عرض للطباعة
سلام عليكم
محتاج مساعدتكم وخبرتكم يا شباب ...
انا جديد نسسبيا ف العربيات ... :) وبفكر أشتري بونتو 2003 مستعمل انا عايز اسأل عن حاجتين
1- أنا بسافر علي طرق سيئة فمحتاج عربية عالية نسبيا عن الأرض هل البونتو عالية ولا بتحك ف المطبات ؟
2- التكيف عامل إيه في ايام الحر الشديد هل بيكون ضعيف ؟
أي نصيحة أو ملاحظة مرحب بيها جدا :)
في إنتظار ردود حضراتكم ...
انا كان معايا العربية وكانت كويسه جدا ماشاء الله في السفر لحد 150 وثابتة
وبتشيل من غير ما تشبح من قدام
وبالنسبة لعلوها عن الارض هي فعلا كانت واطية شويه لكن ده مش هيفرق معاك وانت علي الطرق السرعه بالعكس ده هديك ثبات اكتر
عربيه حلوة و ارتفاعها عن الارض مش واطي أوي
بالنسبة للتكييف كويس بس بتتقل شويتين في الجري و السحب
شكرا يا شباب علي سرعة الرد :)
بس انا كده قلقت ؟
نقطة التكيف ماشي تمام مفيش مشكلة
لكن انا موضوع ان العربية تبقي عالية اساسي بالنسبة لي وخصوصا اني مش بجري فموضوع انها تبقي واطية افضل علشان الإتزان ... ده مش هيفرق معايا اوي
لكن التعامل مع مطبات الطريق الرهيبة هي اصل المشكلة
أفهم من كلامكم إنها واطية زي اللانوس والفيرنا كده مثلا؟
ولو اه تنصوحونا بإيه يا أهل الخبرة عربية في حدود ال 40 وعالية ومتتعبناش علي الطرق الرهيبة بتاعتنا ؟
بص يا باشا أنا من ساعة ما ركبت العربية والحمدلله محكتش مني في أي مطب
و في مرة كنت ماشي و ماشي معايا سيات توليدو الجديدة و هي حكت في المطب و أنا لا الحمدلله
اطمن من ارتفاعها و متقلقش من موضوع المطبات
ارتفاعها عادى, لو عايز عربية عالية فى حدود 40 مافيش غير لادا بقى!
تكيفها ضعيف للأسف فى أيام الحر الجامد قوى , غير كدة معقول
قطع غيارها طبعا نادرة و غالية بالنسبة للفيرنا و لانوس, بس موجودة فى شارع دمشق و عند "الكيلانى" عند دار القضاء العالى
البونتو واطيه .. انا معايا بونتو 2002 .. العربية فعلا اوطى من موديلات كتير .. اللانوس اعلى منها .. لو عايز حاجة عاليه وفي نفس الرينج يبقى عليك بالسيينا
الف شكر يا شباب ...
الحمد لله ربنا أكرمني بالبونتو اللي قلتلكم عليها ولما سقتها لقيتها الحمد لله نسبيا عالية أو معقولة بالنسبة لي ...
محكتش مني ف بعض المطبات الغبية اللي انا عارفها وبشوف دايما بعض العربيات بتحك فيها
الف شكر يا شباب علي ردودكم وعلي مساعدتكم :)
ولو في نصائح عامة بقي أقدر أحافظ بيها علي العربية ياريت ....
انا كان معايا 128 ف بالتالي العربيات الحديثة والخفيفة دي جديدة شويه عليا
وإيه أخبار الصيانه بتاعتها علي بتعتمدوا علي مراكز خدمة معينة وووو...
شكرا ليكم مرة تانية :)