رئيس الوزراء ... كلام نهائى ... الغاء الدعم عن بنزين 95

**Ahmed_Ramadan** · 07-10-2012 01:40 PM

طيب هيحددوا العربيات اللى بتاخد 90 و العربيات اللى بتاخد 92 على أساس إيه ( أنا عربيتى بتاخد الإتنين بدون مشاكل مع فرق غير ملحوظ فى الأداء) !!!!

**ayman2** · 07-10-2012 01:55 PM

المشاركة الأصلية كتبت بواسطة horas3000

للاسف قرار ينم عن جهل عمييييق من متخذه و من مؤيديه للي بيحصل حوالينا في العالم

بسبب اشتراطات حمايه البيئه يورو 4 و يورو 5 و اللي بتحدد نسبه الانبعاثات الضاره الصادره من عوادم السيارات الشركات المنتجه للسيارات ابتدت تتخلي عن المحركات الكبيره لصالح محركات اصغر مشحونه تربينيا
و زي ما هو معروف المحركات دي بتبقي نسبه انضغاطها عاليه لذا بتستلزم وقود ذا اوكتين عالي زي ال 95 و ال 98

و نتيجه ده ان العربيات بتبقي اقل استهلاكا للوقود بالاضافه الي قله الانبعاثات الضاره من العادم و اللي في الاخر هيعود بفايده اكبر علي الدول لانها هتوفر بنزين و هتوفر في فواتير الرعايه الصحيه لان التلوث هيبقي اقل

ده بقي في اوروبا و الدول المتقدمه
لكن في مصر ام الدنيا
بما ان البنزين 95 ده اغلي حاجه فبشكل اوتوماتيكي اعتبر ان ده بنزين الاغنياء
فاول ما تيجي سيره الدعم يقولك شيلوه من علي ال95 و الناس تنبسط انه هيتشال عنه الدعم زي ما انا شايف في التعليقات

و مش مهم بقي موضوع التوفير في البنزين و الانبعاثات و الكلام الفارغ ده
احنا عندنا ناس تاكل الزلط و مش مهم لما يموت مليون و لا اتنين و لا العيال يجيلها ربو و نفسهم ينقطع

لمعلومات حضرتك المرسيدس ال e350 اللي ب 780 الف دي بتمشي ببزين 92 عادي
زيها زي ال s350 اللي بمليون و شويه

لكن يا حرام الفيات ليانا تيربو اللي ب 100 الف هي و اللي زيها صحابها هما اللي هيلبسوا عشان لازم يحطوا ال 95

طب و اللي جايب عربيه ب 100 الف
و لا اللي ربنا كرمه و فتحها عليه بعد طلوع الروح و لا غربه كام سنه و جاب عربيه ب 300 الف
دول يعملوا ايه و عربياتهم مبتاخدش غير ال 95

ما هو اصل البحر يحب الزياده يا ريس

+1
نفس النظام القديم شويه قرارات استعراضيه بدون تفكير لدغدغه مشاعر البسطاء واصحاب النظره الضيقه البسيطه فى التعامل مع الواقع واصبحنا فقراء مع مجموعه من الأغنياء ياكلوا خير البلد بالرغم من ان الجمارك ورسوم الطرق واشياء اخرى يدفعها اصحاب السيارات لصالح الفقراء ... يا جماعه لابد من التفكير باسلوب حضارى يطلعنا فوق ده المفروض يتم الغاء بنزين 80 و 90 وتخفيض الجمارك علشان الناس (غنى وفقير) يركبوا عربيات أدميه تحافظ على البيئه والركاب وتحقق سيوله المرور .امتى بقى نفكر بجد ونقدم حلول متكامله .. حسبنا الله ونعم الوكيل

**adel_2346** · 07-10-2012 02:19 PM

المشاركة الأصلية كتبت بواسطة horas3000

للاسف قرار ينم عن جهل عمييييق من متخذه و من مؤيديه للي بيحصل حوالينا في العالم

بسبب اشتراطات حمايه البيئه يورو 4 و يورو 5 و اللي بتحدد نسبه الانبعاثات الضاره الصادره من عوادم السيارات الشركات المنتجه للسيارات ابتدت تتخلي عن المحركات الكبيره لصالح محركات اصغر مشحونه تربينيا
و زي ما هو معروف المحركات دي بتبقي نسبه انضغاطها عاليه لذا بتستلزم وقود ذا اوكتين عالي زي ال 95 و ال 98

