بعد رفع الدعم عن بنزين 95 - سكودا فانتازيا 2012

أنا عندى عربيه سكودا اوكتافيا فانتازيا موديل 2012 واول ما استلمتها قرأة على غطاء التانك الصاج ان البنزين المطلوب هو 98/95 ولما سالت احد العاملين بمعرض التوكيل بالمقطم قال لى لا معظم الناس بتحط 92 وكويس - بينى وبينكم انا قلت اكيد الناس اللى كتبوا 98/95 على باب التانك همه اللى صنعوها ومدين رينج سماحيه وكمان كاتبين بالكتالوج ممكن تمون اقل من 95 ومش اقل من 91 بشرط انك ماتسحبش بيها او تمشى بسرعه قصوى فقلت لنفسى ان اللى كتبو الكلام ده ناس عارفه وفاهمه همه بيعملو ايه وكمان مش من مصلحتهم تجاريا انهم يضعو قيود فى الاستخدام بلا داعى تكلف العميل والا يروح يجيب سياره اوفر.
ولكن بعد الغاء الدعم عن بنزين 95
عايز اخد راى مهندس ميكانيكا سيارات من الناحيه العلميه والفنيه هل بنزين 92 يؤثر بالسلب على المحرك
وشكرا

متتتتتتتتابع

كل محرك ولية نسبة انضغاط معينة وطبيعى ان نسبة الاوكيتان لما تكون اقل من المطلوب لاتمام عملية الاحتراق بصورة كاملة , بيأُثر بالسلب على المحرك على المدى البعيد وخصوصا اذا ظهر صوت تسقيف فى المحرك دة بيدل على عدم قدرة المحرك على السير بصورة طبيعية بهذا البنزين , فطبعا فية حلين

1- انك تمون 95

2- انك تمون 92 وتجيب منتج اسمة ( octane booster ) او رافع الاوكيتان ودة ممكن يعالج المشكلة بنسبة كبيرة مش هاقولك 100 × 100 بس بنسبة كبيرة بيعالجها

فطبعا كل دة بيأثر على المحرك بس على المدى البعيد

بمعنى هل هذا المنتج وعلى فتره طويله من إستخدامه يؤثر بالتالى على الموتور ؟؟

اقتباس:

---

المشاركة الأصلية كتبت بواسطة akmm

بمعنى هل هذا المنتج وعلى فتره طويله من إستخدامه يؤثر بالتالى على الموتور ؟؟

---

لأ طبعا مالوش تأثير على المحرك خالص , طالما بيتحط والتاتك على الاقل 60% منة مليان

اعرف ناس بيحطولها 92 وعااادى

ال octane boosters تأثيرها شبه معدوم ,لان الانواع النضيفة بتعدي ال 10$ بره و لو نزلت هتبقى غالية جدا ,يعني مش هتحس بفارق في الأداء خالص (ممكن تاخد لفة عال net كده و تشوف :) )

و كل توكيلات العربيات لا تنصح باستخدمها زي مثلا VW و FIAT, ممكن تكلم التوكيل تسأله
و استخدامه بشكل مستمر غلط ,حضرتك لو حطيت 92 أحسن

ولو عملت حسبى بسيطة كده الفرق بين 92 و 95 0.9 جنيه
اضربها في 50 لتر هيطلع الرقم 45 جنيه

ال booster بيبقى بـ 30-35 جنيه ,يعني زود و فول 95 و خلاص

و بالنسبة لزيادة اسعار البنزين ,كل التوقعات والأرقام اللي نزلت بتقول إن سعر 95 مش هيزيد أكتر من جنيه عن سعر 92 ,يعني الحسبة زي ما هي

شوف كده يا باشا ;) , برنامج fifth gear بيأكد إن مش بس ملهاش تأثير
دي كمان تأثيرها عكسي

Fifth Gear - Fuel Additives (Increased Power) - YouTube

اقتباس:

---

المشاركة الأصلية كتبت بواسطة ahmed-adel

ال octane boosters تأثيرها شبه معدوم ,لان الانواع النضيفة بتعدي ال 10$ بره و لو نزلت هتبقى غالية جدا ,يعني مش هتحس بفارق في الأداء خالص (ممكن تاخد لفة عال net كده و تشوف :) )

و كل توكيلات العربيات لا تنصح باستخدمها زي مثلا vw و fiat, ممكن تكلم التوكيل تسأله
و استخدامه بشكل مستمر غلط ,حضرتك لو حطيت 92 أحسن

ولو عملت حسبى بسيطة كده الفرق بين 92 و 95 0.9 جنيه
اضربها في 50 لتر هيطلع الرقم 45 جنيه

ال booster بيبقى بـ 30-35 جنيه ,يعني زود و فول 95 و خلاص

و بالنسبة لزيادة اسعار البنزين ,كل التوقعات والأرقام اللي نزلت بتقول إن سعر 95 مش هيزيد أكتر من جنيه عن سعر 92 ,يعني الحسبة زي ما هي

---

الفرق هيبقى 4.15 جنيه
حسبي الله ونعم الوكيل

اقتباس:

---

المشاركة الأصلية كتبت بواسطة eng f3lix

الفرق هيبقى 4.15 جنيه
حسبي الله ونعم الوكيل

---

إيه ده أنا سمعت إن 92 هيبقى بـ 3.25
هايخلوا 95 بـأكتر من 7 جنيه ؟؟!!

