أستشارة من الخبراء في صب كلاريون قديم شوية بس بحالة ممتازة ( مرفق صورة )

كنت قاعد عند صاحبي الانتيخ و بقلب في الولاب بتاعه لقيت صب كلاريون 300 وات ياباني
فخدته منه علشان اركبه عندي
انا عندي كاسيت بايونير 2250 و سماعتين كينوود 450 وات دبل بيز فور واي

الأسئلة بقى
1 - هل هحتاج جي ام ؟؟ يعني ضروري قوي و لا اوصله على الكاسيت على طول علماً بان الكاسيت في مخرج للصب
2- هل اعمله صندوق و لا اركبه على البوردة على طول علماً بأن ليه غطاء زي السماعات كدة يعني الرق بتاعه متغطي
3- , و ده الأهم الصوت هيفرق و لا مالهاش لازمة ؟؟؟؟

دي صورة الظهر بتاعه

http://www.nileup.com/uploads/13496093991.jpg

أعتقد هتحتاج ل جى ام علشان تسمع بيز مظبوط منه

الف شكر لأاهتمامك

اولا ياباشا سماعات كينوود 450 ديه ازاى حضرتك اكيد تقصد 400
بالنسبه للصب اكيد حضرتك لازمله جى ام مش هينفع يشتغل على الكاسيت ممكن تجيبله جى ام 250 سيمفونى هيشغله حلوووو اوى وخرج الصب الى فى الكاسيت ده ياباشا الى بيتوصل بيه الارسى الى جاى من الجى ام
وحضرتك ممكن تحطه فى تيوب بازوكا وهيديلك اداء معقوووول وهيفرق اكيد معاك فى البيز عن بيز السماعات وتحياتى ليك

اقتباس:

---

المشاركة الأصلية كتبت بواسطة eldell

اولا ياباشا سماعات كينوود 450 ديه ازاى حضرتك اكيد تقصد 400
بالنسبه للصب اكيد حضرتك لازمله جى ام مش هينفع يشتغل على الكاسيت ممكن تجيبله جى ام 250 سيمفونى هيشغله حلوووو اوى وخرج الصب الى فى الكاسيت ده ياباشا الى بيتوصل بيه الارسى الى جاى من الجى ام
وحضرتك ممكن تحطه فى تيوب بازوكا وهيديلك اداء معقوووول وهيفرق اكيد معاك فى البيز عن بيز السماعات وتحياتى ليك

---

السماعات انا هتأكدلك منها دلوقتي بس انا كنت جايبها من 2008

و معلش إذا كانت اسألتي بدائية لاني فعلاً ماليش في النوصيلات و دي اول مرة في حياتي اتعامل مع صب و كمان هيبقى في جي ام
فمعلش لو اسألتي بانت انها بدائية شوية

و الف شكر ليك لأهتمامك

اقتباس:

---

المشاركة الأصلية كتبت بواسطة أشرف العدوي

السماعات انا هتأكدلك منها دلوقتي بس انا كنت جايبها من 2008

و معلش إذا كانت اسألتي بدائية لاني فعلاً ماليش في النوصيلات و دي اول مرة في حياتي اتعامل مع صب و كمان هيبقى في جي ام
فمعلش لو اسألتي بانت انها بدائية شوية

و الف شكر ليك لأهتمامك

---

لا والا يهمك ياكبييييير وتحت امرك فى اى حاجه كلنا هنا اخوات :S_thum1[1]::S_thum1[1]::S_thum1[1]:

المشكلة الوحيدة بس الى انت ممكن تحسها ان شنطة العربية هتديق شوية مع صندوق الصب لانة لازم يتعملة صندوق او تيوب بازوكة
ثانيا التوصيلات بلاش انت تعمل اى حاجة لازم تروح عن حد او حد من اصحابك بس ميكونش بيفتى علشان ميطيرش الجى ام
وطبعا لازم هتجيب وصلة rc علشان تجيب مخرج صوت من الكاسيت الى الجى ام فى الشنطة طولها 5 متر
ولازم تجيب سلك مش اقل من 4 مم للكهربة من البطارية الى الجى ام فى الشنطة

ولو احتجت اى حاجة كلمنى على الخاص ولو مش هتركبة انا ممكن اخدة منك
بالتوفيق

اقتباس:

---

المشاركة الأصلية كتبت بواسطة mina-magdy

المشكلة الوحيدة بس الى انت ممكن تحسها ان شنطة العربية هتديق شوية مع صندوق الصب لانة لازم يتعملة صندوق او تيوب بازوكة
ثانيا التوصيلات بلاش انت تعمل اى حاجة لازم تروح عن حد او حد من اصحابك بس ميكونش بيفتى علشان ميطيرش الجى ام
وطبعا لازم هتجيب وصلة rc علشان تجيب مخرج صوت من الكاسيت الى الجى ام فى الشنطة طولها 5 متر
ولازم تجيب سلك مش اقل من 4 مم للكهربة من البطارية الى الجى ام فى الشنطة

ولو احتجت اى حاجة كلمنى على الخاص ولو مش هتركبة انا ممكن اخدة منك
بالتوفيق

---

أنا آسف للتأخير في الرد لسة شايف المشاركة حالاً
انا ان شاء الله هركبه عند ادريان الي في الهرم
و الف شكر لأهتمامك و مساعدتك
بس ليا سؤال هي القصة دي هتتكلف كتير
أصلي كنت بفكر قبل موضوع الصب ده ما يظهر اني اغير السماعات لكينوود 600 وات
انت ايهخ رايك اركب الصب على الي عندي احسن
و تكلفة الوصلات و التركيب و الصندوق في حدود كام تقريباً

عايز جي ام ضروري