صيانة 60000 للوجان مهمة صعبة!!!!
يوم الجمعة اللي فاتت توكلت على الله وذهبت للميكانيكي اللي سألت علية كويس جدا وناس اثق فيهم شكرولي فية جدا وفعلا هوة متمكن جدا وايدية واخدة على العربية بشكل ممتاز من الاخر عارف بيعمل اية المهم كان رأية نحل الاول الموتور وبعدين نشتري اللي احنا عايزينة الحمد لله كل كان تمام لحد موصلنا للمحل اللي هنجيب من عندة الحاجة واللي انا اصلا سألة عليها قيل ما اروح للميكانيكي الصدمة بقا اية انة اول ماشاف السير و البلية و شداد الموتور قالي دول بتوع عربية اية بصراحة صدمت ونزل علية لوح تلج وبلمت قالي عليك و على التوكيل المهم قلت انزل محل تاني عارفة لقيت السير وملقتش البلية و الشداد و كان رد فعل الراجل بردة نفس رد فعل الراجل الاول وبصراحة الراجل مشكور سأل كذا حد بالتليفون و ملقاش البلية ولا الشداد المهم كان رأي الميكانيكي من الاول انهم شغالين كويس ومش عايزين يتغيرو بس انا اللي اصريت انهم يتغيرو بدام كدة كدة فكينا الموتور يبقا بالمرة بس للأسف مش موجودة هحاول انزل الصور اللي معايا بس قولولي اية رأيكم في اللي عملتة :-
1- غيرت الكاتينة وجبت نوع ايطالي اسمة dayco مقاسة sp 096 h 170 ثمنة 90 جنية.
2 - غيرت طقم البوجيهات وجبت طقم بوجيهات ( ngk ) طراز bkr6egp ثمنة 100 جنية.
3- غيرت فلتر هواء تركي وشكلة محترم جدا والله و احسن من اللي في التوكيل ثمنة 45 جنية.
4 - غيرت زيت فالفولين 10w30 و فلتر زيت فرنساوي ثمنهم حوالي 360 جنية .
5- تم تنظيف البوابة و حساس السلانسية بمنظف انجيكشن استخدمت النصف فقط ثمنة 28 جنية.
6- اضافة منظف دورة الوقود في التانك و فولت علية منظف دورة الوقود أو الانجيكشن من موبيل اسمة stp لونة اسود ثمنة 35 جنية.
7- تم الكشف على سير التقسيمة حالتة 100 % مغيرتوش وكمان على طرمبة المياة و حالتها ممتازة مغيرتهاش بردة.
8- تيل الفرامل كان كويس معملتش فية حاجة غير تنظيف فقط .
9- تم المراجعة على الزيوت الاخرى كلها الحمد الله كلها تمام سواء كان باور ولا فرامل ولا فتيس.
10- تم غسيل حوض الموتور في بنزينية موبيل بالكيماوي بصراحة الموضوع اختلف تماما علما بأني أول مرة أغسل حوض الموتور.
[gdwl]التقيم :-[/gdwl]
سحب العربية زاد جدا صوت الموتور بقا غير مسموع بالمرة من الاخر حاسس ان العربية رجعت زيرو.
[bor=#ff0000]في الاخر يهمني رأيكم و عايزين نشوف حل لموضوع البلية و الشداد انا عربيتي موديل 2011 مافيهاش فلتر بنزين خارجي ( اللي موجود فقط جوة التنك ) و مفيهاش فلتر تكييف .[/bor]
