أفضل موضوع لشهر أكتوبر : حل مشكلة بطء الدوارة والتنتيش وتعليق ال rpm على 3 ابيزا 2000

السلام عليكم

بفضل الله تم حل بعض المشاكل اللى كانت بتوجهنى من فترة وهاعرض عليكم المشكلة والحل بتاعها

اولا: تنتيش بعد فترة من القيادة وبعد كدة الار بى ام ميعلاش عن 3000 لفة والسرعة لا تذيد عن 100 كم

تم الكشف على العربية بواسطة الكابل وبرنامج VGA وطلع العيب من حساس الكرانك وتم تغيرة باخر استيراد سعر الحساس 120 ج من الحرفيين وانتهت المشكلة بفضل الله
ثانيا: بطء فى الدوارة
اثناء تغير حساس الكرنك الميكانيكى كان بيدورها والعربية مش عايزة تدور المهم رش رشه بسيطة من منظف الكاربراتير على البوابة ودارت العربية من اول مرة وكان راى الميكانيكى تغير طرمبة البنزين (انا عارف بالفعل ان الطرمبه ضعيفة لان راجع البنزين مكانش شغال واستجابة العربية لدوسه البنزين ضعيفة جدا )
الحمد لله تم تغير قلب الطرمبة باخر جديد صينى VDO مكتوب علبة Made in Germany ب 310 جنية والحمد لله انتهت مشلكه التاخير فى الدوارة وبقيت بتدور من اول مرة
بعد تغير حساس الكرانك وقلب الطرمبة معادش فى تنتيش والتسارع بتاع العربية بقى افضل بكتيييييييييييييييييير من الاول

الف مبروك يا احمد باشا
انا عارف انك تعبت شويه فى الموضوع ده
بس انا ليا عندك سؤال هوا الميكانيكى هوا الى رش الاسبراى بتاع الكاربراتير على البوابه ( الاسبراى الاصفر ) ؟؟
ما علينا

مبروك يا أحمد بيه علي حل المشكلة
بس معقولة انت كل دة ماكنتش غيرت طرمبة البنزين ؟؟؟
دانت بتشتكي من الموضوع دة من يمكن 3 او 4 شهور !!!
علي العموم حصل خير والحمد لله انها ماعملتهاش معاك وانت علي الطريق (مطروح)
حقاً السيات سيارة اعتمادية لا تخذل مالكها
ربنا يا رب يباركلك فيها ويديك خير ويكفيك شرها

والله المستعان
،
،

الحمد الله ان المشكلة اتحلت

اقتباس:

---

المشاركة الأصلية كتبت بواسطة matrix012

الف مبروك يا احمد باشا
انا عارف انك تعبت شويه فى الموضوع ده
بس انا ليا عندك سؤال هوا الميكانيكى هوا الى رش الاسبراى بتاع الكاربراتير على البوابه ( الاسبراى الاصفر ) ؟؟
ما علينا

---

الله يبارك فيك يا أ/ مصطفى
طبعا الميكانيكى هو اللى رش (الاسبراى الاصفر) واخد بالك انت

كفاره يا ريس

اقتباس:

---

المشاركة الأصلية كتبت بواسطة syd

مبروك يا أحمد بيه علي حل المشكلة
بس معقولة انت كل دة ماكنتش غيرت طرمبة البنزين ؟؟؟
دانت بتشتكي من الموضوع دة من يمكن 3 او 4 شهور !!!
علي العموم حصل خير والحمد لله انها ماعملتهاش معاك وانت علي الطريق (مطروح)
حقاً السيات سيارة اعتمادية لا تخذل مالكها
ربنا يا رب يباركلك فيها ويديك خير ويكفيك شرها

والله المستعان
،
،

---

الله يبارك فيك يا محمد بك
انت عارف الطرمبة شغاله ذى الفل ولكن المشكلة فى الدوارة صباحا والتسارع بطىء وانا مبحبش اغير حاجة غير لما اتاكد انها باظت لان الصنايعية بتقولك اشترى وهو مش فارق معاة اى حاجة.

بدون نقاش السيات سيارة اعتمادية لا تخذل مالكها

اقتباس:

---

المشاركة الأصلية كتبت بواسطة S O P H O S

الحمد الله ان المشكلة اتحلت

---

شكرا

الف مبروك يا احمد باشا
اقدر اقولك ان العربيات دى (الالمانى) لما بيكون فيها مشكله وبتتحل الفرق بيبقى خرافى يعنى لو مكتومه تبقى مبتمشيش تحل المشكله تحس انها بتطير ومبتبقاش مصدق انها عربيتك
ومن حيث الاعتماديه اخويا بدأ يقتنع بالعائله الاسبانيه وبيفكر فى حته توليدو 98 ولا حاجه بعد ما كان بيعشق السيفيك بس السيفيك فعلا غير اعتماديه بالمره مع انها ركوبه ممتعه
بفضل الله النهارده فكيت وش العربيه كله وعدلت الردياتير بعد ما كان معوج ناحيه الموتور ودهنت الشبكه بلونها الاصلى وعملت نيو لوك هبقى انزله فى موضوع بس بعد ما خلصتها حسيت بنفس الاحساس اللى عندك انها كانت صندل وعره وسكه 30 جندى خلوها بقت عروسه

اقتباس:

---

المشاركة الأصلية كتبت بواسطة acoal

الف مبروك يا احمد باشا
اقدر اقولك ان العربيات دى (الالمانى) لما بيكون فيها مشكله وبتتحل الفرق بيبقى خرافى يعنى لو مكتومه تبقى مبتمشيش تحل المشكله تحس انها بتطير ومبتبقاش مصدق انها عربيتك
ومن حيث الاعتماديه اخويا بدأ يقتنع بالعائله الاسبانيه وبيفكر فى حته توليدو 98 ولا حاجه بعد ما كان بيعشق السيفيك بس السيفيك فعلا غير اعتماديه بالمره مع انها ركوبه ممتعه
بفضل الله النهارده فكيت وش العربيه كله وعدلت الردياتير بعد ما كان معوج ناحيه الموتور ودهنت الشبكه بلونها الاصلى وعملت نيو لوك هبقى انزله فى موضوع بس بعد ما خلصتها حسيت بنفس الاحساس اللى عندك انها كانت صندل وعره وسكه 30 جندى خلوها بقت عروسه

---

في انتظار التقرير يا باشا
وياريت يكون مدعوم بالصور والشروحات الجامدة بتاعتك
عشان تدخل ضمن سلسلة اعمل صيانتك بنفسك

تحياتي

مبروك يا استاذ احمد فوز موضوعك بأفضل موضوع لشهر اكتوبر
ومنتظرين منك موضوعات اخري متميزة وعلي نفس المستوي في الشهور القادمة

تحياتي لشخصكم الكريم

شكرا جزيلا

تستحقها عن جدارة يا ابوحميد
منتظرين منك موضوعات اكتر وتقارير علي نفس المستوي كما عودتنا

تحياتي