زيت على البوجيهات وشرارة الموبينة

احلى سلام على احلى عصابة
عندى شوية استفسارات كدة
1- النهاردة فكيت البوجيهات قولت اشوف كدة ايه الاخبار لقيت تعريق زيت على البوجيهات بس مش كتير مجرد حاجات بسيطة اوى والبوجيهات لقيتها زى ما يكون محروقة ومهببة شوية.
2- العربية ساعات بتغيب فى الدوراة وساعات بساعدها بسنه بنزين,,, قولت اعمل اختبار الموبينة وفكيت سلوك البوجيهات واحد واحد والعربية دايرة وقربتها من جسم الموتور لاقيت الشرارة عاملة زى ما تكون بتولع ولاعة سجاير فاضية يعنى يدوب شرز كدة خفيف ولونة اصغر وسلك منهم كان لونة اصفر على ازرق ياترى كدة الموبينة كويسة ولا ضعيفة؟
شكرا مقدما يا اخدع عصابة

-لو التعريق علي القلاووظ ماتقلقش انما لو علي السن مشكله
-الشراره لازم تكون لونها ابيض يميل للزرقه انما لو اصفر يميل للاحمرار تبقي الموبينه ضعيفه

صح الكلام ده العريق على القلاووز جاى من برة يعنى مكان غيار زيت ولا ترشيح من غطاء تاكيهات بيجمع على القلاووز عشان ده مكان غاطس ,لكن لو على سن البوجيه لا قدر الله , بداية طقم شنبر و ما انصحش حضرتك تصهين عشان الموضوع بيكبر من نص عمرة لاكتر

تابع بقى وأكشف عالعربية و شوف لو محتاجة حاجة اعملها
أنا عندي في البونتو الميكانيكي لاحظ أن فيه زيت تحت العمة بالهبل
قاللي الموتور محتاج طقم شنبر و طقم جوانات ، دي اسمها نص عمرة مش كده ؟
المهم توكلت على الله و عملتها و الحمد لله الموتور رجع كأنه جديد

الف شكر يا رجالة,,,, الحمد لله الزيت فعلا على القلاووز وكان جوان غطا التاكيهات بيسرب وانا لسه مغيرة النهاردة,,,,
بالنسبة للموبينة لونها اصفر يميل للازرق يعنى ضعيفة

طيب يا رجالة تأخير الدوارة ده معناه ايه؟؟