New Citroen C3 Picasso-تقرير كامل

**Mohab.Nabil** · 07-10-2012 01:39 AM

المشاركة الأصلية كتبت بواسطة hosam_optrawy

شكرا جزيلا على التقرير والمجهود

اسمحولى ياجماعه السبب دا مش مقنع :) الأكر دى استرخاص مش حاجه تانيه

لو على الامان والاطفال , الازاز الكهربا تقدر تدوس على الزرار بتاع اللوك فى باب السواق وانت الوحيد اللى تتحكم فيه

او لو العربيه نازله ب safety power windows لو جيت تقفل الازاز وفى اى حاجه حجزته هايقف اوتوماتيك

مش عارف بصراحة يا حسام باشا بس برضه مش قادر اقتنع ان هيسترخصوا فى حاجة زى ديه اصل التوفير فيها هيبقى قد ايه يعنى .. هو كلام حضرتك صح طبعا بس برضه الموضوع محير يعنى هينزلوا عربية بالشكل ده و كل الاوبشنز ديه و هيسترخصوا فى زجاج كهرباء ؟

**Mohab.Nabil** · 07-10-2012 01:42 AM

المشاركة الأصلية كتبت بواسطة hossam_elwani

احييك فعلا كلامك مزبوط والاطفال مش حجه ده استرخاص او عدم وعى !!!!!!!!!!

يا جماعة اظن الموضوع مش استرخاص .. اصل فيه حاجات كتير اوى كانت ممكن تتشال بسهولة و هتوفر عليهم اكتر كتير زى الجنوط مثلا .. مش عارف بصراحة الموضوع ده محير فعلا

**حاتم** · 07-10-2012 01:43 AM

المشاركة الأصلية كتبت بواسطة hossam_elwani

يعنى التكنولوجيا دى كلها وفى الاخر البيبان الى ورا اكر !!!!!!!!!!!!!!!!!!!

فيه منها فئات برة مصر أربعة زجاج كهرباء.
المفروض الوكيل هنا يهتم بتوفير فئة أعلى أو على الأقل يوفر الفئتين ويترك الاختيار للناس.

**A.Adel** · 07-10-2012 12:32 PM

أستاذ optrawy و أستاذ elwany
لما يسترخص في مكن إزاز , مش أحسن ما يسترخص في عوامل أمان زي عربيات كتير قوي منتشرة ؟؟
أو برده مش أحسن ما يشيل بارات الحماية اللي في البيبان زي عربيات برده منتشرة ;)

**A.Adel** · 07-10-2012 12:38 PM

المشاركة الأصلية كتبت بواسطة حاتم

فيه منها فئات برة مصر أربعة زجاج كهرباء.
المفروض الوكيل هنا يهتم بتوفير فئة أعلى أو على الأقل يوفر الفئتين ويترك الاختيار للناس.

عز العرب جايب تاني فئة اللي هي VTR+
ال exclusive فعلا فيها إزاز كهربة , بس خليك مكانه إذا كان مش عارف يبيعها وهي بـ 129
مابالك بقى لو بقت بـ 135-140 ألف ؟؟ :)

عموما أنا شايف إنه حاجة هايفة جدا لو قارنته بكماليات و عوامل أمان العربية

**Hosam_Optrawy** · 07-10-2012 01:51 PM

المشاركة الأصلية كتبت بواسطة mohab.nabil

مش عارف بصراحة يا حسام باشا بس برضه مش قادر اقتنع ان هيسترخصوا فى حاجة زى ديه اصل التوفير فيها هيبقى قد ايه يعنى .. هو كلام حضرتك صح طبعا بس برضه الموضوع محير يعنى هينزلوا عربية بالشكل ده و كل الاوبشنز ديه و هيسترخصوا فى زجاج كهرباء ؟

انا فاكر انى شوفت صوره لعربيه اوروبى حديثه بتتباع فى بلدها 2 ازاز كهربا فقط يعنى واضح ان دى حاجه ممكن تبقى اختياريه مش اساسيه , بس مش فاكر كانت ايه :)

واعتقد ان السبب هو التوفير زى ماقولت مش لاقى اى سبب تانى بصراحه

المشاركة الأصلية كتبت بواسطة ahmed-adel

أستاذ optrawy و أستاذ elwany
لما يسترخص في مكن إزاز , مش أحسن ما يسترخص في عوامل أمان زي عربيات كتير قوي منتشرة ؟؟
أو برده مش أحسن ما يشيل بارات الحماية اللي في البيبان زي عربيات برده منتشرة ;)

ولو انك بتلمح وتخبط فى حاجات كدا :)

بس معاك حق طبعا

**A.Adel** · 08-10-2012 02:33 AM

المشاركة الأصلية كتبت بواسطة mh.abdelghani

انا شفت السيارة في المعرض و عجبتني جدا بس المشكلة اني قلقان من التعامل مع عز العرب في الصيانة و قطع الغيار و قلقان ايضا من عدم توفر قطع الغيار مستقبلا لان السيارة ليس لها تواجد في الشارع المصري تقريبا يعني عمري ملشفت اي سيارة منها في الشارع شفتها عند عز العرب بس٠ ممكن حد يفدنا في الموضوع ده؟

تم الرد فالموضوع الاخر

http://www.nilemotors.net/Nile/31209...3-pecasso.html

**AlGazar2** · 08-10-2012 03:27 AM

عربيه حلوه جدا

بس عندى استفسارين

وسع العربيه زى ايه فى الفئه بتاعتها السول مثلا او الكارينز

و الفتيس مكتوب فى الصفحة على الفيس انه اوتو 4 سرعات فهو اوتوماتك عادى فعلا ولا سيمى مانيوال زى بتاع الفيات

**A.Adel** · 08-10-2012 11:04 AM

المشاركة الأصلية كتبت بواسطة AlGazar2

عربيه حلوه جدا

بس عندى استفسارين

وسع العربيه زى ايه فى الفئه بتاعتها السول مثلا او الكارينز

و الفتيس مكتوب فى الصفحة على الفيس انه اوتو 4 سرعات فهو اوتوماتك عادى فعلا ولا سيمى مانيوال زى بتاع الفيات

العربية في وسع ال soul مش ال carens
اللي في وسع ال carens ال c4 picasso
الصوره اللي موجودة للفتيس دي من عربية في مصر و هو EGS (يعني semi-auto زي fiat)