
واستقرت على انى استنى 3-4 شهور لغاية ما حد يجربها حتى لو اتحملت زيادة فى السعر بعد كدة، بس اكون مطمن(136الف جم موش قليل).

استاذ سيد ربنا يوفقك وتشتري البريليانس
لكن لو ناوي علي بيع التيجو ياريت تديني خبر لاني بدور علي واحده
لكن متردد في المستعمل عايز عربيه تكون مضمونه واخدها من حد ثقه