سير الديانمو والشداد باظو تانى
يوم الخميس اللى فات نازل الساعة 11 الصبح كان عندى كام مشوار قبل ماروح الشغل بازود مياه فى العربية فوجئت بسير الدينامو طاير منه حوالى 0.5 سم واتحول لبودرة على جنب العربية وكنت مسافر بالليل كمان فقلت لازم اعمله
طلعت على م/فادى فى صقر قريش - دى اول مرة اروحلة دورت على عنوانه على المنتدى من فترة وكنت ناوى اروحله اظبط شوية حاجات لكن النصيب سبق - روحت وبصينا على العربية الشداد فيه مسمار مقطوم وبقى يتحرك من مكانه وبدا ياكل فى السير لغاية ما فرك جزء منه
روحت لربيع جبت شداد جديد نوع المانى ب 300 جنيه وسير جيتس ب 80 جنيه وكنت جايب ترموستات كوع من فترة ومركبتوش خليت م/فادى ركبه وحطيت مياه حمراء كمان والترموستات القديم كان ملغى
والحمد لله الحرارة ظبطت معايا النهاردة جاى من البلد 120 كيلو من الساعة 2 لغاية 4.5 مشغل التكييف والحرارة على 92 تطلع ل 95 لما اشد بالعربية واوصل ل rpm 3.5 ولما اهدى تنزل الحرارة تانى ل 92
بس المشكلة دلوقتى ان المياه الحمرا نفسها بتنقص وهتابعها برضه اليومين الجايين بس الحمد لله مشكلة الحرارة اتحلت وبرضه هاغير المروحة قريب ان شاء الله