و نتيجه ده ان العربيات بتبقي اقل استهلاكا للوقود بالاضافه الي قله الانبعاثات الضاره من العادم و اللي في الاخر هيعود بفايده اكبر علي الدول لانها هتوفر بنزين و هتوفر في فواتير الرعايه الصحيه لان التلوث هيبقي اقل

ده بقي في اوروبا و الدول المتقدمه
لكن في مصر ام الدنيا
بما ان البنزين 95 ده اغلي حاجه فبشكل اوتوماتيكي اعتبر ان ده بنزين الاغنياء
فاول ما تيجي سيره الدعم يقولك شيلوه من علي ال95 و الناس تنبسط انه هيتشال عنه الدعم زي ما انا شايف في التعليقات

و مش مهم بقي موضوع التوفير في البنزين و الانبعاثات و الكلام الفارغ ده
احنا عندنا ناس تاكل الزلط و مش مهم لما يموت مليون و لا اتنين و لا العيال يجيلها ربو و نفسهم ينقطع

احييك على ردك

ثانيا قابل بقى الكلام الى هتسمعه من المطبلاتيه

**Khaled Lanos** · 07-10-2012 02:27 PM

طيب ياترى هيشيلو الدعم عن الــ 92 كمان ولا لأ؟

أصلي كنت سامع من واحد صاحبي انهم هيشيلو عنو الدعم..بس يارب ميكونش صحيح

**محمد يوسف** · 07-10-2012 02:34 PM

المشكلة مش فى 95..المشكلة فى 92 اللى حايحصله

**superb** · 07-10-2012 02:48 PM

بالراحه كدا :

اللى هيشترى عربيه جديده ..
تدخل البلد = يدفع جمارك = ضرائب
يجى يرخضها = ادفع ضرايب و رسوم على الموديل و الموتور
يجى يمشى بيها فى الشارع = يحط بنزين غالى عشان هو جايب عربيه غاليه

طيب لما الواحد بيدفع دا كله للدوله و فى الأخر يلبس مطب ولا يعدى شريط قطر يخلص على العربيه و هو مقلش لأ لأى حاجه .. و لما يركن عربيه فى الشارع يرجع يلاقى عليها خرابيت ليلة العيد .. يبقى انت عاوز تقوله لأ .. انا هشيل من عليك الدعم .. لأ عفوا .. انت قدملى الأول اللى انت خدت عليه كل الضرايب و الرسوم دى .. ادينى طريق امن .. ادينى عسكرى مرور ينظم المرور مش ظابط تنك و كام عسكرى يوقفو الدنيا عشان استيكر صغير و تقولى القانون ... حسسنى انى بدفع ضريبه و بحسها .. لاكن للأسف احنا عملنا ثوره عشان ناس تستنفع بيها و عشان الشباب ياخد بالجزمه انه عمل ثوره .. و بالنسبه للبنزين ال95 بالنسبه لأى عربيه هو افضل و بيقلل مواعيد الصيانه و بيقلل الأنبعاثات الضاره عشان بيدعم تكنولوجيا المحركات الصغيره ..

انت يا عم مرسى لو وفرت دعم ال 95 قولى هتعمل ايه .... ولا اى حاجه
زيها زى اى حاجه بتاخد منها فلوس ... لو هتعمل كدا يبقى على كله .. حكومه و شعب .. و بدل مالوزراء و المحافظين راكبيه اى كلاس مرسيدس و مواكب .. يا راجل دا عشان ينتقل من نقطه ل نقطه بيكلف البلد مش اقل من 1000 جنيه بنزين ...

للأسف الخطط و الأفكار اللى بسمعها من الحكومه .. بتقول ان العمليه كفته

**hossam_elwani** · 07-10-2012 03:27 PM

المشاركة الأصلية كتبت بواسطة eng f3lix

والله حرام اللي بيحصل ده
عربيات الناس دي سعرها هينزل تحت الارض مش بس هينزل الارض
حسبي الله ونعم الوكيل

الناس الى حضرتك بتتكلم عليهم دول شريحه مجتمعيخ فوق كل شرايح المجتمع ماديا وهم الطبقه فوق المتوسطه الى اعلى درجات الاغنياء والمليارديرات تخيل ملياردير وبيعبى بنزين مدعم!!!!!!!!!!!!

المرحله الجيه عايزه اعادة توزيع عادله والغنى يتحمل عشان الفقير المطحون ولو بيحب بلده بجد مش حيسخط عليها

**MohssenRashed** · 07-10-2012 03:29 PM

يعني الدعم يتشال من على ال 92 عشان يشجع الناس تجيب عربيا قديمة تمشي ب 80 و 90 عشان البنزين ارخص.

