New MG3 crossover & MG 5-تقرير متكامل

**Ultramisho** · 09-10-2012 02:36 PM

المشاركة الأصلية كتبت بواسطة bmya

معلش شارك ايه اللي شكلها قديم !!!!!!!!
وبالنسبه لان حضرتك مسمعتش عن كيا غير من 2009 دي حاجه ترجعلك بقه (على فكره السيراتو القديمه انضف 100 مره من الجديده ) طيب وبالنسبه للعربيه mg دي اللي سمعنا عنها في 2013 وعاوزين نشتريها ب 120 الف جنيه عادي كده وبعدين هي البرليناس حلوه ؟؟ شوف كده الجالينا دلوقتي عامله ازاي اللي هي الى عربيه في البرييانس

على فكرة البريليانس جالينا أول ماتزلت نزلت ب 150 الف وبعدين تراجع سعرها إلى 100 تقريبا
ياترى ده مصير الام جي مااعرفش
بس غريبة ان العربية تنزل غالية وبعدين ترخص كده سوقها بيتحرق تماما والي جابها وقت الغلاء بيضرب نفسه مية جزمة
المفروض العكس تنزل رخيصة وتلفت الانتباه وتلم السوق وبعد مايبقى عند الناس ثقة فيها تبقى تغلى

أنا عن نفسي مااعرفش هي تستاهل ولا لأ فبالتالي مش هاغامر اعتقد ده هيبقى رأي الغالبية الي هتفكر فيها
صحيح البلوبيرد صيني بس دي نيسان
وصحيح ممكن تطلع عربية محترمة زي اصلها البريطاني بس ممكن لا

باختصار رأيي غالية على انها تتجرب
تقبلوا مروري

**Most_H** · 10-10-2012 01:14 AM

لسة شايفها النهاردة فى أباظة داون تاون التجمع
سالت على سعرها وقالى 118ألف.

العربية بصراحة تحفة، وتقفيلها ولا أروع، والكنبة اللى ورة واسعة ومريحة فى القعدة (انا 177سم)، والطابلوة شكلة تحفة (واخد شوية من الفوكس فى الحتة اللى فوق العدادات)

الكبوت تقفليه حلو جدا، والبيترفع بهيدروليك (بالنسبة لى حاجة مكنتش متوقع أنى ألقاها فى عربية صينى)

الشنطة الخلفية حجمها حلو جدا بالنسبة لعربية هاتش باك

الصراحة حسيت أنها تستاهل تمنها، بس النقطة الوحيدة اللى تخلينى افكر انها ماركة لسة جديدة ومش منتشرة، لكن لو كانت منتشرة كنت جبتها من غير تفكير ولو للحظة واحدة

**A.Adel** · 10-10-2012 05:03 PM

المشاركة الأصلية كتبت بواسطة most_h

لسة شايفها النهاردة فى أباظة داون تاون التجمع
سالت على سعرها وقالى 118ألف.

العربية بصراحة تحفة، وتقفيلها ولا أروع، والكنبة اللى ورة واسعة ومريحة فى القعدة (انا 177سم)، والطابلوة شكلة تحفة (واخد شوية من الفوكس فى الحتة اللى فوق العدادات)

الكبوت تقفليه حلو جدا، والبيترفع بهيدروليك (بالنسبة لى حاجة مكنتش متوقع أنى ألقاها فى عربية صينى)

الشنطة الخلفية حجمها حلو جدا بالنسبة لعربية هاتش باك

الصراحة حسيت أنها تستاهل تمنها، بس النقطة الوحيدة اللى تخلينى افكر انها ماركة لسة جديدة ومش منتشرة، لكن لو كانت منتشرة كنت جبتها من غير تفكير ولو للحظة واحدة

حضرتك تقصد أنهي واحدة ؟؟ :)