أنا سمعت إنه هيبقى بـ 4.5 أو حاجة كده

حسبي الله ونعم الوكيل

السلام عليكم
انا داخل عشان اتكلم في الموضوع و سبحان الله لقيته جاهز
انا بعترض على شيء وهو سواء العربيات الرخيصة بتاعت الناس اللي العربية بالنسبة ليهم شيء اساسي وليس ترفيهي واعتقد كلنا من الناس دي و زي ما بيقولو الناس اللي بتعرق عشان تاكل عيش الحكومة واخدة تمن العربية منهم مرة كمان على الجاهز احسن من المصنع اللي عملها وكسبانة كمان اكتر من التجار الانتهازيين اللي بيبيغوها وتيجي بعد كل ده وترفع الدعم عن البنزين .
بقول للمسؤولين يا جمارك يا رفع الدعم لكن الاثنين حرام!
تاريخ انهيار الدول العظمى بيبقى دائما فيه نصين مش بيتغيرو وهم: كثرة الرشاوي وكمان فرض الضرائب الباهظة ..
ولو هنتكلم بالمنهج الاسلامي فاننا جميع لنا حق على الدولة ان تدعم هذه المنتجات لنا بالاضافه للماء والكهرباء

موضوع البنزين ده لو تحقق تبقي كارثة بكل المقاييس لكل بيت في مصر ( شقيان )

اقتباس:

---

المشاركة الأصلية كتبت بواسطة RedBull_30

السلام عليكم
انا داخل عشان اتكلم في الموضوع و سبحان الله لقيته جاهز
انا بعترض على شيء وهو سواء العربيات الرخيصة بتاعت الناس اللي العربية بالنسبة ليهم شيء اساسي وليس ترفيهي واعتقد كلنا من الناس دي و زي ما بيقولو الناس اللي بتعرق عشان تاكل عيش الحكومة واخدة تمن العربية منهم مرة كمان على الجاهز احسن من المصنع اللي عملها وكسبانة كمان اكتر من التجار الانتهازيين اللي بيبيغوها وتيجي بعد كل ده وترفع الدعم عن البنزين .
بقول للمسؤولين يا جمارك يا رفع الدعم لكن الاثنين حرام!
تاريخ انهيار الدول العظمى بيبقى دائما فيه نصين مش بيتغيرو وهم: كثرة الرشاوي وكمان فرض الضرائب الباهظة ..
ولو هنتكلم بالمنهج الاسلامي فاننا جميع لنا حق على الدولة ان تدعم هذه المنتجات لنا بالاضافه للماء والكهرباء

---

يا باشا انا كان ليه مشاركه قبل كده على نفس موضوع الجمارك فى قسم bmw و قلت ان الاصل فى الجمارك فى اى بلد محترمه هو حمايه المنتج المحلى فييييييييييييين المنتج المحلى؟؟؟
- بالنسبه لموضوع البنزين . زى ماهو حق ربنا ( اسلاميا ) تبيعوا بالسعر العالمى و ترفع عنه الدعم . حق ربنا برده تدينى مرتبات و دخل بالسعر العالمى . و من اولها كده محدش يكلمنى عن رقابه اسواق او ضمير للتجار فى بلدنا المحروسه و شكرا

انا مش شايف أي فكر جديد -- نفس الطريقة القديمة -- رفع سعر البنزين يرفع كل حاجة والناس مش ناقصة -- كل السلع بتتلكك علشان يرفعوا سعرها -- انت بس لمح وشوف حيحصل ايه --- شكلهم ماعندهمش خبرة

في عربيات فانتاازيا تانيه مكتوب عليها ٩١-٩٥ زي الي معايا ... عموما احنا كان معانا ٣ عربيات منها و كله كان بيتحطله ٩٢ و الحمد لله محصلش اعطال و لا اي حاجه .. بس لو البنزين مش نضيف ممكن تسمع صوت كركره خفيف اول ما تكبس بنزين

لو البنزين اترفع التأثير بالسلب على كل من يعيش على ارض هذه البلد
وليس اصحاب الملاكى فقط ======
كل حاجه هتغلى بسبب ارتفاع تكلفه نقل كل شىء
=============
بكده الدنيا رايحه على حاجه غلط جدا جدا
الناس مش مستحمله غلاء ثانى الله المستعان

انا بعتذر لصاحب الموضوع باني هخرج عن سياق الموضوع بشيء بسيط بس بجد غصب عني وبعد اللي شوفته و هو الغلاء !!
يأتي الغلاء مع غضب الله على اي امه ..
انا شايف ان المصريين مبقوش اخوة .. يعني لا يحبون الخير لبعض بمعنى انهم ليسو باخوة ولكنهم اولاد عم ..
وجيت افكر في مرة و اقول امتى الخير هيدخل مصر ولقيت انه مش هيحصل الا في حالة واحدة وهي ان تحصلنا نكسة تانية و وقتها ولاد العم يبقو ايد واحدة على الغريب .
عارف ان كلامي مش مكانه هنا بس انا بتمنى اشوف البلد في حال احسن من كده في وقت كلي يأس بان يحدث ,
و طبعا رفع الدعم على 95 ما هو الا جس النبض للباقي واتفرجو على الغلاء بجد الايام الجاية

