عايز اغير الكونتاكت و كالون الباب بمفاتيح جديده غير بتاعة العربيه مازدا 2009
عرض للطباعة
عايز اغير الكونتاكت و كالون الباب بمفاتيح جديده غير بتاعة العربيه مازدا 2009
اروح فين و بكام؟؟؟
التوكيل بس اكيد غالي ثانيا البديل الارخص الحرفيين
تقريبا في حدود كام و الحرفين هيدوني مفاتيح اصليه زي التوكيل؟؟
تغيرها ليه هو في احسن من الاصلي يا باشا
ايوه اصلية اكيد وده لأنهم بيحلوها من عربيات استعمال الخارج جايلهم متقطعة فالحرفيين بس الخوف ليعرف عنوانك ويعمل نسخة زيادة ويسرق العربية
معندكش غير حل واحد بس انك قبل ماتدخل الحرفيين وتركبهم تشيل نمر العربيه تماما وتركبهم لما تخرج من المنطقه خالص وبكده محدش هيعرف العربيه مكانها فين
او يا اما تعمل مفتاحين فصل كونتاكت بعد ماتركبه فى مكانين مختلفين وبكده يبقى الموضوع انتهى
التوكيل امان يا باشا بيديك مفاتيح اصلي و تريح دماغك من حد يطلع نسخة علي بتاعك و يسرقها و الكلام ده
ممكن تسأل فى سمارت كار
بس هم غاليين شوية ... اتصل بيهم الاول اسأل بكام ادخل على الويب هتلاقى التليفونات
http://www.smartcaregypt.com/
معرفش الموضوع صعب اوى فى ناس بتشتغل فى المفاتيح المشفرة بس مجربتش
فالاحسن التوكيل
اولا ابعد عن التوكيل خلاص لانهم 90% منهم مش بيفهم حاجه و بيخربوا بيت اى حد يرحلهم وانا بعمل شكوه فيهم حاليا لليابان
ثانيا: كان فى واحد زميلنا فى المنتدى كان حصل معاه مشكله فى المفتاح و راح سمارت كار و كان ردهم
انه لو هايغير كولين الباب بس و المفاتيح ده 2000 او يغير المفاتيح و الكونتاك و ده 5000 جنيه و ده لينك الموضوع الاصلى
http://www.nilemotors.net/Nile/270998-a.html
احسن حل فى واحد بتاع مفاتيح موجود فى نهايه جسر السويس عند عمارات الفاروقيه تحديدا
هايكلفك حوالى 700 جنيه بمفتاح ريموت روح و شوف
فى واحد جامد كمان دام الجامعة العمالية فى الاوتستراد
العمارات اللى سيتى ستارز فى ضهرها
اللى هى على اليمين بعد الجراج اللى فى اول نبيل الوقاد