الموضوع: تقرير وصور مقابلة راس سدر

السلام عليكم ورحمة الله وبركاته
احنا وصلنا :-))

كان يوم رائع ومحصلش فى كل حاجة
حتى فى ارهاقه
ههههههههههههههههههههههههه هه
لازم نشكر محمد عبدالجليل اللى جهز كل حاجة مع الفندق
كل حاجة كانت ممتازة فعلا
ميرسى جدا يا استاذ محمد
كريم منير التنظيم كان مميز ومحدش احتاج حاجة وملقهاش
احلامنا كانت اوامر
ميرسى جدا لتعبك ومجهودك واهتمامك بكل التفاصيل وراحة كل الاعضاء
نورتنا انت والاسرة وميرم كريم باعتين السلام لكينزى وبيدو وعلى موبايلات بقا :-)
مهندس سمير الشهاوى الرجل اللى لو كتبنا فى اخلاقه مجلدات مش هنكفيه بجد
تعب معانا جدا جدا جدا
وكان شايل هم كل واحد وخايف لحد يضل الطريق او يتوه مننا
واللى يتوه يروح يدور عليه ويجبه
بجد بجد مفيش كلام يوفيك حقك
وتعب معانا بصفة خاصة اخدنا من القاهرة لراس سدر ذهابا وعودة
وعشان كده هنعمل كل المقابلات بعد كده فى اسكندرية
عشان الرجل ده تعب كتير اوى ولازم يرتاح بقا :-))

اجمل ما كان فى المقابلة المرة دى اننا اتشرفنا بمعرفة اعضاء جدد عالمقابلات
والاجمل اسرهم
فريند شيب المرة دى عرفتنا بانبها الاكبر احمد زميلنا فى المنتدى ربنا يخليهولها يارب
ومحمد طبعا صديق كريم والنز اللى ما صدق لاقاه من اول وصولنا للقاهرة وخلاص بقوا اصحاب :-9
نشوفكم على خير دايما
اتشرفنا باسرة اسامة المدام والاولاد
فادى ملحقناش نتعرف بالمدام والاولاد اخدهم واختفى ولازم تجيبهم معاك وتحضروا كل المقابلات بعد كده
احمد ابراهيم والبنوتة العسل وكريم الشقى والمدام كانت مشغولة بيهم جدا
اسرة عمرو سبق وقابلناهم بس المرة دى قعدنا معاهم شوية قبل ما يختفوا
استاذ محمد عبدالجليل والمدام وملك ملك كانت منورة بصراحة يعنى وكانت هتروح معايا بس محمد اخدها منى :-)
الحج احمد مشعل فى اول مقابلة عائلية بصحبة المدام والاولاد اتشرفنا فعلا بمقابلتهم
اللى معرفتوش محمد نجيب رغم ان كان فى نيم تاج بس مشوفتهوش برضه
حد يعرف هو جه ولا ؟ :-)
لاننا كان مفروض نرحب بالوالد والوالدة بس للاسف مشوفناهومش :-(
المقابلة رائعة بكل الصحبة وبكل الاعضاء
واليوم كالعادة مر كلمح البصر
عاوزين مقابلة لمدة اسبوع عشان نلحق نقعد معاكم كلكم
كل مقابلة وانتم بخير

المشاركة الأصلية كتبت بواسطة hellboy

كانت رحله جميله جدا
الشكر كل الشكر لكل القائمين علي هذا المنتدي
الاستاذ كريم منير -الاستاذ شنوري-الاستاذه سماء-م سمير الشهاوي-الاستاذ محمد عبد الجليل
انا لسه راجع حالا بعد مابيت وفطرت ورحت زرت عيون موسي والنقطه الحصينه في خط بارليف ودي بعض الصور برده اللي ينفع تتعرض لان الباقي عوائلي ..





دي صوره الغروب علي المارينا الخاصه بالفندق



دي اخر العنقود سكر معقود ..لين

ده محمد ابني في النقطه الحصينه في خط بارليف قاعد بدل قائد الدوشمه عقبال ماييجي وبيكلم جولدا مائير بيقولها ال ياخدوا سينا قال ..

ده الهوول بتاع الدور التاني من الفندق

علي البسين حوالي 4 كباري


مافي الغاااام ؟ هجووووم

الجندي المجهول وراء هذا الانتصار .

ربنا يخليهوملك يا فادى
نورتنا والله رغم انك اخدت العيال واختفيت ومعرفناش نقعد معاكم
اتاريك اخدتهم رحلة تانية لحد البحر
انا مشيت لحد اخر بيسين مقدرتش اكمل بصراحة :-))

المشاركة الأصلية كتبت بواسطة Hany A Fattah

بصراحه كان يوم جميل جدا وصُحبه اجمل وربنا يديم المجبه بيننا ..... وربنا يستر على الصور اللى هاتنزل.
وطبعا بما ان الشتا على الابواب كان فيه اقتراح ان المقابله الجايه قريب ان شاء الله وهاتكون فى الفيوم ربنا يسهل ونرتب ليها

اهو ده اللى لا ممكن ابدا
احنا مش هنخرج من اسكندرية لمدة 10 سنين قدام
حرام عليكم
هو كله ضرب ضرب كده