العربيه بقالها معايا 4 سنين بمون 92 و الحمد لله مفيش مشاكل فتوكل على الله و متقلقش و فعلا زى ما الاخ خالد قال العربيه مكتوب عليها (91 - 95 )

اقتباس:

---

المشاركة الأصلية كتبت بواسطة gobeltoffire

العربيه بقالها معايا 4 سنين بمون 92 و الحمد لله مفيش مشاكل فتوكل على الله و متقلقش و فعلا زى ما الاخ خالد قال العربيه مكتوب عليها (91 - 95 )

---

ههههههههههههههههههههههههه
أقو له عربيتى موديل 2012 فانتازيا والتنك مكتوب عليه 98/95 يدينى مثل بموديل 2008

متتتتتتتتابع

اقتباس:

---

المشاركة الأصلية كتبت بواسطة ayman_navy

ههههههههههههههههههههههههه
أقو له عربيتى موديل 2012 فانتازيا والتنك مكتوب عليه 98/95 يدينى مثل بموديل 2008

---

انا مش فاهم انت بتضحك على ايه !!!!! عموما معلومه كده نعرفهالك و اجرنا على الله الاوكتافيا ِA5 من اول 2005 و لحد الفانتازيا 2013 نفس الموتور mpi و بيطلع 102حصان و الاخوه يقدروا ياكدوا على كلامى و على فكره عربيتى 2009 و كانت واقفه جنب الفانتزيا لكن انا فضلت الشكل القديم :) اذواق بقى نعمل ايه

اقتباس:

---

المشاركة الأصلية كتبت بواسطة gobeltoffire

انا مش فاهم انت بتضحك على ايه !!!!! عموما معلومه كده نعرفهالك و اجرنا على الله الاوكتافيا ِa5 من اول 2005 و لحد الفانتازيا 2013 نفس الموتور mpi و بيطلع 102حصان و الاخوه يقدروا ياكدوا على كلامى و على فكره عربيتى 2009 و كانت واقفه جنب الفانتزيا لكن انا فضلت الشكل القديم :) اذواق بقى نعمل ايه

---

أه فعلا طالما سيادتك العربيه a5 كانت واقفه بجوار الفانتازيا يبقى طبعا عنك حق ماتقلش عنها شئ وفى الاول طالما عربية حضرتك تبقى حسن عربيه فى العالم وربنا يديك خيرها ويكفيك شرها وبالنسبه للضحك ياسيدى سيبنى اضحك شويه ولا خلاص اتكتب علينا النكد

اقتباس:

---

المشاركة الأصلية كتبت بواسطة ayman_navy

أه فعلا طالما سيادتك العربيه a5 كانت واقفه بجوار الفانتازيا يبقى طبعا عنك حق ماتقلش عنها شئ وفى الاول طالما عربية حضرتك تبقى حسن عربيه فى العالم وربنا يديك خيرها ويكفيك شرها وبالنسبه للضحك ياسيدى سيبنى اضحك شويه ولا خلاص اتكتب علينا النكد

---

الحمد لله عربيتى عندى احسن عربيه فى العالم و مش ببص هى موديل كام علشان تعجبنى و بالنسبالى فيها كل اللى يلزمنى و متقلش حاجه عن غيرها و الحمد لله نعمه ربنا يحفظها من الزوال و اتمنى انك تكون استفدت من المعلومه اللى حاولت اوضحهالك و اجرنا على الله

اقتباس:

---

المشاركة الأصلية كتبت بواسطة redbull_30

انا بعتذر لصاحب الموضوع باني هخرج عن سياق الموضوع بشيء بسيط بس بجد غصب عني وبعد اللي شوفته و هو الغلاء !!
يأتي الغلاء مع غضب الله على اي امه ..
انا شايف ان المصريين مبقوش اخوة .. يعني لا يحبون الخير لبعض بمعنى انهم ليسو باخوة ولكنهم اولاد عم ..
وجيت افكر في مرة و اقول امتى الخير هيدخل مصر ولقيت انه مش هيحصل الا في حالة واحدة وهي ان تحصلنا نكسة تانية و وقتها ولاد العم يبقو ايد واحدة على الغريب .
عارف ان كلامي مش مكانه هنا بس انا بتمنى اشوف البلد في حال احسن من كده في وقت كلي يأس بان يحدث ,
و طبعا رفع الدعم على 95 ما هو الا جس النبض للباقي واتفرجو على الغلاء بجد الايام الجاية

---

+111

اسكودا الخليجي مجهزة ٩٥ و ما فوق
اما اسكودا وكيل مصري مجهزة بنزين ٩١ و ما فوق و عفشة تناسب الطرق المصرية
و الله اعلم