اقتباس:
المشاركة الأصلية كتبت بواسطة ahmed_m_ashraf
بالضبط كده،
الأخ صاحب الموضوع، اللوجان مش عربية خارقة وفيها مميزات وعيوب زي أي عربية. بس فيها حاجة مهمة جدآ أعتقد مش موجوده في أي عربية ثانية في السوق، وهي السعر مقابل الإمكايات وده بسبب إتفاقية أغادير.
بإختصار ده بيكون سبب لبعض المحاولات لضرب سمعة العربية من حين لآخر من ناس مزقوقة من بعض التجار والوكلاء لسيارات أخرى، وأحيانا بيكون فيه غيره وتعصب من ناس ثانيه. فمن الممكن يكون موضوعك إتفهم من الناحيه دي خصوصا كان فيه موضوع مشابه قريب عن دواسة البنزين وإتضح إن أكبر مصنعي السيارات بيستخدمو نفس الإتجاه، يعني مش عجبه ولا إسترخاص في اللوجان بس. ،لا،اقع إن إنتشار العربية بيزيد وناس كتير معرفهاش بتوقفني تسألني على العربية وبقول إللي ليها وإللي عليها.
حضرتك شايف الموضوع غريب بس إحنا برضه مش خبراء في كل حاجة، حضرتك لو إكتشفت شئ غريب إعمل بحِ سريع على النت ولو عرفت السبب وبطل العجب، إبقى إنقله لنا، ساعتها هتلاقي صدى مختلف.
الوجان لو كانت وحشة مكانتش إنتشرت وخدت ثقة، والسبب ببساطة مش لأن اللوجان عربية خارقة، بس لأن السوق المصري كان بقاله مده طويله محتاج عربية مثمنه بحق ربنا مش نصب.
تقبل مروري ومتزعلش من حد، وإحنا وضحنالك سبب سوء الفهم.
كلام سليم 100 %
اللوجان مش عربية خارقة وفيها مميزات وعيوب زي أي عربية. بس فيها حاجة مهمة جدآ أعتقد مش موجوده في أي عربية ثانية في السوق، وهي السعر مقابل الإمكايات يعني مثلا انا كنت بتفرج فى معرض مرسيدس على (C200) الجديدة موديل 2013 تمنها 378000 جنيه و كانت نفس لون عربيتي اولا حاسيت ان بوية عربيتي وحشــــــــــة قوي (كأنها واخده بوية بورتال وش واحد والتانية واخده بوية جوتن ثلاث وشوش :grinder: ) و صالون عربيتي تعبان و تفقيل الموتور سئ وخلاصته حاسيت ان انا معنديش عربية اصلا و ده طبيعي لان ثمنها يفصل اربع عربيات من بتاعتي .... انما مقارنتها بالعربيات اللي في سعرها (لانوس – فيرنا - اسبيرانزا) كأساس عربية (موتور و عفشة و صالون و صاج) لا دي تتفوق بكتير يمكن ماعادة الصاج اللي ضعيف شوية من ناحية الرفارف