المشاركة الأصلية كتبت بواسطة darsh115
يا جماعة والله الواحد صابر
و مصبر نفسي بس اللى بيحصل دة فوق مستوي البشر
جمارك قد كدة على العربيات والواحد صابر
و الواحد لما يجي يشتري يلاقي اوفر برايز
بس العتاب مش على نيسان بصراحه
العتاب كله على الموزعين المعتمدين من نيسان
هما اللى مفروض عملو الازمه دي كلها
علشان خاطر الاستوك بتاعها مش يقعد فى المخازن لما شهر يناير او فبراير يجي
وعلى فكرة بقي انا عندي معلومات اكيدة ان المصنع
بينتج 85 عربية في اليوم وبيسلمها للموزعين المعتمدين
يعني 2500 عربية فى الشهر
لو اى حد من الموزعين المعتمدين لنيسان عنده شفافيه
يطلع يقول فين العربيات دي بتروح لمين بالظبط
ولو كلامي مش صح يقول بيستلمو كام عربيه في اليوم من المصنع
و كام عربية بتروح للحجوزات و كام عربيه بتروح للمعارض بتاعت الاوفر برايز
لاني سألت اكثر من معرض وقالي ورق العربيات بيكون باسم الموزعين
يعني الموزعين المعتمدين بدل ما يخلصو قائمه الحجوزات
لا بيدو العربيات للتجار الجشعين
علشان يرفعو من اسهم العربيه في السوق
والناس لما تعرف ان فيها ضغط يبقي العربيه حلوة
نفس الاسلوب الرخيص بتاع باقي التوكيلات مفيش فرق
وكله مص من دم المصريين الغلابه
لحساب التجار الجشعيين فوق مستوي الجشع الطبيعي
وفي الاخر اللي زيينا يقولهم اصبر اصبر
يا عم ما انا صابر اهو وساكت هو انا فتحت بقي