لخطوات معموله مظبوط و بالدليل ان نور الانذار بينور احمر ثابت مش بينور و يطفى
المشكله فى الضغط على مفتاح lock علشان اوصل للحساسيه 8 مرات
و انا مش بلحق اوصل للمره الثامنه
عرض للطباعة
أولاً .. مبروك لصاحب الموضوع تثبيته لفائدته الكبيرة للأعضاء .. وأتمنى منك المزيد من المشاركات المفيدة للأعضاء .
أكيد فيه تسلسل أو سرعة في أداء الخطوات متعملتش .. علشان كدة أرجو من صاحب الموضوع المحاولة جاهداً الحضور المقابلة القادمة لشرح الموضوع بشكل عملي للأعضاء .
هى فعلا أحيانا بتذمر مرة وأحيانا مرتين وده أنا تعمدت ذكره فى الموضوع الأصلى عشان محدش يتلخبط ... كمل عادى زى ما إنت .. وبصراحة حته إنها رجعت تنور وتطفى فى الدوسة السابعة دى أنا مخدتش بالى منها ومقدش لا أثبت ولا أنفى أنا كان تركيزى على المؤشر إللى فى الريموت عشان أتأكد إنه شغال ومفيش دوسة سقطت (ومع ذلك يمكن التأكد من خلال صوت الزمارة)
أولا الله يبارك فى حضرتك بالنسبة لتثبيت الموضوع
ثانيا مسأله السرعة دى إدى كل خطوة وقتها بدون إستعجال خصوصا فتح وغلق الكونتاكت (إنتظر حتى يتم التأكد من العدادات عن طريق إرتفاع وإنخفاض المؤشرات السريع وسكون الصوت الملازم لها (شبه صوت زنه كده أو كمبيوتر بيشتغل) ثم قم بالغلق وهكذا فى كل مرة
طيب هو ما بين كل ضغطه و التانيه
المفوض اني استني اسمع صوت الزماره
ولا ادوس 8 مرات ورا بعض مباشره و مستناش الزماره
انا جربت تانى
و برضوا اخرى 7 دوسات و تفصل و مبتكملشى للثامنه
هو ممكن تكون 2013 مانيوال مختلفه عن الى قبليها ؟؟؟
لأ دى بصراحة مقدرش أفيد حضرتك فيها بس عموما أنا عربيتى 2012 يعنى مش بعيدة أوى لكن ممكن حضرتك ترجع للجدول إللى فى الكتالوج فى صفحة 28 أو 29 تقريبا وشوف ضبط حساسية الإنذار قدامها كام ضغطة (ربما يكونوا خفضوا أوبشن ولا حاجه وشفتوا الأرقام) لأن زى ما حضرتك عارف كل عدد معين من الضغطات بتغير فى وظيفة معينه
وبرضة لو فى حد من السادة المحترمين ممثلوا التوكيل متابع حوارنا يقدر يفيدنا أكتر
المساعده يا أهل الخير انا معى g3 -2012 ريموت العربيه مره يشتغل ومره يفضحنى ولا يعمل وبالذات لو معاك ناس ويشغل سرينة الانذار حتى لو فتحت العربيه بالمفتاح العادى لان السياره فيها زرار استار انجين مش كونتاكت قالوا اكيد حجر الريموت ضعف فهل من له فكره عنه ومن اين اشتريه وكيفية تغييره ولكم جزيل الشكر
فك الريموت يا باشا وشوف الحجر اللي راكب فيه أيه وهات زيه .. وممكن تراجع الكتالوج وتشوف طريقة تغييره