اولا 10000 مبروك لحضرتك و يا رب يديك خيرها و تبسطك و تدلعك زي اي حد معاه العربية الجميلة دي ......
ثانيا حاول متخليش فرحتك بيها وانت رايح تستلم لاول مرة تنسيك الاتي :
-فحص دقيق لكل الملحقات من طقم عدة العربية (هتلاقيهم مربوطين في جوانب الشنطة من جوة ورا كل فانوس خلفي )
- الولاعة و شغالة ولا لأ
-الاريال و الاستبن هتلاقيه مستخبي تحت الشنطة و مش جنت السبورت و طفاية السجاير و دي مهمة اوي و خصوصا لو مش مدخن عشان الفكة و السماعة البلوتوث زي حلاتي
- فرش الكراسي ( و دي نظرة سريعة ) لأنه كده كده بيقى متشمع وتجرب السنتر و المفتاح الاحتياطي في كل باب عشان حضرتك مش هتلاقي السنتر شغال غير مع المفتاح الريمووت
-الكاسيت و السماعات (طبعا هتلاقي بيقطع عشان الكود ) بس للعلم انا استلمته شغال وهتلاقي سماعتين امامي فقط (معرفش ليه قفشوا على الموضوع ده )
-الازاز و دراعات التابلوه (اشارات و كلكس و مساحاات و اضاءة )
- التكيف وتجرب كل السرعات و كمان اازجاج الحراري لازم اللمبة تنور في التابلوه لمل تشغله
-جسم السيارة من الخارج هل فيه اي خربوش او صدمة و يستحسن تشيل الجلاد الابيض لو عليها عشان اللون اللي تحتيه هل كله نفس الدرجة و لا لأ
- بعد تشغيل السارة هل في اصوات غير طبيعية او نتش او خلافه
و متنساش تسمي (بسم الله ) قبل ما تدور
بانسبة للتليين زي ما قاال كل وحوش المنتدى حاول تبقى حنين عليها و خصوصا في اول 1000 كم و ممكن توصل لحد 3000 كم العداد ميزيدش عن 3000 rpm في كل نقلة و بعدين ممكن تدوس شويه حبزا لو بعد ال5000 كم ( انا عن نفسي عملت كدة )
و اي استفسار انا موجووووووووود و 10000000 مبرووك مرة تانية
المفضلات