طرمة البنزين الكهرباء

**ofaashash** · 06-10-2012 09:43 PM

عاوز اركب طرمبة بنزين كهرباء لسيارة 127
بس خايف احط الطرمبه داخل تانك البنزين بمعنى خايف احط البنزين جانب اسلاك كهرباء الطرمبة
هل ينفع اركب الطرمبة خارج التانك واى طرمبة تنفع ولا نوع معين انا اشتريت فعلا طرمبة عربية دايو بس منتظر المشورة

**darsh_darsh** · 06-10-2012 10:52 PM

طب هو ايه المشكله فى الطرمبه الاساسيه بتاعتها

**ofaashash** · 08-10-2012 12:37 AM

المشكلة فى الاساسية التحضير
بمعنى لو ركنت العربية يومين تغلبنى فى التحضير لأن حوض الكربيراتير بيكون فضى اما لو طرمبة كهرباء بمجرد فتح الكونتاكت بتحضر لوحدها

**darsh_darsh** · 08-10-2012 12:43 AM

طب متركب شفاط الكربراتير هيحل المشكله ديه وتمنه رخيص حوالى 20 او 30

**alzelafy** · 11-10-2012 02:58 AM

الطرنبه دى بتتحط فى الحوض اصلا فى صدر العربيه جايبها للسويفت ب 60 جنيه و مكتوب عليها يابانى و اعتقد تنفع عندك بس بتبوظ كل سنه و نص عشان رخيصه و تركيبها سهل

**wael_power** · 11-10-2012 02:27 PM

فكرة كويسة بس مش عارف مستوي نجحها ياريت تبلغنا بالاخبار لو نجحت علشان واحد صاحبي بيعانى من الموضوع ده
بالنسبة للطرمبة زي ما الزميل قال بتاعة السويفت صغيرة وممكن تتحط في اي مكان في مسار خرطوم البنزين القادم من التانك وهي صغيرة الحجم وسهلة التثبيت , اما طربمة الدايو كبيرة ولازم تتثبت داخل التانك وده صعب جدا
وبانسبة لطرمبة السوزوكي موجوده الاصليه ب 150 جنيه يابانى

**فادى محمد** · 11-10-2012 04:28 PM

-لازم الطرمبه تبقي داخل التانك اعلي من اخره ب3سم علشان حساب تركيب فلتر الطرمبه
-الطرمبه عباره عن ملف كهربي بيسخن طبعا وتبريدها عن طريق وجودها مغموره في سائل البنزين ده بيبردها
-مفيش خوف من التوصيلات الكهربيه طالما هيبقي شغل نظيف من غير لحامات
-الطرمبه ليها طرين موجب وسالب هتوصلهم بسلكين عن طريق كلبسات نحاس جيده وبعد كده السلك هيطلع بره التانك لفيشه دكر ونتايه تركب بجامبر ممكن تشتريهم استيراد اي نوع
-خرطوم الoutهيروح للكربراتير للتغذيه وخلي بالك لازم في خرطوم راجع هيروح للتانك تاني علشان العربيه ماتشنقش لما تبطل وتدور تاني
-خلي بالك ان الطرمبه(الرداخ) اللي تشتريه يكون مناسب في الاصل للفئه اللتريه لموتور عربيتك
اعتقد ان ال127 900 سي سي مش متاكد ماينفعش تركب لها رداخ 1300 سي سي هيبقي حمل علي الدوره
واستني برده راي مستشار القسم التعليمي وباقي الخبراء الافاضل