اه يابيه عشان الموتور عندك محتاج يتزبط ( عمره) ويتلين حلو عشان حمل التكييف مايضيعيوش دا غير مشاكل الحراره
التكييف بيزود الحمل عالموتور يعني الموتور عشان يستحمل لازم يبقى عفي
التكييف بيزود درجه حراره الموتور بسبب الحمل الزياده يبقى دوره المياة بتاعت الموتور لازم نتاكد انها شغاله صح او نزود كفائتها من خلال كذا حاجه
كمان التكييف لما بيركب بيزود درجه حراره حوض الموتور عشان كدا لما نركبه لازم نراعي المساحات بتاعت التهويه جوا الحوض او نزود مراوح
لاحظ كمان ان السربنتينه الخارجيه بتركب قبل الراديتير ودا مش عيب بس دا بيقلل بشكل من الاشكال من بروده الراديتر وبيزوده سخونته كمان لازم تخلي بالك ان منطقة السربنتينه واراديتير نظيفه كل فتره ومافيش حاجه بتمنع مرور الهوا مابينهم وان المراوح شغاله بكفائه
والزيت المغشوش زود الطينه بله ماتحطش موبيل حط شل
بس دا مش معناه ان ماتورك كان كويس بالعكس دا معناه انه كان متهالك وملصم نفسه
المفضلات