أريد أن انزل سيارة من السعودية واجمركها فى الغردقة وبعض الزملاء شكككونى بانه لا يوجد جمرك بالغردقة
اتمنى من يعرف يكتب الى
وشكرا
عرض للطباعة
أريد أن انزل سيارة من السعودية واجمركها فى الغردقة وبعض الزملاء شكككونى بانه لا يوجد جمرك بالغردقة
اتمنى من يعرف يكتب الى
وشكرا
سفاجا بقي ولا ايه .............؟
نعم يوجد بسفاجا جمرك أما فى الغردقة فلست أدري
متهيألي أه ....ممكن تعمل التخليص هناك ....
طيب هو ما ينفعش تفضل بيها تريبتك لحد قبل ال 3 شهور ماينتهوا وبعدين ترخص من أقرب منفذ جمركي ؟؟؟؟
برضو أستنى حضرتك الأعضاء يأكدولك في في الغردقة تخليص جمركي ولا لأ....
معلش هو حضرتك تقصد في منفذ جمركي في الغردقة ؟؟؟
لو تقصد كده أه في واللوحة بتبقى جمرك البحر الأحمر وبتركب حضرتك اللانش السريع من ضبا للغردقة ...
كان والدي عامل كده من الكويت ...
ما ينفعشى انزل بيها تربتك لانى نازل نهائى لا بد من دفع الجمارك فى اول ميناء تدخل عن طريقه مصر
وانا اقصد هل يمكن دفع الجمارك فى ميناء الغردقة و تخليص السيارة نهائى ولا لأ
أنا لا أعتقد بوجود جمرك في الغردقة
أنا غير متأكد و لكن
اللوح الجمرك مش بتأخد أسم المحافظة زي اللوح العادية
اللوح الجمرك بتشي أسم الجمرك أو الميناء اللي دخلت عن طريقه
يعني تلاقي لوح
جمرك سفاجا ......... جمرك نوبيع ...... جمرك الأسكندرية ..... جمرك بورسعيد ....... الخ
إنما أنا عمري في حياتي ما شوفت جمرك البحر الأحمر أو جمرك الغردقة
على فكرة سفاجا جزء من محافظة البحر الأحمر و أعتقد و الله أعلم إن لو اللوح هاتشي اسم المحافظة
كان أولى يحطوا البحر الأحمر بدل من سفاجا على اللوحة الجمرك
و لذلك يجب سؤال رجال الجمارك في هذا الشأن
و هو هل يوجد جمرك في الغردقة ؟؟؟؟؟؟
سأحاول الإتصال بجمرك الغردقة و السؤال لحضرتك إن شاء الله اليوم
أراك لاحقا
لا بصراحة مش عارف ...
عالعموم شوف اللينك ده كده
http://www.mfa.gov.eg/Missions/UAE/A.../carenterance/
بس عمال أدور لحضرتك عن الموضوع ده عالنت مش لاقي ...
طيب حقولك فكرة أبعت لجريده الأهرام عالسؤال بتاعك ولما يردوا عالسؤال يوم الجمعة في الجريده بإذن الله حبعتهولك
الميل بتاعهم
gamarek@ahram.org.eg
والله المستعان ...
لا يا أستاذ توت في جمرك البحر الأحمر والله
حتى سيارتنا كانت 808 جمرك البحر الأحمر والله ..(وكنت عاوز أدهنها أسود ههههههههههه بس قلت بلاش أعمل زي المخالفين للقوانين وخلينا أحسن ههههههههههه)
انا شاكر لكما على اهتمامكم بالموضوع
وانا فى انتظار المزيد
جزاكم الله كل خير
بالنسبة للإدخال النهائى للسيارات التى يستوردها المصريين المقيمون بالخارج :-
1- بقاء المواطن بالخارج مدة لا تقل عن تسعة أشهر .
2- أن يتم تملك وتسجيل السيارة فى ذات سنة الموديل .
3- أن يكون المشترى هو المالك الأول للسيارة .
4- استخراج شهادة " لمن يهمه الأمر " من إدارة المرور المسجلة لديها السيارة تتضمن تاريخ التسجيل وبيانات السيارة تفصيلاً ثم توثيقها من وزارة الخارجية الإماراتية ثم السفارة أو القنصلية المصرية .
قواعد عامة :
1- لا توجد قيود على شراء السيارات وتملكها وتسجيلها فى أول السنة أو فى آخر السنة طالما أن الشراء والتسجيل تم فى ذات سنة الموديل .
2- للتمتع بالتخفيض الجمركى الخاص بالسنة الأولى (10%) يجب أن يتم الشراء والتسجيل قبل تاريخ 1/10 من نفس سنة الموديل .
3- لا يتم ترخيص السيارات التى مضى على تاريخ صنعها عشر سنوات بما فيها سنة الموديل .
التعريفة الجمركية :
سعة المحرك رسم الوارد ض. مبيعات رسم التنمية الإجمالى
حتى 1600 CC 40% من سعر السيارة 15% من سعر السيارة + الجمرك 5% من سعر السيارة + الجمرك + ضريبة المبيعات 69%
من 1601-2000 CC 135% 30% 5% 220%
أكثر من 2000 CC 135% 45% 5% 250%
التخفيضات :
- 10% خصم من القيمة الجمركية عن السنة الأولى .
- 5% خصم من القيمة الجمركية عن كل سنة بعد السنة الأولى .
- بحد أقصى 50% ( تسع سنوات ) .
قطع غيار السيارات : 12%