المفروض يتلغي ال 80 و 90 تدريجيا مع اهلاك العربيات القديمة و تخفيض الجمارك عشان يشجع الناس تجيب عربيات جديدة و محترمة بدل اللي بيعطلوا و يقفلو الطرق و مفيهاش اي و سائل امان.

**hossam_elwani** · 07-10-2012 03:41 PM

المشاركة الأصلية كتبت بواسطة mmh666

الخبر النهاردة منقولا من الوطن
بنزين 80: بنفس السعر للسيارات المصنعة قبل 1995 فقط ولن يباع بالمحطات

وفقاً لخطة وزارة البترول، سيتم تحديد كميات البنزين والسولار للمستهلكين من أصحاب السيارات الملاكى والأجرة والنقل، وحددت الوزارة عدد سيارات الملاكى، وفقاً لإحصاءات إدارة المرور بوزارة الداخلية، بنحو 6 ملايين سيارة.

ومن المقرر منح سيارات النقل بمختلف أنواعها 1200 لتر شهرياً، ومنح سيارات الملاكى 120 لتر بنزين شهرياً.

كما تقرر تخصيص بنزين 80 للسيارات المُصنعة قبل عام 1995 فقط، بقيمة 1620 جنيهاً سنوياً، تدفع مقابل الحصول على الكوبون من إدارة المرور التابعة لها السيارة، ويحق لأصحاب تلك السيارات الحصول على أنواع متقدمة من البنزين وخصم القيمة السعرية من الكوبون.

وبحسب الخطة الجديدة لدعم الطاقة، سيتم قصر بيع بنزين «80» وفق نظام الكوبونات فقط بـ90 قرشاً، ولن يطرح للبيع بالسعر الحر، كما سيباع بنزين «90» فى «الكوبون» بسعره الحالى أى بقيمة 175 قرشاً، على أن يطرح للبيع فى المحطات بقيمة 3 جنيهات.

واستقرت وزارة البترول على إلغاء دعم بنزين «92»، وبيعه بالسعر الحر بقيمة 3.25 جنيه للتر الواحد، كما قررت إلغاء الدعم على بنزين «95»، وبيعه بـ4.75 جنيه، مقارنة بـ2.75 جنيه حالياً.

أما السيارات التى تسير بالسولار، قررت وزارة البترول منح كل سيارة نقل «كوبونات» سنوية بقيمة 15 ألفاً و840 جنيهاً، مقابل حصولها على 14400 لتر سولار فى العام بسعر 110 قروش، على أن يطرح للبيع بالسعر الحر خارج الكوبونات بـ2 جنيه.

أما بالنسبة لوسائل نقل الركاب «ميكروباصات» و«أوتوبيسات» ستحصل على 10 آلاف لتر سنوياً فى شكل كوبونات؛ بسعر مدعوم بقيمة 110 قروش، بإجمالى 11 ألف جنيه سنوياً

ايه رأيكو حتى الـ 92 مش هيكون مدعم دا احنا هنهيص

لاتعول على كلام جريد الوطن ... دى هيا الكذب واللخبطه بعينها ............

ولو كلامهم سليم يبقى العربيات القديمه سعرها حيرفع رفعه تمام ومنهم عربيتى الى عرضها للبيع ههههههههه

**M.Ayman** · 07-10-2012 03:54 PM

بصوا هو بالعقل ال 95 المفروض انه بيتحط لحد من الاتى ذكرهم يا اما عربيه تعديل بتربو (زى الايفوهات ) و دول ربنا يعينهم لان عربياتهم صلا بتشرب بنزين اكتر ما هما بيشربوا ميه , او عربيات زى البى و المرسيدس و ال فولكس الموديلات الجديده اللى بتربو او حتى الفيات برافو كل دول بيعملوا من 160 الف و انت طالع -ما عدا الايفو او اى عربيه عاديه اتحطلها تربو - ,,, اظن تفكير الحكومه بان دول ناس اغنيه بقى -او يمكن ميسورين الحال- فنشيل منهم الدعم ,,,, اكيد طبعا اكتر من 90% منهم مش من مستحقى الدعم و اظن ان ده افضل من انهم يشيلوه من على ال 92 و الشعب كله يتبهدل لانه حتى سواقين التاكسى دلوقتى بقوا عربيات حديثه بتاخد 92 !!!

بس لو فرضنا جدلا انك ممكن تتقدم بورق يثبت انك محتاج الدعم المشكله انه الاغنيه هيفبركوا و يدوا رشاوى و يدخلوا الدعم قبل مستحقينه الحقيقيين من مستخدمى ال 95