هل السبب التكييف

**esame55** · 07-10-2012 09:30 PM

عندي 132 1600 موديل 74 جددتها بالكامل كل شيئ ولكن العربيه مش حباني خالص تقريبا غيرت كل حاجه فيها سمكره دوكو عفشه كوتش
العربيه مكيفه تكييف سنديان مش بتعها كومروسر 507 مكنش مشحون ولما شجنته اشتغل شهر تقريبا والمتور رزع سبيكه مع ان قبلهاكان كويس مفهوش حاجه ودلوقت بعمره لاني لقيت البستم 1 لدع سبيكه الكل عمال يقلي ان التكييف حمل علي المتور وهو الي بوظه ولازم تشيله حتي الميكانيكي هل ده صح بس انا عايزه ايه الصح لا تبخلو عليه
اه نسيت اقول ان الويت الي حطيته تقريبا كان مغشوش موبيل الاسود لان عمل 300 ك ونزل ميه بعد المكنه مباظت وميش لزوجه

**mbx4e** · 08-10-2012 02:53 AM

اه يابيه عشان الموتور عندك محتاج يتزبط ( عمره) ويتلين حلو عشان حمل التكييف مايضيعيوش دا غير مشاكل الحراره
التكييف بيزود الحمل عالموتور يعني الموتور عشان يستحمل لازم يبقى عفي
التكييف بيزود درجه حراره الموتور بسبب الحمل الزياده يبقى دوره المياة بتاعت الموتور لازم نتاكد انها شغاله صح او نزود كفائتها من خلال كذا حاجه
كمان التكييف لما بيركب بيزود درجه حراره حوض الموتور عشان كدا لما نركبه لازم نراعي المساحات بتاعت التهويه جوا الحوض او نزود مراوح
لاحظ كمان ان السربنتينه الخارجيه بتركب قبل الراديتير ودا مش عيب بس دا بيقلل بشكل من الاشكال من بروده الراديتر وبيزوده سخونته كمان لازم تخلي بالك ان منطقة السربنتينه واراديتير نظيفه كل فتره ومافيش حاجه بتمنع مرور الهوا مابينهم وان المراوح شغاله بكفائه
والزيت المغشوش زود الطينه بله ماتحطش موبيل حط شل
بس دا مش معناه ان ماتورك كان كويس بالعكس دا معناه انه كان متهالك وملصم نفسه

**esame55** · 08-10-2012 08:55 AM

مشكور اخي علي الرد والحمد لله قدر الله وماشاء فعل

**mbx4e** · 13-10-2012 04:13 PM

فعلا قدر الله وماشاء قعل وفديتك العربيه و100 موتور
ماتزعلش دي فرصه حلوه جدا
( هي بس هاتكلفك شويه مصاريف زياده )
الموتور عندك جاب اخره بسرعه شويتين زياده
المهم استغل الفرصه وحاول افتح الموتور وشوف لو هو حالته جيده اعمله عمره حلوه عند صنايعي متخصص عمرات او صنايعي خبير ومعروف عنه الامانه
لو الماتور متعمر قبل كدا حاول تدور على ماتور استيراد حالته كويسه بالتكييف
وممكن تشوف العمره تكلفك كام والمتور الاستيراد بترخيصه يكلفك كام وايهم انسب لك كتكلفه وفايده ليك وااستخير ربنا وانت الحكم؟
وركب التكييف واستمتع

**esame55** · 15-10-2012 09:37 AM

المشاركة الأصلية كتبت بواسطة mbx4e

فعلا قدر الله وماشاء قعل وفديتك العربيه و100 موتور
ماتزعلش دي فرصه حلوه جدا
( هي بس هاتكلفك شويه مصاريف زياده )
الموتور عندك جاب اخره بسرعه شويتين زياده
المهم استغل الفرصه وحاول افتح الموتور وشوف لو هو حالته جيده اعمله عمره حلوه عند صنايعي متخصص عمرات او صنايعي خبير ومعروف عنه الامانه
لو الماتور متعمر قبل كدا حاول تدور على ماتور استيراد حالته كويسه بالتكييف
وممكن تشوف العمره تكلفك كام والمتور الاستيراد بترخيصه يكلفك كام وايهم انسب لك كتكلفه وفايده ليك وااستخير ربنا وانت الحكم؟
وركب التكييف واستمتع

اولا مشكور علي الاهتمام وانا غير مقتنع بالمتور الجديد لعده اسباب منها التعامل مع ناس استغلاليه واسعار نار وايضا الغش ففضلت العمره والحمد لله انا بالين الان والامور ماشيه بس مع وجود بعض المشاكل البسيطه والعربيه طلعت موتور 1800 مش 1600 مع ان الرخصه 1600